YOHAN 10:10 - Lacid Common Language Bible

¹⁰ Khoug" su: gi khoug" wa said wa ga: lhu: phyo' wa ga: date: re. Ngoo koem gi nanu" da" kangso' yoo" wa tho' moo byeung" shoin: lo" da" kangso' yo" dei nyid wa shid' re" re" zi nghoid.

YOHAN 10:10 교차 참조

ESAIA 56:11

Nyangnu" gi khanham we' atho' tham: da" mhain: da" lakhuid" yo' du da:. He: vhujhung: yigi se' gyo: khyoo: ajo, nghoid da:. Nyangnu" mo yugkhang" moo" gi nyang: vho: ngei ziri koid wigi nyang: nya: akyu" shid re" za: sho: ago".

HOSEA 7:1

Nga" byumyu" Israela ri ngo wigi noo byang" byid: nau uri yo' nyangnu" ri doem yoo" zoo: yoo" shug nhang: nau khang" moo" ngoo shau" myang zigi nyangnu" da" akhyeing" ziyo' nyangnu" koid da" akhyeing" ashoeb da" moo" za: nghoid da:. Nyangnu" gi nyangnu" nyang: cang" mhoug fain" zoo: go" da:. Yhoem: khoug: khyoo: ceig vang yhe: wigi khoug" zo: ago". Nyangnu" gi khyoogung moo byumyu" yiri khyangtoug: koid ago".

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

MATHE 18:11

(Byu da" nya: zoo: gi byug loo" mo, ri khyoid yu wa shid re" ju" re" zi nghoid.) ‹‹He: Jhoem: dang: gi Loem ge" da" lo, mo lhid" to" da" jhoem: mungdang: xoug" moo gi aboo.»

MATHE 20:28

Khasu" wim gari Byu da" nya: zoo: lang" Su" be" ri deizoo:, zoo: wa ga: ju" re" zi anghoid. Sube" da" dei zoo: koid: wa ziyo'- Byu myoo" sho' ri khyoid yu wa shid re"-nya: kangso' ri byid: pyam wa ga: daju" re"» ga: Yesu tid.

MATHE 21:13

Nyang: nyangnu" ri «Mangsoo tid jhoem: mougsoug" moo lhid" to" zigi ‹nga" da" yhoem: ri Mangso yhoem: ein: wa› ga: nghoid loug we' hau: yhoem: ri nanu" gi khyangtoug: lug ug dakoid: nyid ago"» ga: tid.

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MARKU 11:17

Hougsu" nyang: gi mung" byu yi ri nga" yhoem: ri byumyu" acang: joeb sho' mo da" akyu" mho' yhoem:- ga: myeing boem wa"- ga:Mangsoo tid jhoem: mougsoug" moo lhid" to"- nghoid loug we' nanu" gi hau: ziri khyangtoug: joem gau" to da" lug ug koid pyam boem bye- ga: jhoug" byid: da.

LUKA 19:10

Byu nya: zoo: gi byug bye: mo, ri shoo: lho: khyoid yu wa shid' re" ju" ri" bye.

YOHAN 10:1

Aseing Yesu gi Deing" deing nanu" ri ngoo tid ba- yang khyam: khoug: khyoo: khoem" duang: khyo" avang loo loo: za: goo" khyo" do, rhoid vang loo su: gi khoug" su: yo" khyangtoug: danghoid.

YOHAN 10:11

Ngoo gi ge da" yang zung" su: nghoid. ge da" yang zung" su: gi yang joem shid' re" nya: kangso' dain, pyam nyid.

YOHAN 12:47

Nga" Mungdang: ri alhoem: yu su: ri ngoo gi dang: aphyed'- Mougmyid: byu yi ri dang: phyed' wa da" shid' re" ngoo gyoo" re" zi anghoid. Mougmyid byu yi ri khyoid yu wa shid' re" ngoo gyoo" re: lo zi danghoid.

YOHAN 12:6

Nyang: gi thang: phyang" Yesu ri gyivoo yi da" lo, moo ab pyam wa su: nghoid. Nyang: hid: su" tid da" zigi shojhen: mo, ri nheig khyeig yoomo tid zi anghoid. Khoug" su: nghoid. Nyang: gi ngei thung: voin su: nghoid yoomo ngei ri lhoung gau" khau" yhung: nyid.

YOHAN 3:17

Khasu" wim gari Mangsoo gi nya: zoo: ri nhang: kaid da" khyoo: gi Mougmyid byu yi ri tarha" dang: phyed wa shid' re" anghoid. Mougmyid byu yi da: khyoid yu Aseing bui" wa shid re nghoid.

YOHAN 5:40

Nghoidloug we' nanu" gi apyaid' ato: kangso' yoo" sho' ga: nga" jhang khyoo: anau re" boem.

YOHAN 6:33

Hau: da" main" gyeing" da" zooyho' gi Mougkhung: mo gyoo" lo lho: mougmyid xangsu: byu yi ri kangso' dei loo nhang: su: nyang: nghoid bye.

YOHAN 6:51

Ngoo gi mougkhung: mo, gyoo" lo da" kangso' zoo yho' nghoid. Nang he: zoo yho' ri shau" zo: ri khanham we' dadei nyid wa ngoo nanung" ri byid: wa zoo yho' gi mougmyid byu xangsu: yi dei nyid wa shid' re" ngoo byid: da' nga" shoo" nghoid.

Roma 2:21

Nang gi subi" ri gi jhoug" byid: -ciwim nanya gung ri gi ajhau" lha". Nang gi subi" ri akhoug" wa shid' re" kho" kyo" lho: ciwim na nyang: gi khau" nyid lha".

1 TIMOTHI 1:15

Yooboo dab, mo, ri khyoid yu wa shid re" Yesu Khristu gi mougmyid' khyoo: ju" ri bye"- ga: da" dang: khoin" gi khyag nyang: kham: yu ge ziyo' loem, ge" da" dang: khoin" nyang: nghoid bye. Hau: yooboo dab, bang: moo ngoo gi gyi: thang da" yooboo dab, su: nghoid nyid.

HEBRE 6:17

Mangsoo gi nyang: myid soin' nyheung lo" da" khyoo: joem ri thed' pyam'- shai" loo" nhang: wa zi anghoid loo: za: dang: soo" khoin" yo' sen: da" agyid asoo: kham: yu mo, ri bang bang toin" shid' nau nyid. Houg: yoomo nya: da" dang: soo" khoin" moo jham, tang: dang: lung: kaid to.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

2PETRU 1:11

Khyoo: he: khaid khyo" cang lo" boem nghoid rigi ngoonu" da" Aseing: yo' khyoid khyi: yu su:- Yesu Khristu da" athang agoin da" mungdain: khyoo:- yo" vang loo" wa da" akhang"- nanu" ri joeb joeb byeung" byeung" byid: wa zi nghoid.