YOHAN 1:49 - Lacid Common Language Bible

⁴⁹ Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

YOHAN 1:49 교차 참조

COUNG" NGHEI 110:1

Aseing gi re" gyivoo joem ri re" da" khoovoo khoug: moo: kaid pyam da" ayo, ju" sho' hid: nga" da" lo, yo shoid moo: zhoung: jo, we' ga: wigi: nga" Aseing khokham pho ri tid bye:.

COUNG" NGHEI 2:6

Nyang: gi «nga" gyeung" shang: Ziun boem tho moo nga" khokham phoo ri myonhoo: ngilang: ngoo ab byid: bye:› ga: tid» ga: tid nyid.

ESAIA 9:7

Nya: da" khokham yoem: so' gi xo' wigi gyi: sheung: loo wa. Nya: mungdain: gi khanham we ngei pyo: yug yo jo, wa. Nyang: gi akhid: nyid" mo zi ayo, thang sho' jo ziyo tarha" nyeung veung" da" adang moo nya: yoem: so' ri ayang: to" lho: khokham David khoo: moo khokham xo' koid yug khyo" vhoeb loo wa. Myhang: thang Aseing gi he: gu dangain" ri koid wa myid phyed too" bye:.

DANIELA 9:25

He: ziri xoem" ci wigi se' gyo: ci: we' Yerusalem ri doem di wa amyeing" khyo' byid: da" ayo, mo Mangso wigi khyen: to" da" vhu" shi: su ju" re" da" ayo, ju" sho' nyhed zain nyhed lheing: myang" loo goo" wa. Yerusalem ri fu" moo" khyoo: joem yo' geing: teing da" gyi lhoem: joyoo de: to" loo goo" wa. Houg: lho: hau: zigi khyug xe: eig zain nyhed lheing: geing: teing jo, loo wa. Nghoid loug we' he: zain gu: gi yau: khi" da" ayo, nghoid loo wa.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

ZEPHANI 3:15

Aseing gi re" dam ri bain thang loo" nhang: abye: Nyang: re" gyivoo yi dangain" ri we' khaid pyam byid: bye: Israela da" Aseing khokham gi akhid" nang yo' dage" nyid nyid. Ce" gyoug ci' wa khyoo: we' ajo, loo:

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MATHE 14:33

Houg: lang" lhid' khoug: moo nyid da" cangzoo: yigi «Nang gi Mangso da" nya: zoo: gyeung" nyang nghoid bye:» ga: Nyang: ri noku boem ago".

MATHE 2:2

«Khu: loo bye: da" Yuda khokham" gi kha: yoo: lha". Nya: da" kyi: ri bid thu' mung" moo ngoonu" shau" myang bye. Houg: yoomo nyang: ri noku wa ngoonu" ju" re" boem:» ga: re" tid ago".

MATHE 21:5

Hau: da" Lape: dang: gi «Zion voo zeing: ri tid kyoo" ge' Yu" ge' re" da" khokham" gi Nu" nham da" nheigloem: yo' loozei: zoo: dang: khung: moo zhoung: wigi Nghoidbye: loozei: nya: myhi' da" nya: zoo: dang: moo zhoung wigi Re" jhang juri" bye:» ga: tid to.

MATHE 23:7

Kid" vang" moo we' phau" myang: vhu" pid' pid wa ziri vho: ngei ago". ‹Sara: moo" we"› ga: tid wa ziri we' gyoo: ngei ago".

MATHE 23:8

Nghoidloug we' nanu" dangain" mo, gi nya: mang: nya: nhung" nyang: cang" nghoid lho: nanu" da" tho' moo sara: gi dayug kyeing" za: danyid yoomo nanu" nyang: cang" ‹sara: we"› ein: akhi: goo".

MATHE 27:11

Roma mung" zoug: Pilaid da" shid khoin" moo Yesu yhe: yab jo, da" uri Pilaid zoug: moo" gi «nang gi Yuda yikhokham" nghoid la"» ga: lhoem: myid. Yesu gi «nang nyang: tid nyid da:» ga: phoug tu.

MATHE 27:42

«He: yug ri subi" ri yo" khyoid yu. Nyang: nya: da" gung rigi ayo" khyoid yu nhung: lha"» ga: juang" yi nyid boem nyang: gi Israela byumyu" da" khokham" anghoid la". Pyang" zeing mo akhid" nyang: yo" gyoo" lo nghoid rigi ngoonu" nyang: ri loem boem wa.

MATHE 4:3

Hau: uri jhu' phyo' su: yu satan: ju" re" wigi «Nang Mangso da" nya: zoo: nghoid deung rigi he: lugzeing ri zooyho' bue" loo we' ein: tid we'» ga: tid.

MARKU 15:32

Ngoonu" shau" myang lho: loem" jeung" wa shid re" Israela khokham" Meshia gi hau" pyang" zeing mo gyoo" loo baja" ga: nyang: cang" nyang" tid go" nyid boem. Nyang: yo' dage" pyang" zeing moo bo jen" tab to" khyangtoug: eig yu we nyang: ri bo juang" nyid ago".

LUKA 1:35

Mouglagyoo: gi «gyeungshang: Venyi: gi Re" tho' moo juri" wa. Myhang: thang da" Mangso yoem: vhoo" gi nang ri shoem" goem byid: wa. Houg: yoomo nang khu: loo wa yuggi zoo: ri myhang: thang da" Mangsoo nya: zoo: ga: myheing byid: boem wa.

LUKA 19:38

Nyangnu" coung" nghei thui: gi Aseung: myeing yo" jure" da" khokham" phoo gi ngilho' dang: khab nyid baja" o"- Mougkhung: mougdi moo Mangsoo phung" yoeb myonhoo: yo, myenjham" nyid baja" o".

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

YOHAN 1:34

Houg: su" tid to" ziyo' dakhyoo" ti"- ngoo shau" yang bye. Houg: yoomo ngoo nanu" ri tid ba- nyang: gi Mangso da" nya: zoo: nghoid.

YOHAN 1:38

Aseing Yesu gi thang: khyoo: lheing: yu" kaid ri houg: bang: cang lo ziri myang lang" ‹‹Nanu" ce: noem sho: yen" go" ga: wigi myid. Houg: bang: gi ‹‹Rabai we" nang khamoo nyid la"»ga: myid: boem. (Rabai ga: da" dangkang: gi sara: we" ga: tid nau zi nghoid.)

YOHAN 1:50

Aseing Yesu tid zigi Lafoem gam gyid" moo ngoo nang ri myang bye: ga: tid yoomo za: nang loem" jeing" la". He: tho' moo je gyi: da" moozoo" joem ri nang myang shi" wa zi nghoid.

YOHAN 18:37

Pilaid khokham" gi houg: su" nghoid rigi ‹‹Nang gi khokham" nghoid la".» ga: myid. Aseing Yesu gi Ngoo gi nang tid ziyo' dakhyoo" ti"- khokham" nghoid. Ngoo gi deung main" da" tarha" ri kho" kyoo" baja" ga: khu: re" lho: he: mougmyid moo gyoo" lo zi nghoid. Deungmain" da" tarha" yo" sen: mo, dangain" gi nga" da" dang: ri tam" gyo: ago" ga: tid kyo.

YOHAN 4:31

He: da" uri cangzoo: yi gi ‹‹Sara: we" zoo: noem shi" zoo: we' ga: zheung: sang: boem.»