YOHAN 1:45 - Lacid Common Language Bible

⁴⁵ Philib gi Nathanela ri myang lang" Moshe da" tarha" pug moo nghoid loug- Lapi: yi da" Jhoem: mungdang: moo nghoid loug- lhid" shed' too" su: ri ngoonu" myang bye. Hau: yug gi Yoseb da" nya: zoo:- Nazared mo Yesu nghoid ga: tid.

YOHAN 1:45 교차 참조

APOEM AYANG: 22:18

Ngoo gi re" amyed ashen yiri mainkaid byid: yhang: ti" byumyu" bain sho' bang: we' nyangnu" ri mainkaid byid: wa shid re" ngoo ri mho' loo wa nghoid. Khasu" wim gari nang gi dang: ri tam" gyoo: yoomo nghoid bye:» ga: tid.

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

ESAIA 4:2

Aseing gi agam khang" moo" ri zhung" wigi seiggam khang" moo" ri mungdain: khoug: moo yug gyi: ri" nhang: lho: yung" loo nhang: wa ayo, ju" lo nyid da:. Nyid deung jo, da" Israela byu yi dangain" gi gau yi boem wigi hau: mungdain: wigi yoo" nhang: da" gug zoo mei: loem: yoomo langi: koid loo goo” wa.

ESAIA 53:2

Nya: dei zoo: gi kyug hei' da" myidgung moo agyi: cen' da" agam yo' dakhyoo" ti" nghoid wa ziri Aseing da" myid vho: khyoo: nghoid. Nyang: gi ngoonu" wigi yu" xoem" wa da" langi: yo' yung" gyeing" avoid ayoo" nghoid da:. Nyang: ri yu" nheig dab pho" zi ci: aboo. Ngoonu" ri nya: jhang she: yu wa ci: aboo nghoid da:.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

ESAIA 9:6

Ngoonu" shid re" zooshang: khu: byid: abye:. Ngoonu" ri yuggi zoo: byid: to" abye:. Houg: lho: nyang: gi ngoonu" da" vhoebkhang" yug nghoid loo wa. Nyang: ri «Mau" pho" phajhi" byid: yug» «Myhang: thang Mangsoo» «Apyaid atoo: mo phoo» «Ngei pyoo: yug yo da" khokham nu"» ga: myheing loo goo" wa.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

ZEKHARIA 6:12

Hau: lho: hidsu" ein: tid ge' ‹Yoem: moo" bo da" Aseing gi hidsu" ga: tid nyid. He yug gi akung: ako' ga: myheing too" su: nghoid. Hau: yug gi nya: joyoo moo gyi: myhang: lo lho: Aseing da" yhoem: moo" ri doem nyheing zhug wa zi nghoid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MATHE 10:3

Philimon yo" Batholume- Thoma yo" kheing" khyu: zoo: su: Mathe- Alphe da" nya: zoo: Yaku yo" Thade.

MATHE 13:55

«Hid: yhangte" da" mau" pho" alhoo: again joem gi khasu" wim yo" koid shug la'. nyang: gi lagsama nya: zoo: anghoid la'. Nya: myhi' myeing gi Mari ga: zi anghoid goo" rhe"- nya: nhung" we' Yaku Yoseb Simon Yuda ga: bang: anghoid goo" la".

MATHE 2:23

Houg: su" wigi Yesu ri «Nazared phoo ga: myheing boem wa» ga: lapi: yi tid to" dang: gi byeung" loo bye.

MATHE 21:11

Byu phung: moo" yi gi «He: yug gi Galile mung" Nazared voo mo Yesu ga: da" Lapi: nghoid» ga: tid go" nyid.

MARKU 14:67

Petru myi: gang nyid ziri myang lang" nyang: ri yu" zhug to" lho:-nang we' Nazared mo Yesu yo' dage" lhoung nyid yen" su: nghoid» ga: tid da:.

MARKU 6:3

Nyang: gi Mari da" nya: zoo:- Yaku Yoseb Yuda yo' Simn da" nya: mang:- Lagsama phoo anghoid la". nya nham mo we' hid: moo nyhang" yo" dage" nyid mo, anghoid goo" la"» ga: nyangnu" nyang ri ngeug he: boem.

LUKA 18:37

Byu yi gi Nazared mo Yesu lid: lo" nyid ga: nyang: ri tid kyo" ago".

LUKA 2:4

Yoseb we nyang: loxo' wa ga: dang: myed: to" da" Mari yo" dage" Galile mung" Nazared voogung mo wigi Yuda mung" Bedlehem ga: da" David khokham" da" voogung khyoo: yhe: lo" ago". Mari gi zoo: khu: wa jen" jen" nghoid bye. Yoseb gi David khokham" da" nya: myid: nya: zoo: nghoid yoomo Bedlehem voogung khyoo: yhe: lo" zi nghoid.

LUKA 2:48

Yoseb yo" Mari eig yug we nyang: ri myang lang" gye" mau" ago". Hau: thang: ri nya: yhed gi Nga" zoo: we"- nang ciwim wigi nga" tang: ri hid: su" koid: lha". Re" ba" yo" ngoo gi nang ri gye" gung youg yau wigi cang sho: yen" ga: tid.

LUKA 24:27

Hau: thang: ri-Yesu gi xang: shi" da" Moshe da" mougsoug" pug moo boda" jhoem: dang: mo wigi Lapi: yi tid to" da" mungdang: dangain" moo nyang yo" sen: da" jhoem: mungdang: dangain" ri he: eig yug ri tid pang kyo".

LUKA 24:44

Hau: thang: ri nyang: gi Moshe da" tarha"- Lapi: yi da" tarha" mungdang: yo"- coung" nghei mougsoug" moo nga" khyoo: yo" sen: wigi lhid" to" da" khyoo: joem gi bui" nyang: bue" loo wa ein: wigi nanu" yo" dage" nyid shi" uri ngoo tid kyoo" bye: the,- ga: nyangnu" ri tid.

LUKA 3:23

Aseing Yesu gi moo" zei: shed" lo da" uri soem" xi: zain koo: nghoid bye. Subi" yu" myang soin: byid: nyid ziyo' dakhyoo"- Yesu gi Yoseb nya: zoo: nghoid Yoseb gi Heli nya: zoo:- Heli gi Mathaid nya: zoo:-

LUKA 4:22

Byu dangain" mo, gi Yesu ri coung" byid: dang: tid go" nyid boem. Yesu da" nhoid mo thu' da" dang: yi ri gyo: mau" boem lho: He: yug gi Yoseb da nya: zoo: anghoid la"» ga: myid: go" nyid boem.

YOHAN 1:44

Philib gi Besaida voo mo nghoid. Besaida gi Andre yo" Petru eig yug nyid da" voogung nghoid.

YOHAN 12:21

Nyangnu" gi (Galile moug mo Besaida voo byu ) Philib jhang khyoo: yhe: lho: wigi Sara: we"- ngoonu" gi Aseing Yesu ri myang: nau- ga: yhe: tid boem.

YOHAN 14:8

Philib, gi Aseing: we"- hau: phoo ga: zi ngoonu" ri toin" shid' we' houg: su" yo" toin" shid' lang" ngoonu" gi nheig shid: wa ga: tid.

YOHAN 18:5

Houg: bang: gi Nazared mo Yesu ri sho:- ga: tid boem. ‹‹Ngoo gi hau: yug nyang: nghoid bye:» ga: tid. Aseing: ri gyivoo yi da" lo, moo ab pyam wa da" Yuda gi houg: bang: yo' dage" yab jo.

YOHAN 18:7

Houg: yoomo Aseing Yesu gi nanu" hang" ri shoo: go" ga: doem myid. Houg: bang: we' ‹‹Nazared mo Yesu›› ri sho: ga: doem tid boem.

YOHAN 19:19

Pilaid khokham" gi-xang: yoeb ladoo" mougsoug" lhid" lho: Aseing Yesu da" pyang" zeing: tho' moo tab too" nhang. Hau: da" mougsoug" gi (Yuda byu yi khokham" Nazared voo byu Yesu ga: zi nghoid.

YOHAN 21:2

Simun Petru- Thoma (Galile meing: Kana voo byu) Nathanela- Zebedi da" nya: zoo: yi yo" cangzoo: gootu: eig youg bang: gi dage" nyid boem ago".

YOHAN 6:42

Nyangnu" tid da" zigi He: yug gi Yoseb da" nya: zoo: Yesu anghoid la". Nya: myhi' yo' nya: phoo ri ngoonu" se'- anghoid goo" la". Houg: su" nghoid ri ci: yoomo ngoo gi mougkhung: mo gyoo" lo ga: tid nyid lha"» ga: tid go" nyid boem.

YOHAN 6:5

Yesu gi lheing: yu" kaid da" uri byu phung: moo" cang lo nyid ziri myang kaid lang" hid: bang: zo: wa zoo: noem khayo se' qei wa lha"» ga: Philib ri myid: da.

YOHAN 6:7

Philib phougtu" zigi byu dayug ri zoo: noem dajhi' jhi, yo" gam zhoo" sho' gi ngei eig shoo: kyab koo: mo qei ri datham: wa zi nghoid›› ga: wigi phougtu.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

ACTS 2:22

Israela mang: nhung" yi we' He: da" dang: ri tam" gyo: yu" ge'- Nazared voobyu Yesu gi-Mangso phung" yoem: vhoo" khyo" nghoid ziri Yesu da" lo, khyo" mau" pho" alhoo: again yo' mau" pho" moozoo" joem ri zei: shug abye:. He: khyoo: gi nanu" nya: da" phung: moo bue" lid lo ziri nanu" nyang: myang se' boem bye.

ACTS 22:8

Ngoo gi Aseing: we" nang hang" nghoid lha". ein: myed: kaid' ri Nyang: tid zigi Ngoo gi nang shen" yhen nyid da" Nazared voo mo Yesu nghoid - ga: ngoori tid.

ACTS 26:9

Ngoo nyang: we' - Nazared mo Yesu da" myeing ri gyi, koid da" moozoo" ri ngoo yo" koid yhi' mo koid eung: su: nghoid ein: jho: lo yu" da" byu dayug nghoid.

ACTS 3:6

Petru gi ngoo gi ngei dakyab, we' ayoo - nghoid loug we' ngoo yo" ja: nang ri byid: wa. Nazared mo yesu khristu da" myeing yo' ngoo nang ri amyeing" byid: da -to yab, lho: khyoo: so" loo" we'. ga: tid.