YOHAN 1:38 - Lacid Common Language Bible

³⁸ Aseing Yesu gi thang: khyoo: lheing: yu" kaid ri houg: bang: cang lo ziri myang lang" ‹‹Nanu" ce: noem sho: yen" go" ga: wigi myid. Houg: bang: gi ‹‹Rabai we" nang khamoo nyid la"»ga: myid: boem. (Rabai ga: da" dangkang: gi sara: we" ga: tid nau zi nghoid.)

YOHAN 1:38 교차 참조

1 KHOKHAM 10:8

Re" yhoem: seing: myhi' yigi gye" gam ge nyid da:. Re" nam moo khanham we' nyid da" re" dei zoo: yi yo' re" phajhi" dang: ri shoug" gyoo: wa da" akhang" yoo" bang gi gye" gam ge nyid da:.

COUNG" NGHEI 27:4

Ngoo gi Aseing ri daja: mho' bye:- ngoo vho: zigi daja: kyeing" za: nghoid. Aseing da" yhoem: moo: dapyaid goin" shoug" nyid lho: nya: da" ge khyoo: ri hougmoo: myid fang wigi nyang: khyoo: shed yu wa ziri: mho' nyid.

DANG: ZHOEM 13:20

Phajhi" boo su: yo' zoem" khau: nyid we' houg: lang" nang phajhi" bo loo wa nghoid. Nghoid loug we' ko" fang: da" byu yo' nang bidnoem koid nghoid rigi nang byo, yoin" lo" zi shoug" wa nghoid.

DANG: ZHOEM 3:18

Hau: da" phajhi" ri si' bang: gi ngei pyo: boem wa phajhi" juyhi: gi nyangnu" ri kangso' dei nyid nhang: wa nghoid.

DANG: ZHOEM 8:34

Nga" dang: ri tam" gyo: ziyo' nga" khoem" duang: moo: nyid" khang" moo" nyid nyid wigi nga" yhoem: khoug: moo: vang lo da" khoem" duang: moo: dalang" nyid su: gi ngilhoo' wa nghoid.

NGOUG JI: 5:19

Nghoid loug we' O" Aseing we"- nang gi apyaid atoo: mo khokham nghoid nyid. Houg: yoomo yo, boin: thang sho' nang vhoebkhang" nyid wa zi nghoid.

LUKA 10:39

Matha moo nya: no, Mari ga: da" myiyi: zoo: dayug bo. Nyang: gi Aseing: da" khyid: yang: moo nyang: jhoug" byid: khyoo: ri tam" gyo: zhoung: jo.

LUKA 14:25

Byu phung: moo" joem gi Yesu yo" dage" cang lo boem. Yesu gi nyangnu" ri bain lheing: yu" lho: tid zigi

LUKA 15:20

Houg: lang" nyang: gi to' lho: nya: pho, jhang khyoo: doem tau" loo" bye. Yhoem: mo vi moo daloo" shi" ri nya: phoo myang kaid lho: nyang: ri nheig yu" khyeig yoomo yhe: gei gab' po: yu lho: boobug boug.

LUKA 19:5

Yesu gi hau: joyoo moo ju" lo" da" uri nyang: yu" kaid lho: «Zake we"- myab gyoo" loo we' akhid" nyid" re" yhoem: moo ngoo theing: wa» ga: tid.

LUKA 22:61

Aseing: gi Peteru ri lheing: yu" kaid. Houg: lang" Peteru gi naakhoomyen gyo, atoin: shi" ri nang gi ngoori asi ga: soem" lheing: ngeig pyam wa ga: tid to" da" Yesu dang: ri myid: boin: lo

LUKA 8:38

Hau: yu joem phang: thu' loo" su: gi Yesu ri ngoo nang yo" dage" so" yen" nau" ga: mho' nyid.

YOHAN 1:37

Cangzoo: eig yug gi hau: dang: khoin" ri shaug" gyoo: lang" Yesu da" thang: moo cang lo" ago".

YOHAN 1:39

Yesu gi hid: moo re" yu" ge" ga: phougtu. (hau: ayo gi myenthang: myid nayi: koo nghoid bye.) Houg: lang" nyangnu" gi nya: thang: cang yhe: ri nyang: nyid joyoo yhe: zheing: myang boem lho: nyangnu" gi Yohan yo' danyid" goin" nyid koin ago".

YOHAN 1:49

Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

YOHAN 12:21

Nyangnu" gi (Galile moug mo Besaida voo byu ) Philib jhang khyoo: yhe: lho: wigi Sara: we"- ngoonu" gi Aseing Yesu ri myang: nau- ga: yhe: tid boem.

YOHAN 18:4

Aseing Yesu gi nyang: thoung" shau" wa da" moozoo" dangain" ri si' gu nghoid yoomo houg: bang: jhang khyoo: jhen" yhe: lho. Nanu" hang" ri shoo: go" ga: yhe: myid.

YOHAN 18:7

Houg: yoomo Aseing Yesu gi nanu" hang" ri shoo: go" ga: doem myid. Houg: bang: we' ‹‹Nazared mo Yesu›› ri sho: ga: doem tid boem.

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

YOHAN 3:26

Houg: yoomo nyangnu" gi Yohan jang" moo yhe: lho: ‹‹Sara: we"- Yodan gyidlang bid thu' tab' moo Sara: moo" jhang jure" yu" bye: da" byu- nang lhoung tid nyid da" su: ri aboin: la". Akhid" nyang: gi Babtisma ri cang kham: byid yen"- byu myoo" sho' we nya: jang" moo zeing: re" nyid ago"» ga: re" tid.

YOHAN 4:31

He: da" uri cangzoo: yi gi ‹‹Sara: we" zoo: noem shi" zoo: we' ga: zheung: sang: boem.»

YOHAN 6:25

Gyid thoem" thei: tab' moo Aseing Yesu ri myang boem lang" gi Byu phung: moo" yi gi Sara: moo" we"- nang gi hid: tab' moo khanham jure" lha"» ga: myid: boem.

ACTS 10:21

Houg: yoomo Petru gi gyoo" lo wigi nyangnu" ri nanu" sho: nyid su: gi ngoo nghoid-nanu" cikoid ju" ri" go" ga: myed.

ACTS 10:29

Hougsu" wigi nang ngoori khi: nhang: kaid' da" uri ngoo gi ci" we' ahi: loo: za: cang ri" bye- Houg: yoomo nang ngoori khi: nhang: kaid' da" khyoo: ri akhid" tid kyoo" we' - ga: tid.

RUTHA 1:16

Rutha koem gi «Nang ri too" kho' lho: re" jang" moo acang loo wa khyo" ngoo ri ajhoin" nyid. Nang ju" da" joyoo khyi' khang" moo" moo ngoo cang ju" loo wa. Re" byumyu" gi nga" byumyu" nghoid. Re" Mangsoo gi nga" Mangsoo nghoid baja".