YOHAN 1:18 - Lacid Common Language Bible

¹⁸ Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

YOHAN 1:18 교차 참조

APOEM AYANG: 16:13

Hagara nya: gung nyang: myid: yu" zigi «Ngoo gi dei nyid lho: hidsu" dang: tid da" Mangsoo ri deing deing nyang: myang bye: nhung» ga: lho: nyang: gi nyang: ri dang: ji da" Aseing ri «Ngoo ri myang da" Mangsoo» ga: tid.

APOEM AYANG: 18:33

Nyang: gi Abraham yo' dang: bain tid thang: ri Aseing loo" khare" lho: Abraham gi yhoem: khyoo: tau" lo.

THU' LO" MOUGSOUG" 23:21

Nya: dang: gyo: wigi nyang: ri phoug" myang: ge'. Ngoo nyang: ri nhang: kaid zi nghoid yoomo nyang: ri athougtheung nyid goo". Thougtheung gyi koid bang: ri nyang: gi yooboo khyoid byid: wa zi anghoid.

THU' LO" MOUGSOUG" 24:10

Nyangnu" gi Israela byumyu" yi da" Mangsoo ri myang ago". Nya: khyid: vhoo: moo gi mougnyoug yhang: te" da" Nila lug nyoug myhu" to" da:.

DANG: ZHOEM 8:30

Ngoo gi nya: nam, moo: yhoem: zhug su: yhang: ti" nyid nyid bye:. Ngoo gi nyid" khang" moo" nya: da" ngei pyo: apoem: bui" byid: nyid wigi nya: shidkhoin" moo: khanham we' gau, yi nyid.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

NGOUG JI: 2:12

Nyangnu" gi zooyoid gyid shed zoore nyangnu" da" nya: myhi' bi" ri: yoid ngau nyid boem. Nyangnu" gi dam dab, mo, yhang: ti" fu" moo" khyoo: moo: lu: leung yen" ago". Houg: yoomo nya: myhi' be" da" shid khoin khoug: moo: zo" re re shid: lo" ago".

GYUNG: SOO" 12:8

Houg: yoomo ngoo gi nyang: yo' myonhoo: shu: go" to" lho: bang bang za: dang: tid. Qei" shoem' khyoo: aboo. Nyang: gi nga" gung yoeb rilang" myang bye: su: nghoid. Re" eig tang: gi nga" dei zoo: Moshe ri thougtheung dang: voem" tid go" rhe"» ga: tid da:.

MATHE 11:27

«Nga" phoo gi zi yoo jo, moo jo, ngoori ab, byid: pyam bye. Pho, tho' moo gootu: hau: nya: zoo: ri hang" we asi. Hau: nya: zoo: tho' moo gootu: Hau: nya: phoo ri hang" asi.

LUKA 10:22

Nga" phoo gi ziyoo bain sho' ngoori ab byid: too" bye. Zooshang: kha: yug nghoid zigi Nya: phoo mo led: lho: gootu: hang" we' asi. Nya: phoo gi kha: yug nghoid zi we' nya: zoo: yo' nya: zoo:- khyen: yu lho: toin" shid noug su: mo lid: wigi hang" we' asi ga: tid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 12:41

Esaia gi Aseing Yesu da" myonhoo: phung" yoeb' ri shau" myang yoomo Aseing: da" khyoo: ri hid: su" ga: tid zi nghoid.

YOHAN 13:23

Hau: da" uri Aseing Yesu jheddab da" cangzoo: dayug gi Aseing: da" nam, moo zhoung: jo.

YOHAN 14:9

Yesu gi Philib, we"- ngoo gi nanu" yo" hid: myhang nyid lo ri ngoori nang asi shi" la". Ngoori myang yu su: gi phoo ri we' shau" myang zi nghoid bye. Houg: su" nghoid ri phoo ngoonu" ri toin" shid' we' ein: ci: koid; tid nyid go" lha".

YOHAN 17:26

Nga" da" tho' moo Nang to" da" jhed' khyeing: kang: khyeing: gi nyangnu" moo we bo jo, lho: ngoo we' nyangnu" da" nheugloem: moo yo" loung" jo, wa da" shid' re" Re" da" khyoo: nyangnu" ri ngoo si' nhang: bye. Xo, lho: wigi we' ngoo zei: loo" shi" wa ga: wigi akyu" mho'.

YOHAN 17:6

He: mougmyid mo khyen: thu' lho: nga" da" lo, moo nang ab byid: da" byu yi ri ngoo gi nang ri we si' nhang: too" bye. Houg: bang: gi nang seing: ci: yoomo ngoori ab byid: bye. Nyangnu" gi re" da" mungdang: ri tam gyo: nyid boem abye:.

YOHAN 3:11

Nang ri ngoo deing" deing tid kyo"- Ngoonu" gi nyang: nyang: se' da" khyoo: yo" myang da khyoo: ri tid kyoo". Nghoidloug we' ngoonu" tid kyo" da" dang: ri nanu" hang we' anau lhoem: yu nghoid ago".

YOHAN 6:46

Hid: su" ein: ngoo tid ri Phoo Mangsoo ri myang yu" su: dayug yug bo ein: ngoo atid noug. Mangso jang" mo, gyoo" loo su: dayug kyeing" za: Phoo Mangsoo ri damyang yu.

2~KORINTHU 4:4

He: da" mougmyid tho' mo akhyeing" ashoeb da" - Mangsoo ga: da" yu satan phoo gi nyangnu" da" neig loem: ri mougcoid, yo' nghoeb too" byid: bye: yoomo nyangnu" aloem" ajeung" boem loo. myo, jed too" nhang" bye. Nyhang" gi Mangso da" veddu, gungdu nyang: nghoid nyid nghoid loug we' Khristu da" phung" yoeb da" khyoo:- hau: ngeibu: ludang: mo thu' lo da" bidbang ri amyang nhang: loo: nghoid da.

TARHA" TID POIN" 4:12

Aseing gi myikhoug" mo nanu" ri khasu" dang: tid ziyo' nyang: ri cite" alhoo: khyo" we' azang" myang nghoid loug we' nyang: tid da" dang: thui: ri nanu" khasu" shau" gyo: da" khyoo: nyangnu" ri tid kyoo" ge'.

KOLOSE 1:15

Khristu gi myo, jed" ze ayo" myang da" Mangso ved, voin, su:- ngoonu" myo, jed" ze shau" myang da" phain" so: to" zi yoo dangain" da" atho' moo je" tho' xeig zoo: shid" nyang: nghoid bye.

1 TIMOTHI 1:17

Akhe" apyaid' atoo: mo Khokham" nghoid wigi abyo, ayoin" lo: khyoo: ri myojid" yo' ayo" myang- dayug kyeung" da" Mangso jang" moo myonhoo: phung yoeb, bug thu sheing" jhu" khyoo: gi apyaid' atoo: moo dajo, jo, baja"- Amen.

1 TIMOTHI 6:16

Nyang: kyeing" za: ashid: abyug su: nghoid wigi nyang: gi hang" we' ayo" tain" tab yhe: da" bidbang moo loung" jo. hang" we' nyang: ri amyang yu" ziyo' hang" we' nyang: ri age myang. Nyang: moo myonhoo: phung yoeb, yo' apyaid' atoo: moo ashoem: apyang: zi dajo, jo, baja" o"- Amen.

YOSHU 5:13

Yoshu Yerikho nam moo nyid nyid ayo, moo: nyang: gi nyeigdain tung" nya: shidkhoin" moo shamcoin" ci: wigi byu dayug yab jo, ziri myang da:. Yoshu gi nya: jang" khyoo: tab yhe: wigi «Nang gi ngoonu" gyizoo: yi mo dayug nghoid rhe" anghoid lang" gyivoo nghoid rhe"» ga: myid: da:.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.