YOHAN 1:17 - Lacid Common Language Bible

¹⁷ Mangsoo gi tarha" ri Moshe khyoo" wigi byid: kaid. Nghoidloug we' Jeju" yo" deingmain" zigi Yesu Hkristu khyo" wi ju" loo bye.

YOHAN 1:17 교차 참조

APOEM AYANG: 22:18

Ngoo gi re" amyed ashen yiri mainkaid byid: yhang: ti" byumyu" bain sho' bang: we' nyangnu" ri mainkaid byid: wa shid re" ngoo ri mho' loo wa nghoid. Khasu" wim gari nang gi dang: ri tam" gyoo: yoomo nghoid bye:» ga: tid.

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

COUNG" NGHEI 85:10

Jheddab ziyo' zed" lhed nheigloem: zung" da" khyoo: gi dage" bo thu lo wigi deungmain" ziyo' ngei pyo: myenjham" khyoo: gi babug bug go" loo wa zi nghoid.

COUNG" NGHEI 98:3

Nyang: gi nheigloem: zung" ziyo' geung: teung jhed khyeing: kang: khyeing: yo' wigi Israela byumyu" yiri nyang: byid: to" da" dangsoo" khoin" ri zoem ci: su: nghoid. Joyoo khyi khang" moo" mo byumyu" yi dangain" bang: gi Nyangnu" da" Mangsoo oung: doid lo" khyoo: ri shau" myang boem bye:.

MIKHA 7:20

Nang gi goonham' gooco' ayo, mo wigi ngoonu" da" phoug" phyid" bi" ri dangsoo" too" bye: ziyo' dakhyoo" ti" Abraham yo' Yaku da" amyed ashen yi nghoid da" re" byumyu" yiri re" da" nheigloem: zung" khyoo: yo' geung: teing da" jhed khyeing: kang: khyeing: ri toin" shed wa zi nghoid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 18:37

Pilaid khokham" gi houg: su" nghoid rigi ‹‹Nang gi khokham" nghoid la".» ga: myid. Aseing Yesu gi Ngoo gi nang tid ziyo' dakhyoo" ti"- khokham" nghoid. Ngoo gi deung main" da" tarha" ri kho" kyoo" baja" ga: khu: re" lho: he: mougmyid moo gyoo" lo zi nghoid. Deungmain" da" tarha" yo" sen: mo, dangain" gi nga" da" dang: ri tam" gyo: ago" ga: tid kyo.

YOHAN 5:45

Nghoidloug we' ngoo gi Phoo Mangso da" shid' khoin" moo yooboo foin: dang: phyed' loo wa ein: ajhoo: goo. Nanu" ri yooboo foin wa su: gi nanu" nyang: nheig byu loem: khau: nyid da" Moshe nyang: nghoid.

YOHAN 7:19

Moshe gi nanu" ri tarha" byid: to" anghoid goo" la". Nghoidloug nanu" dayug we' hau: tarha" ri acang boem. Nanu" gi ngoori said pyam wa shid' re" cikoid; sho: nyid go"- ga: myid.

YOHAN 8:32

Nanu" gi deungmain" da" zi ri we' ci: wa. Hau: deungmain" da" zi gi nanu" ri lhoid pyoin kaid wa zi nghoid ga: tid.

YOHAN 9:29

Mangsoo gi Moshe ri dang: tid byid: zi ngoonu" se' nghoid loug - He: yug gi khayo thu' lo zi ngoonu" asi ga: tid boem.

ACTS 28:23

Houg: yoomo nyangnu" gi Polu yo' bidnyid deing go" ci: ago". deing go" to" da" bidnyid moo Polu nyid da" joyoo moo byu myoo" sho' zeung: ju" re" boem ago". Polu gi nab, kyoo mo zi moug: coid' sho' Mangso mungdain yo' sen: da" mungdang: joem nyangnu" ri phoid: sho' kyo" wigi Moshe tarha" yo' Lapi: yi da" jhoem: mungdang: ri gung: nhi" kaid' lho: Yesu ri nyangnu" gi loem" jeung" loo sho' kho" kyo".

ACTS 7:38

Nyang: gi dain" pyoid yoo moo Israela byumyu" yi yo' dage- shoin" nyid lho: houg: moo ngoonu" phoug" phyid" yi yo' dage" Sina boem tho' moo nang yo' dang: tid go" da" moug: lagyoo: yo' dage" nyid loo su: nyang: nghoid bye. Ngoonu" ri lhid" kaid' da" kangso' dei nyid da" Mangso jang" mo mungdang: we' yo" kham: yu su: nghoid.

Roma 6:14

Yooboo gi nanu" da Aseing anghoid loo- khasu" wigi nanu" gi Moshe tarha" vhoo moo anyid loo: Mangso: jeju" khoug: moo nyid mo danghoid lo.

2~KORINTHU 1:20

Nyang: gi Mangso da" dang: theung khoin" danggain" da" shid re" nghoid ein: da" agung nghoid nyid. Hougsu: nghoid yoomo ngoonu" gi Mangso da" myonhoo: phung" yoeb ri thu' loo nhang: wa shid re" Yesu Khristu moo A men, ein: boem bye.

GALATI 3:17

Houg: yoomo ngoo tid nau khyoo: gi hidsu" nghoid nyid Mangsoo gi Abraham yo' dang: theing bain too" go" thang: ri hau: ziri cang pyeing wa da" dang: soo" too" bye- zain nyid myid: sho: soem" xi: zain' myang" thang: ri bue" lo da" toung: to" da" tarha" gi hau: dang: theing khoin" ri ayo" ze" phyo' pyam ziyo' hau: dang: soo" khoin" ri we' ayo" yoeb, yu.

TARHA" TID POIN" 33:4

Ngoonu" ri Moshe byid: to" da" tarha" ri ngoonu" tam" gyo: cang yhe: nyid. Hau zigi ngoonu" byumyu" da" phoug" thang da" jonu" nghoid da:.

TARHA" TID POIN" 4:44

Moshe gi Mangso tarha" ri byid: lho: Israela byumyu" yiri jhau" shid byid: bye:.

TARHA" TID POIN" 5:1

Moshe gi Israela byumyu" yi dangain" ri dage" khe: zheing" yu lho: nyangnu" ri «Israela byumyu" yi we"- akhid" nyid" ngoo nanu" ri byid: wa da" tarha" joem dangain" ri tam" gyoo: ge'. Hau: joem ri jhoug" yu wigi hau: joem ri gyeing" nyang: tam" gyo: cang yhe: nyid ge'.

HEBRE 9:22

Toung: to" tarha" yo' dakhyoo" ti" ga: rigi-ziyoo jo, moo jo, alug bain sho' ri suid" yo' yo" ced" yung" ced" shang: loo nhang" wigi suid" shoin: byid: khyoo: khyo" za: youg: noo yooboo ri yo" khyoid pyam byid: nyid.