YOHAN 1:13 - Lacid Common Language Bible

¹³ Houg: bang: gi byu da" nya phoo mo khu: lo da" nya: zoo yi nghoid nyid wigi xangsu: suid shoo" khyo" Mangso: nya: zoo: yi yo" bue" lo zi anghoid. Mangsoo nyang- nyangnu da nya: phoo nghoid nyid.

YOHAN 1:13 교차 참조

APOEM AYANG: 25:22

Nyang: moo zoozoem zooshang: gung bue" wigi hau: zooshang: tang: gi akhu: ri" shi" mo nya: ung: khoug: moo dayug yo' dayug byo, go" nyid ago". Nyang: gi «Ce: gang mo ngoo moo hid" su" bue" nyid la"» ga: tid. Houg: yoomo nyang: gi Aseing ri yhe: myid: bye:.

APOEM AYANG: 25:28

Isag gi Eso kuang lo da" shoo" ri zoo: noug yoomo Eso ri jheddab lho: Rebekha gi Yaku ri jheddab da:.

APOEM AYANG: 27:33

Isag gi mau" ziyo' nain" ziyo' nyang: myid: zigi «Akhang: shoo" said wigi nga" jang" khyoo: ci: lo zigi hang" nghoid la". Re" shidkhoin" moo za: ngoo hau: ziri zoo: bye:. Ngoo nyang: ri nga" thang: thang da" main ri kaid byid: bye: yoomo hau: zigi nya: shid re" apyaid atoo: nghoid bye:» ga: tid.

APOEM AYANG: 27:4

Hau: ziri ngoo vho: khyo" ngham" ngham" yhung lho: nga" jhang ci: loo we'. Ngoo hau: ziri bain zoo: lang" ngoo ashid: shi" ri ngoo gi nang ri nga" da" thang" thang mainkaid dang: byid: khoo' ba» ga: tid.

COUNG" NGHEI 110:3

Re" da" gyivoo joem ri: nang khaid zain: da" bidnyid moo re" da" byumyu" yigi yhoem: seung: myid khyo" bo vang pang" lo boem wa nghoid. Nab soin no' re khyo' da" nghain: jhu" yhang: ti" re" da" zoolu yigi nang nyid da" gyeung" shang: boem tho' khyoo: ju" lo boem wa zi nghoid.

MATHE 3:9

Abraham gi ngoonu" da" nya: phoo nghoid ga: wigi ajho: nyid goo. Nanu" ri ngoo tid kyoo" ba:- Mangsoo gi he: da" lug loem: mo Abraham nya: zoo: yo" phain" thu' byid: wa.

YOHAN 3:3

Yesu gi ‹‹Ngoo nang ri deing" deing tid ba- eig lheing: khu: ziri akham: yu su: hang" we' Mangso Mungdain: shau" myang wa zi anghoid » ga: tid.

1Korinthians 3:6

Ngoo gi myoug: shi" sain" lho: Apolo gi gyid shoin"- Mangsoo wigi: dayoug loo nhang.

PHILIPI 2:13

Khasu" wim ga: ri Mangsoo gi nya: da" myid vho: khyoo: ri nanu" tam" gyo: cang loo" nau, da" myid yo' cang lo" nhang: da" yoem: vhoo" ri nanu" yo" yu goo" baja" ga- Mangsoo gi nanu" moo khanham we' moo" dazei: byid: nyid.

TITU 3:5

Ngoonu" gi loem goem khyoo: shau" yu boem bye:. Hid: yhang: ti" loem: jeung" khyo" shau" yu zigi ngoonu" nyang: zei: so' yoem kaid da" ge da" moozoo" daja: ja: mo yo" yu zi anghoid. Ciwim gari nya: da" nheig khyeug je ju yoomo za hid: yhang: ti" doem khu: yu ziyo' sen: gyid yo' ced" kyeing shed" shang: pyam ziyo' nyang: gi nyhang" nu" ri khyoid' yu bye.

YAKU 1:18

Mangsoo gi nyang: phain" to" da" byu xang: su: yimoo- xang: shed" ri zei: lo da" ashi" yhang: ti" bui" wa shid re" deingmain" da" tarha" mo wigi nyang: myed vho: ziyo' dakhyoo" ti"- ngoonu" da" pyaid seig ri doem thid' byid: bye.

1PETERU 1:23

Khasu" wim ga: ri dadei nyid da" apyaid' ato: Mangso mungdang: mo nanu' gi dalheing: dam khu: lo boem bye- hougsu" nanu" gi shid: noo ase' myhi, pho da" nya: zoo: yi yo" bue" lo boem bye.

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.

1PETERU 2:2

Aseig co' phyed' to" da" zoonu' yi yhang: ti"- nanu" we' Venyi noug" gyeing" ri khanham we shug nau nyid ge'-- Hougsu" nghoid lang" she, nanu" gi gyi: sheung: lo lho: khyoid yu zi shau" boem wa nghoid.

1YOHAN 3:9

Mangso da" nya: zoo: bui' bye: su: gi yooboo ri axo, koid loo- Khasu" wim gari hau: yug moo gi Mangso da" alhoo: aved, bo nyid bye. Mangso nya: zoo: bui" bye: bang: gi yooboo ri axo, koid loo nghoid da.

1YOHAN 5:1

Yesu gi Meshia nghoid ga: loem" jeung" byu hang" nghoid loug we' Mangso nya: zoo: yi nghoid wigi hau: nya: phoo ri jheddab mo, hang" Nghoid loug we' nya: zoo: ri we' jheddab nyid bye.

1YOHAN 5:18

Mangso nya: zoo: nghoid bye: su: gi yooboo axo, koid lo: ziri ngoonu" se' nyid boem. Khasu" wim gari nyang: ri Mangso da" nya: zo: wigi zung" lhug nyid yoomo hau: akhyeing" su: gi nyang: moo ayo" tain" loo.

1YOHAN 5:4

Khasu" wim gari Mangso da" nya zoo yug khang" moo" gi hau: mougmyid ri yo" oung: lo" ago- mougmyid ri ngoonu" yo" oung: lo" da" khyoo: gi ngoonu" loem" jeung da" nheigloem: mo ngoid.