YOHAN 1:12 - Lacid Common Language Bible

¹² Nghoidloug we' dayham" koem gi nyang ri lhoem: yu lho: loem" jeung" lo boem bye:- houg: su" nyang: ri loem" jeing" mo ri Mangso da" nya: zoo: yi yo" bue" loo wa akhang" byid: bye.

YOHAN 1:12 교차 참조

2 SAMUELA 7:24

Israela ri apyaid atoo: re" byumyu" aseing: nang bui" nhang: bye: zi nghoid ziyo' nyangnu" Mangsoo gi nang Aseing nghoid nyid bye: zi nghoid.

ESAIA 56:5

re" myeing gi nga" Noku Yhoem: Moo" moo xoem" to" zi shau" wigi nang gi yuggi zoo: myiyi: zoo: yi yo" da" tho' nga" byu yi phung: moo je myang" nyid wa. Nang gi to" myhid pyam zi khanham we' ashau" wa» ga: tid da:.

YEREMIA 3:19

Aseing tid zigi «Israela we"- ngoo gi nang ri nga" zooshang: khyo" khab yu nau da:. Houg: lho: nang ri nyid pyoo: tung" da" mougmyid- moug: gyab goin" mo young" thang da" mougmyid ri byid: nau da:.. Ngoo gi nang wigi ngoo ri phoo we" ga: yoid wigi ngoo mo khanham we' aphug loo" wa ziri vho: da:.

HOSEA 1:10

Israela byumyu" yigi panglai: mo midcoo: yhang: ti" atho' nghab- atho' leig loo: sho' myo: loo goo" wa. Akhid" Mangsoo gi nyangnu" ri «Nanu" gi nga" byumyu" anghoid» ga: tid. Nghoid loug we' danyid" nyid" rigi «Nanu" gi Dei nyid da" Mangso nya: zoo: yi nghoid» ga: tid wa bidnyid ju" loo wa.

MATHE 10:40

«Nanu" ri lhoem: kham: yu su: gi ngoori we lhoem: kham: yu bye. Ngoori lhoem: kham: yu su: we' ngoori nhang: kaid' da" Mangsoo ri lhoem kham: yu zi nghoid bye.

MATHE 12:21

Byumyu" bain sho mo da" nheig nhei: jang: gi nyang: moo za: dajo, jo, wa.»

MATHE 18:5

Nga" myeing yoomo hid yhang: te" da" zooshang: dayug yug ri lhoem: kham: yu su: gi ngoori lhoem: kham: yu su: nghoid bye.

YOHAN 1:11

Nyang: gi nya: da" moug moo juri" nghoid loug we' nya: da" byu yi gi nyang: ri alhoem: kham: yu boem.

YOHAN 1:7

Mangso: mungdang: ri Byu dangain" shau" gyo: lho: loem" jeing" lo boem baja" ga: hau: Yohan gi bidbang da" khyoo: ri sagsi: kham: byid: wa ga juri" bye.

YOHAN 11:52

He: zigi nyangnu" shid' re" za anghoid byo sain" nyid da" Mangso byumyu" yi bain sho' ri dadeing: daloem: za: bue" loo wa shid' re" we' nghoid nyid.

YOHAN 2:23

Yerusalem voo moo koid; da" lhed: kaid pui" moo Yesu zei: shug da" mau" pho" moo" ri zheung: shau" myang boem yoomo Byu myoo" sho' gi nyang: ri loem" jeing" vang lo boem.

YOHAN 20:31

Nghoidsho' loug we' Yesu gi Mangso da" nya: zoo: Meshia nghoid da" khyoo: ri nanu" loem" jeing" loo wa ziyo' nanu" nyang ri loem" jeing" lho: kang so' yoo" wa shid re" he khyoo: joem ri lhid" to" zi nghoid.

YOHAN 3:18

Nya: zoo: ri loem" jeing" mo, hang" nghoid loug we' Tarha" dang: phyed' zi ashug" loo. Aloem" jeing" mo, koem gi Mang" so da" zooti" zoo: ri aloem" jeing" yoomo akhid" lang" tarha" dang: phyed zi shau" nyid.

ACTS 3:16

Houg: yoomo nya: myeing yo' yoem: so' gi-he: khyid: yoin" su: ri ge loo nhang: bye. Nya: myeing ri loem" jeung" khyo" wigi Nanu" myang se' ziyo' dakhyoo" ti" bue" lo zi nghoid bye. Nanu" shau" myang ziyo' dakhyoo" ti" Yesu ri loem" da" nheigloem: wigi he: khyid: yoin" su: ri goolhoo: za: ge loo" nhang: abye:.

Roma 8:14

Mangso: da venyi khyoo: shid' u" she: da zi ri kham: yu da" byu yi gi Mangso: da" nya: zoo: yi nghoid bye.

Roma 8:16

Ngoonu" gi Mangso: da nya: zoo: yi yo" bui" lo da" khyoo: ri young" gyeing" venyi nya: gung nyang: lang" ngoonu" da" venyi yo" dage" sagsi kham: nyid.

Roma 8:19

Moug: myid goin" mo phain" too" shau" su: gi Mangsoo: nya: zoo: yi ri thu' myang loo nhang: wa da" moozoo" joem ri gye nheig byu myid lang" nyid boem.

GALATI 3:26

.Khasu" wim gari Khristu Yesu khoug: moo loem" jeung nyid boem bye: yoomo nanu" dangain" bang: gi Mangso da" nya: myid: nya: zoo: yi nghoid boem bye.

GALATI 4:6

Yuda byu yi da" toung: da" tarha" khoug: moo nyid loo bye. Akhid" nanu" gi Mangso nya: zoo: yi nghoid nyid boem ziri sagsi: toin" shid' wa shid re" phoo we" nga" phoo we",, ga: wigi se' yoid, da" nya: zo: venyi ri ngoonu" da" ung: khoug: nheigloem: moo nyid nyid nhang: bye.

KOLOSE 2:6

Nanu' gi Khristu Yesu ri Aseing: ga: wigi lhoem: yu bye ziyo' dakhyoo" ti" -nyang: yo' dage" deung: shoin" lho: kangso' dei nyid ge'.

2PETRU 1:4

He: khyoo: yoomo gye" gyi: sheung: wigi phoug" dab da" jeju" jhung: shug yo' sen: lho: wigi-dang: soo" khoin" joem nyhang" ri byid: too" bye. Hougsu" nghoid yoomo he: da" jeju" joem khoug: moo-ngoonu" gi moug myed tho' moo lhu: phyo' lhu: shoin' se' da" vhoo: boo loug gyi: khyoo: mo loid byoin lo" lho: Mangso aved' ri yo" wang zhoug" yu goo" baja".

1YOHAN 3:1

Yu" ge' Mangsoo gi ngoonu" ri khayhi' jheddab nyid lha". Nya: da" jheddab nheigloem: gi gye" gyi: zi nghoid wigi ngoonu" ri Mangso nya: zoo: yi ga: myeing byid: bye: ziyo' dakhyoo" ti"- gyeing" nyang: ngoonu" gi Mangso nya: zoo: yi nghoid boem bye- Nghoid loug we' mougmyid gi Mangsoo ri asi yoomo ngoonu" ri we' asi nghoid da.

1YOHAN 3:10

Hau: khyoo: gi Mangso da" nya: myid: nya: zoo: yi yo' yu satan da" nya: myid: nya: zoo: yi gi gyi" sho' shai" go" da" khyoo: ri bang bang nyang: myang se' da" khyoo: nghoid. Hang" nghoid loug we' deing byeung" da" moo" ri azei: ziyo' houg: su" anghoid lang" gi - nya: mang: nya: nhung" yi ri ajheddab bang: gi Mangsoo da" nya: zoo: yi anghoid.

1YOHAN 3:2

jheddab bang: we"- ngoonu" akhid: gi Mangso nya: zoo: yi nghoid boem bye- Nghoid loug we' nyhang" thang: phyang" cibui" wa zi gi bain' sho' ase' boem shi". Nghoid loug we' Khristu nyang: doem thu' lo da" bidnyid rigi ngoonu" gi nyang: yo' du, goo" wam: bye"- Khasu" wim gari nya: gung doem: ri nyang: ngoonu" shau" myang boem wam: bye.

1YOHAN 3:23

Nyang: ngoonu" ri byid: to" da" amyeing" tarha" khyoo: gi ngoonu" gi nya: zoo: Yesu Khristu ri loem" jeung" wigi Khristu gi ngoonu" ri byid: to" da" amyeing" tarha" yo' dakhyoo" ti"- nyang: cang" nyang: jheddab goo" ca" khyoo: nghoid.