YOELA 3:8 - Lacid Common Language Bible

⁸ Ngoo gi nanu" da" myiyi: yug gi zoo: yiri Yuda byumyu" yi jhang khyoo: ung" zo: pyam nhang: wa. Yuda byumyu" yigi nyangnu" ri moug: vi: mo Sabean byumyu" yi jhang khyoo: doem ung" zo: pyam goo" wa. Ngoo Aseing gi tid bye:.

YOELA 3:8 교차 참조

YOBA 1:15

Sheba byu yi nyeigdain tung" re" khaid zain: wigi hau: joem dangain" ri lhoid yu pyam ago". Nyangnu" gi ngoo mo lid wigi re" dei zoo: dangain" ri said pyam ago". Ngoo dayug za: nang ri lu dang: tid khyoo" wa phang: loid lo» ga: tid da:.

COUNG" NGHEI 72:10

Spain mung" yo' gugyoo: kang: mo khokham yigi nyang: ri jhungshug jhung: lang: joem re" shug byid: lo boem wa.

ESAIA 60:14

Nanu" ri zeig zoo: boem bang: da" amyed ashen yigi nanu" jhang re" lho: Nyangnu" da" phau" myang: khyoo: ri ci: shug wa shid re" goeb pid loo goo" wa. Goonham' nanu" ri aphoug" akhyoid koid bang: dangain" nanu" khyid: yang: moo noku loo goo" wa. Nyangnu" gi nang ri ‹Aseing da" voomoo"› ‹Israela da" gyeung" shang: Mangso da" voomoo"- Ziun› ga: myheing loo goo" wa.

YEREMIA 30:16

Nghoid loug we' akhid"- nanu" ri ngaid zoo: bang: dangain" ngaid zo: zi shoug" wa. Nanu" da" gyivoo yigi thung: byu yi khyo" myheig yu pyam zi shau" boem goo" wa. Nanu" ri zeig zoo: bang: dangain" gi zeig zo: zi shau" boem wa. Nanu" ri lhoid zoo: bang: dangain" gi lhoid zo: zi shau" boem wa.

YEREMIA 6:20

Nyangnu" Sheba mo zi nga" jang" moo ci: ri" byid: da" nam pyo: xu: joem ri ngoo cishu: nhang: byid: la". Moug: vi: mo ci: loo byid: da" xoin" phei" joem ri ngoo cishu: nhang: byid: la". Ngoo gi nyangnu" jhungshug xoin" ri akham: yu byid: wa. Nyangnu" xoin" joem ri we' alhoem: ngei" byid: wa.

EZEKIEL 23:42

Nau khyo" nyho: yen" da" byu daphung: da" thui: ri shau" gyo:. Nyangnu" gi dain" pyoid yoomo ju" lo da" yuggi yi nghoid. Nyangnu" gi myiyi: myhi' yi da" lo, moo lo, theing" foid byid: wigi nyangnu" vhuloem moo yung" da" bidmug zhung" byid: da:.

EZEKIEL 38:13

Sheba yo' Dedan mo byu yi yo' Spain mung" moo voogung joem moo nyid boem da" phaga: byu yigi nang ri hid: su" ga: myid: loo goo" wa. Nang gi lanyhoeb shoem" yu wigi lhoid yu wa yo' khaid zain: wa shid re" re" gyidab ri khe: zheing" too" bye: rhe". Nang gi sheing: yo' ngei- gougnyhoug joem yo' jonu" joem shoug" yu lho: hau: zi dangain" ri de" phang: loo" wa ein: myid soin' to" rhe"» ga: myid: loo goo" wa.

TARHA" TID POIN" 32:30

Ciwim yoomo dayug gi dakhyeing" yug ri oung: pyam wigi eig yug wigi damoin yug ri oung: pyam la". Nyangnu" da" Aseing Mangsoo nyangnu" ri she: pyam bye:. Nyangnu" da" myhang: thang Mangsoo gi nyangnu" ri to" pyam to" abye:.

TARHA" AGYI 2:14

Houg: yoomo Aseing gi Israela byumyu" yiri nheig joem: yo: lho: gyivoo yiri khaid zain: nhang: wigi nyangnu" ri lhoid zoo: nhang: ago". Nyang: gi houg bang: lheing khoem mo gyivoo yiri nyangnu" ri oung: nhang: wigi Israela byumyu" yigi nyangnu" nya: gung ri ayo" goem loem loo: nghoid ago".

TARHA" AGYI 4:2

Houg: yoomo Aseing gi nyangnu" ri Hozora voomoo" moo vhoeb da" Khanan khokham Yabin wigi oung: pyam ziri shoug" nhang: da:. Nya: gyizoug: phoo gi Sisera nghoid. Nyang: gi tungbau: byu yi da" voogung Haroshed moo nyid da:.

TARHA" AGYI 4:9

Nyang: gi «Gi bye:- ngoo nang yo' dage" yhi: wa nghoid loug we' nang gi hau: oung: doid jang" moo nang ce: ngi: yoo" wa anghoid. Ciwim gari Aseing gi Sisera ri myiyi: dayug lo, khyoo: ab byid: pyam ri" wa» ga: tid da:. Houg: yoomo Debora gi Barag yo' dage" Kedesha khyoo: to' yhe: lo" da:.