YOELA 3:5 - Lacid Common Language Bible

⁵ Nanu" gi nga" da" ngei yo' sheing: ri lhoid pyam. Nga" da" phoug" dab ziyoo jonu" joem ri nanu" da" yu phara" yhoem: khyoo: ci: vang lo" boem ago".

YOELA 3:5 교차 참조

2 KHOKHAM 12:18

Yuda khokham Yosha gi nya: shid moo khokham koid lid loo bang: nghoid da" Yehoshaphad- Yehoram- Ahazia bang: Aseing ri shugbyid: to" boem da" jang" moo nya: da" xoin" yo' Noku Yhoem: Moo" mo ziyo' khokham kho" jonu" mo sheing: ri kaid lung: wigi jhungshug khyo" khokham Hazaela ri dangain" foin: byid: kaid da:. Houg: lang" Hazaela gi nya: gyidab ri shu" lho: Yerusalem ri lid: too" kho' da:.

2 KHOKHAM 16:8

Ahaza gi Noku Yhoem: Moo" yo' khokham kho" jonu" jhi: mo ngei yo' sheing: ri yu wigi khosen: phoo ri jhungshug khyo" foin: kaid da:.

2 KHOKHAM 24:13

Noku Yhoem: Moo" yo' khokham kho" mo phoug" dab da" jonu" dangain" ri Babelon khyoo: yu lo" da:. Aseing no, mo tid to" ziyo' dakhyoo" ti" Nebukhadneza gi noku Yhoem: moo" moo ci: wa shid re" khokham Sholumon wigi koid to" da sheing: oung" khu lang: bain dangain" ziri du" kho' pyam da:.

ESAIA 11:11

Hau: bidnyid ju" loo lang" Aseing gi nya: yoem so' ri dalheing: doem ci wigi Asuri- Egutu- Pathro mung" joem Etiopi- Elam- Babelon- Hamad yo' gyid yam cang mo mungdain: joem panglai: gugyoo: kang joem moo nyid deing jo, boem da" nya: byumyu" yiri yhoem: khyoo: doem shu" tau" yu wa.

YEREMIA 23:7

Aseing gi «Byumyu" yigi Israela byu yiri Egutu mung" mo shu" thu loo su: kangso' dei da" Mangsoo khyo" ngoo ri jham' atang: loo goo" wa da" ayo, gi ju" lo nyid da:.

YEREMIA 50:28

(Phang: khau: nyid bang: gi Babelon mo phang: lo lho: Yerusalem khyoo: ju" lo ago". Ngoonu" Aseing Mangsoo gi Babelon byu yi wigi nya: Noku Yhoem: Moo" ri phyo' shoin' pyam bye: gang mo khasu" latoo: phug byid: da" khyoo: ri nyangnu" tid ago".)

YEREMIA 51:11

Aseing gi Media khokham yiri lhu: zhuang" kaid abye:. Ciwim gari nyang: gi Babelon ri phyo' shoin' pyam wa soin' to" da:. He: zigi nya: Noku Yhoem: Moo" ri phyo' shoin' pyam gang mo nyang: latoo: phug zi nghoid. Gyi khaid nyid da" gyizoug: joem gi «Nanu" myoo: ri coin: ge'. Nanu" goo joem ri jen" jen" koid ge'.

EZEKIEL 37:12

Houg: yoomo nga" byumyu" Israela ri lapi: pe: wigi ngoo yoem: moo" bo Aseing gi nyangnu" da" loeb duang: joem ri phang kaid wa ga: ein: tid kyoo" we'. Ngoo gi nyangnu" ri doem shu" yu lho: nyangnu" ri Israela moug: khyoo: shu" tau" yu wa.

DANIELA 11:38

Hau: gungthid nyang: gi gyikhoug: zung joem ri goem loem byid: da" yu phara" joem ri ngi: shab byid: loo wa. Nyang: nya: phoug" phyid" yi ano' yu" da" yu phara" ri sheing:- ngei- phoug" dab da" sheing: zi joem yo' phoug" dab da" gootu: jhungshug joem ngei" byid: loo wa.

OBEDIA 1:17

Nghoid loug we' Ziun boem tho' moo dayham" gi yo" phang: loid loo" wa nghoid wigi hau: joyoo gi gyeung" shang: joyoo daloem: bue" loo wa. Yaku byumyu" yigi nyangnu" yoo" eung: da" mungdain: ri shoug" seung: lo" boem wa zi nghoid.