YOELA 3:2 - Lacid Common Language Bible

² Ngoo gi byumyu" yi dangain" ri zheung" yu lho: nyangnu" ri dang: phyed lang: khoug: khyoo: shu" loo" wa. Houg: moo nyangnu" wigi nga" byumyu" yiri koid lid lo da" moo" dangain" shid re" ngoo gi nyangnu" ri dang: phyed byid: wa nghoid. Nyangnu" gi Israela byumyu" yiri tungbau mung" khyoo: khaid sain" pyam lho: nga" mungdain: Israela ri kho' sain" pyam da:.

YOELA 3:2 교차 참조

2 KHOKHAM MHOOMYID: 20:26

Myid nyid" ein: nyid" ri nyangnu" gi Berakha janggyoin: moo zeing: foem: wigi Aseing koid bye: da" moo" zoo" shid re" nyang: ri coung" boem ago". Houg: yoomo hau: janggyoin: ri «Berakha» ga: myheing ago".

ESAIA 66:16

Nyang: wigi yooboo yo" sho: myang da" myid jang byu xangsu: dangain" ri myiyham: wigi nyang: yooboo dam byid: ri" wa. Myoo" sho' bang: gi said pyam' shau" boem goo" wa.

ESAIA 66:18

Ngoo gi nyangnu" da" myid soin' khyoo: yo' lo, moo" joem ri si' byid: da:. Byumyu" dangain" ri zheing" yu wa shid re" ngoo re" lo nyid bye:. Nyangnu" zeing: ri" lang" nga" yoem: so' ci: yo" koid ziri se' loo goo" wa.

YEREMIA 12:14

Aseing tid zigi «Nga" da" byumyu" Israela yiri ngoo byid: to" da" mougmyid ri phyo' shoin' pyam da" Israela da" yhoem: kyoo" cang" mungdain: yiri ngoo tid wa daja: jo,. Ngoo gi hau: akhyeing" da" byumyu" yiri agyi: mo boin" lo" da" seiggam yhang: ti" yu pyam wa. Houg: lho: ngoo gi Yuda ri nyangnu" mo khyoid yu wa.

YEREMIA 25:31

Houg: lho: thui: gi mougmyid thang sho' lang: thang: tu" loo wa. Aseing gi byumyu" yiri yooboo zhug wa moo" daja: yo" da:. Nyang: gi byu dangain" ri joeb ca: yu" wa shid re" shu" loo" wa. Houg: lho: akhyeing" bang: ri said pyam wa. Aseing tid too" bye:» ga: tid da:.

YEREMIA 49:1

He: zigi Amon yo' sen: wigi Aseing tid to" zi nghoid. Hau: zigi «Israela byu yi khayoo: nghoid la". Nyangnu" mougmyid ri goem loem wa dayug we' anyid la". Nyangnu" gi Moleg ri no' da" byumyu" yiri Gad byumyu" kung: yi da" mougmyid ri ciwim seing: yu nhang: lho: houg moo tam: nyid nhang: ago" la".

YEREMIA 50:17

Aseing tid zigi «Israela byu yigi khangkhyi joem wigi khaid sain" kaid shau" da" yang joem yhang: ti" nghoid da:. Xang: shi" moo nyangnu" ri Asuri khosen wigi khaid zain: zi shau" ago". Houg: lho: Babelon khokham Nebukhadneza gi nyangnu" shooyoug: ri khe" loo bye:.

EZEKIEL 25:8

Yoem: moo" bo Aseing tid zigi «Yuda gi gootu: byumyu" yi dangain" yo' dakhyoo" ti" za: danghoid ga: Moba tid gang mo

EZEKIEL 34:6

Houg: yoomo nga" da" yang joem gi myhang: da" bouggung joem yo' boem joem khyoo: nyid: lam" lo" ago". Nyangnu" gi mougmyid gyab khyoo: nyid sain" lo" lho: nyangnu" ri hang" wigi we' acang shoo:- nyangnu" ri shoo: wa shid re" hang" yoem: akaid nghoid da:.

EZEKIEL 35:10

«Ngoo Aseing gi Israela yo' Yuda da" Mangsoo nghoid loug we' nang gi Israela yo' Yuda byumyu" eig ja: ri nyangnu" da" mougmyid yo' dage" nang seing: yu pyam wa ga: nang tid da:.

EZEKIEL 36:1

Aseing tid zigi «Shid: se' da" byu we"- Israela boem joem ri dang: tid wigi nyangnu" shid re" ngoo yoem: moo" bo Aseing da" mungdang: ri tam" gyo: boem wa shid re" tid kyoo" we'. Israela da" gyivoo yigi gau" myid gau wigi ‹Hau: goonham' mo boem joem gi akhid" ngoonu" da" zi nghoid bye:› ga: tid boem.

EZEKIEL 36:5

«Ngoo yoem: mo" bo Aseing gi nheigloem: lung ziyo' aqei: ayam mo byumyu" yi je wigi Edom ri tid too" bye:. Nyangnu" atho' tid gau ziyo' yu" juang" lho: nga" da" mougmyid ri lhoid seing: yu lho: houg: mo coung" yoo ri we' seing: yu pyam bye:.

EZEKIEL 38:22

Ngoo gi nyang: ri noophyoo' yo' suid" thu dam wigi yooboo dam byid: wa. Moug: yo' leigvoo tung: byung: joem yo' dage" myi: yo' fang lheig wigi nyang: yo' nya: da" gyidab moo we' nyangnu" shoid moo bo da" byumyu" myoo" sho' bang: jang" moo we' foid shoin" wa.

EZEKIEL 39:11

Aseing tid zigi «He: zi dangain" bue" lo da" uri ngoo gi Israela mung" mo xoo" thoem" da" bidthu shoid gyung: soo" bang: da" lang: khung" moo Goga ri myhoeb wa shid re" loeb boug daloem: byid: wa. Goga yo' nya: da" gyidab dangain" ri hau: joyoo moo myhoeb pyam lho: hau: lang: khung" ri «Goga da" gyidab lang: khung"» ga: myheing boem goo" wa.

YOELA 3:12

Byumyu" yigi byen soin' lho: dang: phyed lang: khoug: khyoo: ri" ca" bye:- hau: joyoo moo Ngoo Aseing gi ayam aqei: mo byumyu" yi dangain" ri dang: phyed wa shid re" zhung: jo, wa nghoid.

YOELA 3:14

Byu khyeing" su: khyeing" su: gi dang: phyed lang: khoug: moo nyid boem abye: go"- Aseing da" bidnyid gi hau" joyoo moo amyang" ri ju" loo wa nghoid.

AMO 1:11

Aseing tid zigi «Edom mung" byu yigi pug lho: pug lho: yooboo dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi nyangnu" da" mang: nhung" Israela yiri khaid zain: lho: nheig khyeug shoo" myen: khyoo: ri atoin" shid nghoid ago". Nyangnu" da" nheig joem: yo: khyoo: gi anoo: atheing: loo: khanham we' nheig atho' shid: loo: nghoid ago".

MIKHA 4:12

Nghoid loug we' he: byumyu" yigi Aseing da" nheigloem: moo cenoem bo ziri asi' nghoid ago". Gug shi"- Lamei shi" nang: wa shid re" vu, boem to" yhang: ti" Aseing wigi nyangnu" ri yooboo dam kaid wa shid re" dage" zheung" boem too" wa ziri nyangnu" aboin: goo" nghoid da:.

ZEPHANI 3:8

Aseing tid zigi «Lang" shige'. Ngoo to' lho: mungdain: joem ri yooboo foin: da" bidnyid ju" sho' dalang" nyid yu" shige'. Ngoo gi mungdain: joem yo' byumyu" joem ri khe: zheung" lho: nga" da" nheig joem: yo: da" khyoo: ri dam kham zoo: nhang: wa shid re" myid phyed too" bye:. Moug: gyab goin" gi nga" nheig joem: yo: myi: wigi phyo' shoin' pyam zi shau" loo wa nghoid.

Pang Shug 11:18

Tung: boug ginheig khoo" yo: nyid ago"- Khasu" wim gari nang nheig yo: da" ayo, ju" lo lho: shid: bye: bang: ri dang: phyed' wa da" ayo, ju" bye:. Re" da" dei zoo: lapi: yi yo' Re" da" byumyu" yi nang ri gyoug phau" nyid mo, nge zoo: gyi: zoo: dangain" ri ngi shab, jhung: shug byid: wa da" ayo, we' mougmyid' ri lhu: phyo' bang: ri phyo' shoin, pyam wa da" ayo, we' ju" loo bye: o"» ga: wigi tid nyid boem.

Pang Shug 16:14

Nyangnu" gi main: yu joem da" soo" byoo, joem nghoid wigi alhoo: again joem ri yo" koid shug. Hau" venyi soem" du: gi yoem: moo" bo Mangso meing: zain: da" bidnyid' zeing mo, gyipui" khyoo:- mougmyid gyab, goin" moo nyid da" - Khokham" yi ri dage" khe: zheing" wa shid re" thu' lo" boem.

Pang Shug 16:16

Hau: thang: moo hau" venyi joem gi Khokham" yi ri Hebre myeing" khyo" Armagedon ga: da" joyoo moo khe: zheung" phoung too" bye.

Pang Shug 16:6

Houg: bang: gi gyeungshang: Mangso byu yi yo' nya: lapi: yi da" suid" ri foid shoin: pyam' byid: boem bye: yoomo Nang gi nyangnu" ri suid" doem shug nhang: bye- houg: gi nyangnu" kham, moin: da" dam nghoid bye:- ga: tid nyid ziri ngoo shau" gyo.

Pang Shug 20:8

Hau" satan gi moug: myid gyab, goin" jang" mo Goga, yo' Magoga, ga: da" byumyu" yi ri meing: shu" zain: wa shid re" mhau' khe: zheing" wa ga: thu' yhe: loo" wa zi nghoid- houg: bang: gi nam mug dara mo mid' coo: su" myo: zi nghoid boem.