YOELA 3:1 - Lacid Common Language Bible

¹ Aseing tid zigi «Hau" ayo, moo Ngoo gi Yuda yo' Yerusalem ri nyid gi nyid de: lo khyoo: doem byid: wa nghoid.

YOELA 3:1 교차 참조

COUNG" NGHEI 14:7

Israela byumyu" yiri oung: doid lo" khyoo: gi Ziun boem tho' mo thu loo wa shid re" ngoo akyu" mho' nyid. Aseing gi Israela byumyu" yiri dalheing: doem nyid gi yab ge loo nhang: uri atho' tid loo sho' gau yi ngei pyo: boem wa nghoid.

COUNG" NGHEI 85:1

Aseing we" nang gi re" da" mougmyid ri nheug khyeug nyid. Israela byumyu" yiri dalheung: doem nyid gi yab gi nhang: loo bye:.

DANG: ZHOEM 1:23

Nang ri ngoo gyi koid jhau" mho' da" uri tam" gyo: yu we gyo yu ge'. Ngoo nanu" ri phajhi" byid: lho: lasi laleug gam, byid: wa.

ESAIA 44:3

«Ngoo gi gyid shed da" mougmyid ri gyid byid: wa. Kyug hei' da" myidgung moo gyid zoo: gyung: yau nhang: wa. Ngoo gi re" zooshang: yi adang moo nga" Venyi: foid shoin" byid: wa. Re" amyed ashen yi adang mo nga" mainkaid jeju" foid shoin" byid: wa.

YEREMIA 16:15

Hau: gungthid nyangnu" ri ngo wigi khaid pyam to" da" mougzhung: shoid mo mung" yo' gootu: mung" mo Israela byumyu" yiri shu" thu yu da" kangso' dei da" Mangsoo moo nga" myeing khyo" jham' tang: loo goo" wa. Ngoo gi nyangnu" ri nyangnu" da" mungdain: khyo" nyangnu" da" phoug" phyid" yiri ngoo byid: to" da" mougmyid khyoo:- doem shu" tau" loo" wa. Ngoo Aseing tid bye:» ga: tid da:.

YEREMIA 29:14

Nghoid bye:. Ngoo tid zigi nanu" ngoo ri myang boem goo" wa. Ngoo gi nanu" ri nanu" da" mougmyid moo doem nyid nhang: wa. Mungdain: loem: khang" moo" mo yo' ngo wigi nyhid: sain" to" da" joyoo khyi' khang" moo" mo ngoo nanu" ri zheing" yu wa. Ngo wigi pyoung" she: nyhid: pyam bye: da" joyoo mo zi mungdain: khyoo: ngoo doem shu" tau" yu wa. Ngoo Aseing tid too" bye:.

YEREMIA 30:18

Aseing tid zigi «Nga" byumyu" yiri nyangnu" da" mougmyid doem byid: wa. Houg: lho: yhoemkhung: khang" moo" ri nheig khyeug byid: wa. Yerusalem gi doem tam: to" zi shau" wigi Hougmo khokham kho" gi doem zhug to" zi shoug" wa.

YEREMIA 30:3

Ciwim gari nga" byumyu" Israela yo' Yuda ri doem shu" tau" wa ayo, ju" lo nyid da:. Ngoo gi nyangnu" phoug" phyid" yiri byid: to" da" mungdain: khyoo: nyangnu" ri doem shu" tau" lo wigi nyangnu" hau: ziri doem yo" seing: yu loo goo" wa. Ngoo Aseing tid too" bye:» ga: tid da:.

EZEKIEL 16:53

Aseing Yerusalem ri «Ngoo gi Sodom yo' nya: voogung joem Samari yo' nya: voogung joem ri doem nyid gi yab ge nhang: wa. Nghoid bye:- ngoo gi nang ri we' doem nyid gi yab ge nhang: wa.

EZEKIEL 39:25

Yoem: moo" bo Aseing tid zigi «Nghoid loug we' akhid" ngoo gi Israela byumyu" yi nghoid da" Yaku da" amyed ashen yiri nheig khyeug yu wigi nyangnu" ri dalheing: doem nyid gi yab ge nhang: wa. Ngoo gi nga" gyeung" shang: myeing ri goem loem yu wa.

DANIELA 12:1

Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.

YOELA 2:29

Hau: da" bidnyid moo dei zoo: myhi' dei zoo: phoo yi da" atho' moo lang" nga" Venyi: foid shoin" byid: wa nghoid.

AMO 9:14

Ngoo gi pyoung" shu" lo" shau" da" nga" byumyu" yiri nyangnu" moug: khyoo: doem shu" tau" yu wa. Byo, yoin" loo" bye: da" nyangnu" voomoo" joem ri doem zhug nyid lo boem wa nghoid. Nyangnu" gi zabyid khyam: koid lho: zabyid yhid: shoug" shug boem wa. Nyangnu" gi khyam: koid lho: nyangnu" sho" jang" mo shivoo: shiloem shoug" zo: boem wa zi nghoid.

GYUNG: SOO" 11:29

Moshe phug lho: «Nga" shid re" nang myid ci' byid: rhe". Aseing gi nya: da" Venyi: ri nya: byumyu" yi dangain" ri kaid byid: wigi nyangnu" dangain" ri lapi: yhang: ti" nyhoo: nhang: wa ziri ngoo vho: ngei nyid» ga: tid.

GYUNG: SOO" 12:6

Houg: lho: Aseing gi «Akhid" ngoo tid wa da" dang: ri tam" gyoo: ge'. Nanu" phung: gung moo lapi: yi nyid uri ngoo gi nyangnu" ri myo, myang myang jang" moo: ngoonya: gung ri ci: shug byid: wa zi nghoid. Yhoebmo, moo: nyangnu" ri dang: tid wa.

TARHA" TID POIN" 30:3

Nanu" Aseing Mangsoo gi nanu" adang moo nheig khyeug loo wa. Nyang: gi nanu" ri nyang: wigi khaid sain" kaid da" mungdain: joem mo doem shu" yu wigi nyang: nanu" ri dalheing: doem nyid gi yab ge ri" nhang: wa.