YOELA 2:6 - Lacid Common Language Bible

⁶ Nyangnu" ju" lo" nyid lang" gi yugkhang" moo" gyoug boem ago". Myonhoo: khang" mo" gi shoem" shid: yid bue" lo" byug boem abye: go".

YOELA 2:6 교차 참조

NAHUM 2:10

Nineve voomoo" gi phyo' sain" pyam zi shoug" bye:. Phang: cau" to" zi shoug" bye:. Jham" dung" khi" bue" byug bye:. Gyug wigi nheigloem: thang bye:. Myonhoo: we' shoem" shid: yid bue" byug bye:. Poid lug ko' ko' nain" bye:. Yoem: goin so' we' goin byug bye:.

ESAIA 13:8

Nyangnu" dangain" gyoug boem wigi zookhu: noo no da" myiyi: yo' dakhyo" no zi shau" boem goo" wa. Nyangnu" nyang: cang" gyoug wigi yu" loo goo" wa. Nyangnu" da" myonhoo: gi sho' ziyo' nge" nyid boem wa.

YEREMIA 30:6

Akhid" theing: lho: myid yu" ge'. Yuggi dayug gi zooshang: yo" khu: la". Houg ri ciwim yoomo yuggi yugkhang" moo" gi zoo: khu: da" myiyi: yhang: ti" Lo, ri nya: voem doug: dang moo ke" ci: ziri ngoo shau" myang la". Yugkhang" moo" ciwim houg: yhi' boo" boo" wim go" lha".

NGOUG JI: 4:8

Akhid" koem gi fu" moo" khyoo: joem moo nyangnu" ri hang" we' ase' zi leung jo, ago". Nyangnu" da" myonhoo: joem gi shid: yoomo ceig ceig no, byoug boem bye:. Seig kug su" kyoug byoug da:. Nyangnu" shooyid joem gi shooyoug: joem moo: kyoug dab, pyam ago".

YEREMIA 8:21

Nga" byumyu" yi khyoeb mhoin' shoug" yoomo nga" nheigloem: we' gyoeb byug bye:. Ngoo gi koug ngau nyid ngoo gi nheigloem: thang wigi yhoem: shoin: nyid.

COUNG" NGHEI 119:83

Ngoo gi she: pyam, too" bye: da" shooyid thung: joid yhang: ti" ce" akyu" we' aboo loo nghoid loug we' re" da" amyeing" dang: joem ri ngoo to" myhed pyam nyid zi anghoid.

NAHUM 2:11

Khang khyi khyung: yhang: te" da" voomoo" gi akhid" kha khyoo: lo" byug bye: lha". Khang khyi nu" joem ri zoo: noem zho" wigi khang: khyi zeing yo' khangkhyi loo: khangkhyi nu" yi gau" jo, jang: gau: nyu: joyoo voomoo" zeing gi akhid" kha: khyoo: loo" bye: lha".