YOELA 2:3 - Lacid Common Language Bible

³ Nyangnu" gi myi: yo' dakhyoo" ti"- shivoo: shiloem joem dangain" ri zo: pyam boem ago". Nyangnu" da" shidkhoin" moo- hau: mougmyid gi Eden khyam: yo' du da:. Nghoid loug we' nyangnu" da" nungthang moo gi kyug byug da" dain" pyoid yoo ti" bue" byug wa. Nyangnu" mo ci" we' aloid nghoid da:.

YOELA 2:3 교차 참조

APOEM AYANG: 13:10

Lod gi ayam aqei: khyoo: yu" kaid lho: Yodan pa: dam goin" Zora joyoo gyid myoo: sho' yo" da" Aseing da" khyam: yhang: ti" Egutu mung" yhang: ti" da" joyoo ri yu" myang kaid bye:. (He: zigi Aseing aphyo' shoin' pyam shi" re da" Sodom yo' Gomora voomoo" nghoid.)

APOEM AYANG: 2:8

Hau: thang: Aseing Mangsoo gi bidthu shoid Eden moo khyam: daloem: ri koid to" lho: houg: mo nyang: phain" so: to" da" byu ri nyhid: too" bye:.

COUNG" NGHEI 50:3

Ngoonu" da" Mangsoo gi re" lo nyid uri sam" zoo: ju" ri" zi anghoid. Nya: shidkhoin" moo: myiyham: dab nyid wigi nya: ayam' aqei: moo thain: da" uglid zeing hau, nyid.

COUNG" NGHEI 97:3

Myi: gi nya: shidkhoin" moo: yhe: lo" wigi nyang: ri vang: lheung ci: da" gyivoo joem ri nge" joem pyam nyid.

THU' LO" MOUGSOUG" 10:15

Hau: jhenkhyeug joem gi myidgung ceig ceig no, sho' nghoeb pyam wigi seiggam mo shi" we' bo wigi leigvoo baid jang" mo deing da" seigshi vooshi" dangain" ri zo: pyam boem ago". Egutu mung" dangain" mo nyau da" seigzoo: voozoo: dagam we' ajo, loo: sho' zo: pyam bye: ago".

THU' LO" MOUGSOUG" 10:5

Hau: zigi gye" myo: wigi myidgung dangain" ri yo" nghoeb pyam wa zi nghoid. Hau: joem gi leigvoo yo' ayo" shoin' pyam yoomo deung jo, da" ja: khang" moo" ri zo: pyam wa. Deing jo, da" seiggam joem rilang" zo: pyam goo" wa.

ESAIA 14:17

Voomoo" joem ri phyo' pyam lho: mougmyid ri dain" pyoid yoo koid pyam yug he: yug anghoid rhe". Khanham we nya: thung: byu yiri anhang: kaid yug- houg bang: ri yhoem: aphang: nhang: yug gi he: yug anghoid rhe"» ga: myid: loo goo" wa.

ESAIA 15:6

Nimrim lang gi kain" byug lho: gyid yam mo mhain" joem gi kyug shid: lo" ago". Mhain" nyoug: ci we' ajo, loo:.

ESAIA 33:4

Nyangnu" seing: da" zi joem gi yhe: doin: zeig lhoid zi shau" wigi lanyhoeb khyo" lhoid yu pyam zi shoug" ago".

ESAIA 51:3

«Ngoo gi Yerusalem yo' nya: da" byo, yoin" jo, jang" moo nyid boem da" bang: dangain" ri nheig khyeug myid ci: shug byid: wa. Nya: mungdain: gi dain" pyoid yoo nghoid loug we' ngoo gi hau: ziri ngoo koid to" da Eden khyam: yhang: ti" da" khyam: ri koid pyam wa. Gau yi ngei pyo: zigi houg moo jo, loo wa. Jeju" coung" jikhoin" joem khoin" lho: ngoo ri jeju" boin: loo goo" wa.

ESAIA 9:18

Akhyeing" da" byu joem gi zu: kyen: pung yo' zu: gam joem ri nge" pyam da" myi: yhang: ti" nge" ago". Myikhoug" athei" thei" thu sho' nge" da" dain" pyoid myi: yo' dakhyoo" ti" nge" ago".

ESAIA 9:19

Myhang: thang Aseing gi nheig yoo wigi nya: yooboo dam byi: zigi mung" goin" moo myi: yo' dayhang: ti" nge" wigi byumyu" yiri said toem" pyam da:. Byu yigi nyangnu" da" mang: nhung" hang" ri we' ateing too" nghoid ago".

YEREMIA 5:17

Nyangnu" gi nanu" da" shivoo: shiloem joem yo' zoo: noem joem ri lhoid zo: pyam loo goo" wa. Nyangnu" gi nanu" da" yuggi zoo: myiyi: zoo: yiri said pyam loo goo" wa. Nyangnu" gi nanu" da" coid kyung yang kyung yo' nu: kyung joem ri said pyam wigi nanu" da" zabyid nei joem yo' lafoem' gam joem ri phyo' shoin' pyam byid: goo" wa. Nanu" loem khau: nyid da" gyidab voomoo" joem gi nyangnu" gyidab wigi phyo' shoin' pyam zi shau" boem wa.

EZEKIEL 36:35

Yugkhang" moo" gi shid phyang" dalheing: dain" pyoid yoo bue" jo, da" he: mougmyid gi Eden khyam: yhang: ti" bue" loo bye: ziyo' phyo' khyo' pyam- lhoid yu pyam bye: lho: byo, yoin" jo, bye: da" he: voomoo" joem gi akhid" khasu" byu doem nyid lho: gyidab voomoo" bue" lo khyoo: ri tid loo goo" wa.

AMO 7:4

Yoem: moo" bo thang da" Aseing mo yoeb myang gootu: daloem: doem myang nhang: zigi houg: jang" moo nyang: gi nya: da" byumyu" yiri myi: wigi yooboo dam byid: wa ga: soin' to" ziri myang. Houg: myi: gi nammugdara thoem" moo" ri nge" pyam lho: mougmyid khyoo: nge" ju" lo nyid bye:.

HABAKU 1:6

Ngoo gi gye" gyoug phoo" ziyo' ahain: akhyoid da" Babelon byumyu" yiri yoem: boo so' boo nhang: wa zi nghoid. Nyangnu" gi sube" mungdain: joem ri zain: oung: loo" wa shid re" moug: gyab goin" jang khyoo: thu' yhe: lo" nyid boem bye:.

ZEKHARIA 7:14

Ngoo gi uglid zoo" mo wigi nyangnu" ri tungbau mung" khyoo: moid sain" pyam' bye:. Houg: yhi' ge da" moug: gi jham" coug: youg bue" lo" lho: houg: moo hang" we' anyid boem loo.