YOELA 1:7 - Lacid Common Language Bible

⁷ Nyangnu" gi ngoonu" da" zabyid nei joem ri phyo' shoin pyam boem lho ngoonu" da" lafoem gam joem ri zo: pyam byid: boem ago". Seig ko' phyu: loo" sho' seig kug ri khyoid pyam byid: ago".

YOELA 1:7 교차 참조

COUNG" NGHEI 105:33

Nyang: gi zabyid nei yo' lafoem khyam: ri lhu: phyo' pyam byid: lho: mungdain: goin" jang" mo seiggam joem ri youg khyau" mhoin' pyam byid.

THU' LO" MOUGSOUG" 10:14

Hau: jhenkhyeug joem dang: vang lo lho: mungdain: goin" adang moo lo no: nyid ago". Hau: joem gi gye" myo: wigi houg yhang: ti" da: jhenkhyeug phung: ri shid ri we' amyang yu" thang: ri we' myang yu" zi anghoid.

THU' LO" MOUGSOUG" 10:15

Hau: jhenkhyeug joem gi myidgung ceig ceig no, sho' nghoeb pyam wigi seiggam mo shi" we' bo wigi leigvoo baid jang" mo deing da" seigshi vooshi" dangain" ri zo: pyam boem ago". Egutu mung" dangain" mo nyau da" seigzoo: voozoo: dagam we' ajo, loo: sho' zo: pyam bye: ago".

ESAIA 24:7

Zabyid nei joem yhau" lo ” wigi Zabyid yhid: gi myung loo wa. Goonham' ngei phyo: bang: yugkhang" moo" gi akhid" koug ago".

ESAIA 32:12

Koug ziyo' nanu" yanggang moo thoin: ge'. Ciwim gari myidxu: ge da" yoothung" joem yo' zabyid khyam: joem gi phyo' shoin' pyam shau" abye: go".

ESAIA 5:6

Ngoo gi hau joem ri myo, se: nhe' pyam nhang: pyam wa. Zabyid nei ri acu: shang: wa. Hau: ziri akhoeb nu" byid: wa. Hau: gungthid hau: jang" moo myo, lam" yo' zu: kyin: joem nghoeb nhang: wa. Hau: adang moo moug: voo byid: wa ziri lang" jhoemmoug" ri toem' pyam byid: wa.

YEREMIA 8:13

«Yoo zei: su: gi nya: shivoo: shiloem joem ri zheing" yu yhang: ti" ngoo gi nga" byumyu" yiri khe: zheing" yu nau. Nghoid loug we' nyangnu" gi zabyid shi" azei: da" zabyid nei- lafoem shi" azei: da" lafoem gam yhang: ti"- afu' lang" nyhau" byug bye: zi yhang: ti" nghoid da:. Houg: yoomo ngoo gi tunggung mo gooji bang: yiri hau: mougmyid ri seing: yu nhang: pyam bye:» ga: tid da:.

HOSEA 2:12

Nya: da" vho: ngei bang: ri nyang: wigi dei byid: da" aphoug" khyo" nyangnu" wigi byid: to" zi nghoid ga: tid da" nya: zabyid nei joem yo' nya: lafoem shigam joem ri ngoo phyo' shoin' pyam byid: wa. Ngoo gi nya: da" zabyid khyam: joem yo' shi" khyam: joem ri siyoo bui" nhang: pyam wa. Siyoo gougnyhoug joem wigi hau: gu: ri phyo' shoin' pyam byid: loo wa.

YOELA 1:12

Zabyid nei joem yo' lafoem gam joem we' yhau" loo" bye:. Shigam joem dangain" gi yhau" shid: lo" abye: go". Byu yi da" gau yi ngei pyo: khyoo: ein: zigi bei: lo" byug bye:.

AMO 4:9

Ngoo gi nanu" da" shivoo: joem ri kyug shid: loo" nhang: wa shid mo lid lung ri houg nhang: kaid bye:. Nanu" da" shivoo: khyam: yo' zabyid khyam: dangain" nanu" da" lafoem' gam joem yo' zhainloin: gam joem we' jhenkhyeug joem wigi zo: pyam bye:. Nghoid loug we' nanu" gi nga" jhang khyoo: adoem tau" loo shi" nghoid ago".

HABAKU 3:17

Lafoem gam joem gi ashi" azei:. Zabyid nei joem moo we' zabyid shi" adab loug we' zhainloin: shi" we' amoo wigi tung yoo yoothung" moo gug zoo mei: loem: athu nghoid loug we' yang joem dangain" we' shid: thang lho: nu: khoem: joem we' akoem: nghoid jo, loug we'.

MALAKHI 3:11

Nanu" da" shivoo: shiloem yoo ri tung sang" jhenkhyeug joem azo: shoin' pyam nhang: wa ziyo' nanu" da" zabyid khyam: mo zabyid shi" joem ri we' amyheing shi" ri ashu: gyo" pyam nhang: wa» ga: yoem: moo" bo da" Aseing gi tid nyid.