YOELA 1:4 - Lacid Common Language Bible

⁴ Jhenkhyeug joem gi daphung: thang: moo daphung: xo' lho: shivoo: gam joem moo foem: to" ago". Daphung: wigi zo: teung to" ziri daphung: wigi zo: pyam byid: ago".

YOELA 1:4 교차 참조

1 KHOKHAM 8:37

«Hau: meing: moo phang" khoug gyo" uri anghoid lang" lang: yoem" gyo" anghoid lang" lid ngi" wigi lhu: shoin' pyam da" gug shi" mei: shi" anghoid lang" jhenkhyeug phung: moo" dang: yen" anghoid lang" re" byumyu" yiri nyangnu" gyivoo wigi zain: lo uri anghoid lang" noo phyoo" shoug" uri anghoid lang" nyangnu" no nyid uri

2 KHOKHAM MHOOMYID: 6:28

«Mungdain: khoug: moo phang" khoug khoug zi lang: yoem" gyo" zi lid lung yo' jhenkhyeug joem wigi gug zoo mei: loem ri phyo' shoin' pyam shau" wigi re" byumyu" yi nyangnu" da" gyivoo yi wigi khaid zain: zi shoug" lang" nyangnu" phung: moo: noobau: phyoobau:- noo phyo" shoug" lang"

2 KHOKHAM MHOOMYID: 7:13

Ngoo gi moug: vo ziri toem' pyam anghoid lang" gug zoo mei: loem: ri zo: da" jhenkhyeug joem ri nhang: kaid khyoo:- anghoid lang" nga" byumyu" yi adang moo lang: yoem" gyoo" nhang: khang" moo".

COUNG" NGHEI 105:34

Nyang: nhang: kaid ziyo' moin moin sen sen atho' nghab da- myo: tham: jhenkhyeug nyoug joem ju" lo nyid abye:.

COUNG" NGHEI 78:46

Nyangnu" da" shivoo: shiloem joem ri zo: pyam byid: lho: nyangnu" da" khyam: joem ri phyo' shoin' pyam byid: wa shid re" jhen" khyeug nyoug joem ri nhang: kaid bye:.

THU' LO" MOUGSOUG" 10:4

Nang ngeig nyid shi" nghoid rigi nab kyoo' re" mung" khyoo: ngoo jhenkhyeug ri nhang: kaid wa.

THU' LO" MOUGSOUG" 10:5

Hau: zigi gye" myo: wigi myidgung dangain" ri yo" nghoeb pyam wa zi nghoid. Hau: joem gi leigvoo yo' ayo" shoin' pyam yoomo deung jo, da" ja: khang" moo" ri zo: pyam wa. Deing jo, da" seiggam joem rilang" zo: pyam goo" wa.

ESAIA 33:4

Nyangnu" seing: da" zi joem gi yhe: doin: zeig lhoid zi shau" wigi lanyhoeb khyo" lhoid yu pyam zi shoug" ago".

YEREMIA 51:14

Jhenkhyeug joem yhang: ti" Babelon ri khaid zain: wa byu myoo" sho' ri nyang: shu" ri" wa ga: nya: kangso' ri to" lho: myhang: thang Aseing gi jham' tang: too" bye:. Houg: lho: nyangnu" oung: doid thui: yo' nyho: loo goo" wa.

YEREMIA 51:27

«Gyi khaid wa avoid asoo" byid: ge'. Byumyu" yi shoug" gyoo: wa shid re" laboo" ri moid ge'. Babelon ri gyi koid wa shid re" byumyu" yiri nyheing soin' ge'. Ararad- Minni yo' Ahkeneza mungdain: khokham yiri gyi khaid zain: wa tid ge'. Gyi zain: jang" moo vhu" shi: wa gyizoug: dayug ri khyen: soin' too" ge'. Jhenkhyeug joem yhang: ti" myang: joem ri she: loo ge'.

YOELA 2:25

Jhenkhyeug phung: joem wigi nanu" da" shivoo: zoo: joem ri zo: pyam byid: da" zain nyid khoug: moo nanu" mo byug yoin" lo" gu: ri ngoo doem tau" byid: wa nghoid. Nanu" ri thougtheung gyi zain: da" he" gyiphung: ri nanu" jhang khyoo: nhang: kaid su: gi ngoo nghoid.

AMO 4:9

Ngoo gi nanu" da" shivoo: joem ri kyug shid: loo" nhang: wa shid mo lid lung ri houg nhang: kaid bye:. Nanu" da" shivoo: khyam: yo' zabyid khyam: dangain" nanu" da" lafoem' gam joem yo' zhainloin: gam joem we' jhenkhyeug joem wigi zo: pyam bye:. Nghoid loug we' nanu" gi nga" jhang khyoo: adoem tau" loo shi" nghoid ago".

AMO 7:1

Ngoo gi yoem: moo" bo thang da" Aseing jang" mo yoeb myang daja: ri myang bye:. Hau: yoeb myang moo khokham da" khoofoo: bain yham" yu thang: ri vu, fu" doem yug toid lo da" uri Aseing wigi jhenkhyeug dajoem ri phain" so: kaid ziri myang bye:.

MALAKHI 3:11

Nanu" da" shivoo: shiloem yoo ri tung sang" jhenkhyeug joem azo: shoin' pyam nhang: wa ziyo' nanu" da" zabyid khyam: mo zabyid shi" joem ri we' amyheing shi" ri ashu: gyo" pyam nhang: wa» ga: yoem: moo" bo da" Aseing gi tid nyid.

TARHA" TID POIN" 28:38

«Nanu" gi myoug: shi" myoo" sho' shoo" nghoid loug we' dajhi' za: shau" yham" yu wa. Ciwim gari nanu" shivoo: gam joem ri jhenkhyeug joem wigi zo: pyam byid: loo wa.

TARHA" TID POIN" 28:42

Nanu" seiggam joem yo' gugshi" meishi" dangain" gi tungdi: joem wigi zo: pyam wa.