YAKU 5:3 - Lacid Common Language Bible

³ Nanu" da" ngei sheing: joem we' zo wigi zo: shoin, pyam byid: bye. hau" zoo joem gi nanu" shoid khyo" sagsi: joem nghoid nyid wigi nanu" da" gung shoo" ri we' myi: yhang: ti" nge" joem: loo" nhang: wa hid: lo" thang da" bidnyid ayo, joem shid re" nanu" gi soidgain ri dazheung" to" nyid goonhung: lha".

YAKU 5:3 교차 참조

APOEM AYANG: 31:48

Laban gi Yaku ri «He: da" lug go, boem gi nyha" oug: tang: agyoo: mo sagse: bue" nyid wa bye:» ga: tid. Houg: yoomo he: joyoo ri Galeda ein: myheing bye:.

APOEM AYANG: 31:52

He: da" lug go, boem yo' he: da" ladoo" lug go, zeing gi sagse: nghoid bye:. Ngoo gi he: lug go, boem ri lid lho: nang ri gyi khanham we' akoid wa. Houg: lho: nang we' he: ziri lid lho: anghoid lang" he: ladoo" lugzeing ri lid lho: ngoo ri gyi are" koid.

APOEM AYANG: 49:1

Yaku nya: zoo: tang: yiri khe: yu lho: «Zeing: loo ge'. he: thang: nyid" nanu" cisu" bue" loo wa khyoo: ngoo nanu" ri tid wa.

YOBA 16:8

Nang gi ngoo ri myheig yu bye:. Nang gi nga" gyivoo nghoid da:. Ngoo gi shooyoug: moo shooyid za: dalhoem" lo. Houg: lho: byu yigi nga" yooboo wigi hougsu" bue" ga: jho: ago".

ESAIA 2:2

Ju" loo wa da" ayo, moo: Noku yhoem: moo" jo, da" boem gi dangain" jang" mo myhang: thang nghoid wigi bouggung dangain" da" adang moo myhang: thang bue" nyid wa. Mungdain: myoo: sho' gi houg khyoo: jhen: re" wigi

YEREMIA 19:9

Gyivoo yigi voomoo" ri vang: lheing to" lho: voobyu yiri said wa soin' loo goo" wa. Vang: to" zigi gyoug dain pho" zi nghoid wigi voomoo" khoug: moo nyid da" bang: gi nyang: cang" nyang: said zoo: goo" loo wa. Nyangnu" nya: zooshang: yiri lang" said zo: loo goo" wa ga: ngoo ri tid da:.

MIKHA 3:3

Nanu" gi nga" byumyu" yiri zo: pyam bye: ago"- nanu" gi nyangnu" da" shooyid ri shid pyam byid: lho: shooyoug: ri khyau" pyam byid: boem ziyo' oug" moo yhung: loo wa shoo" ri yhang: ti" jab khyi' to" ago".

MIKHA 4:1

Lo" thang da" bidnyid ayo, moo gi Noku Yhoem: Moo" jo, da" boem gi bouggung dangain" atho' moo myhang: thang boem nghoid wa byumyu" yi myoo" sho' bang: gi houg: khyoo: lo" boem wa zi nghoid.

ACTS 2:17

Mangsoo hid: su" ga: tid- Ngoo gi lo" thang da" bidnyid ri byu yug khang" mo" da" atho' moo-nga" Venyi foid shoin" byid: wa nghoid- nyangnu" da" nya: zoomyi: nu" yi: yo' yug gi nu" yi gi Nga" mungdang: ri kho" kyo" lo boem wa zi nghoid. Nyangnu" da" zoolu: yi gi-yoeb myang gi ri myang goo" wa hau: lho: nyangnu" da" mang: zoo: yi gi-yhoeb, mo, myang goo" wa nghoid.

Roma 2:5

Nghoidloug we' - nang gi u" loem' thain: ci: lho: wigi nheigloem: ayo" thid'. Houg: yoomo - Mangsoo: nheig yo; lo lho: - dain: khyo" tarha" dang: phyed' lo da" bidnyid ri - re" shid' re" je lid: da" yoo bo dam ri shau" kham zoo: wa.

2 TIMOTHI 2:17

Houg: yhang: ti" jhau" mhoo, byid: da" khyoo: gi gung shoo" ri zo: toung" lo" da" m ang: gam: nooboug: yo' du nyid. Hougsu" jhoug" byid: jang" moo bo da" byu eig yug gi Humeno yo' Philetu zheung: nghoid nyid ago".

YOSHU 24:27

Nyang: gi byumyu" yi dangain" ri «He: lug boem gi ngoonu" da" sagse: nghoid wa. Aseing ngoonu" ri dang: tid bye: dang: khoin" dangain" ri hau: zi gyoo: baja". Houg: yoomo hau: zigi nanu" shid re" sagse: nghoid wigi nanu" Mangsoo ri thougtheung gyi koid jang" mo toem' pyam loo wa» ga: tid da:.

2PETRU 3:3

Hau: da" lo" thang bidnyid joem moo gi nyang: tu: nya: gungshoo" aco' ajhoid da" nheugloem: vho: khyo" cang wigi kangso' dei bang: thu' loo wa ziri dangain" da" shid moo se' too" ge'. Nyangnu" gi nanu" ri juang" yi zoore"- Hau: Aseing: doem ju" ri" wa ga: dangsoo" khoin" byid: to" anghoid goo" la". akhid" nyang: khayoo: lo" lha".

Pang Shug 17:16

Nang myang da" akhyeung" da" gougnyhoug yo' Khyoug: daxi: loem: gi shava myi: yi: myhi, ri ngheing" yoomo nya: byimi, dangain" lang: shang: pyam byid: lho: shoo" cen: doem: koid to" boem wa nya: da" shoo" ri zo: pyam' lho: deung gu: rigi myi: moo nghe, jhoem" pyam wa nghoid.

Pang Shug 20:15

Kang: so' mougsoug" pug moo myeing aboo mo, hang" we' hau" myimi: thoem" moo du" zei, pyam zi shau" nyid.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.