YAKU 4:2 - Lacid Common Language Bible

² Nanu" gi nanu" nyang: myid vho: khyoo: ri ayoo" yoomo byu ri said pyam wa zilang" jen" jen" nghoid nyid boem ago". Nyang: tu: nya: da" myoo" sho' jain" sho' vhoo: boo loug gyi: nyid ziri ayo" yu yoomo myeing myo: lho: gyi, bui" go" nyid. Nanu" vhoo: bo nyid da" zi joem ri ayo" yu da" khyoo: gi Mangso jang" moo amho, ayoid, yoomo nghoid nyid.

YAKU 4:2 교차 참조

YOHAN 16:24

Akhid" ju" sho' nanu" gi nga" da" myeing ri lang lho: daja" we' amho, atid yu" boem shi". Nanu" da" ngei pyo: da" khyoo: byeung" byeung" yo" yu wa shid' re" Akyu" mho' nyid ge'. Nanu" mho' ziyo' dakhyoo" ti"- yo" yu boem wa zi nghoid.

YAKU 1:5

Nghoid loug we' nanu" mo dayug yug gi Phajhi" juyi: thang byug nghoid rigi Mangso: jang" mo mho' ge' nyang: gi houg: su" mho' mo, ri nyain: phajhi" byid: wa zi nghoid. Khasu" wim gari Mangsoo: gi byu bain sho' mo, rigau ziyo' agoin ayu: da" phajhi" ri byid: nyid.

YOHAN 4:10

Yesu phougtid zigi Mangsoo ci: byid: nyid ziyo'- nang ri shug gyid dagoem mho' nyid su: gi hang" nghoid da" khyoo: ri nang se' nghoid ri koem gi hau: youg jang" mo nang gyid mho' wa zi nghoid. Hau: yug we' nang ri kangso' gyid byid: wa zi nghoid ga: tid.

DANG: ZHOEM 1:19

Lhoid zoo: lhoid shoug da" moo" zoo" gi:-lhoid zoo: lhoid shug mo da" kangso' khyoo: ri tid fu" byid: nyid. Athoug" akhyoug: khyo" dei nyid mo, da" shidkhoin" moo: bue" nyid da" moo" nghoid.

HABAKU 2:5

Jonu" ziyoo gi mhau' fain" lo" khyoo: nghoid. So' kho' myo, no, bang: gi phau: khuang lho: phibu phaxeig nghoid nyid ago". Shid: gyoin noogyoin yhang: ti" nyangnu" gi khanham we' nheugshid: nheugdeug khyoo: ga: zi ajo, nghoid ago". Houg: yoomo nyangnu" mungdain: yi damung" thang: moo damung" ri nyangnu" shid re" zain: ung: yu khyoo: nghoid ago".

ESAIA 7:12

Ahaza gi «Ngoo gi avoid ri amho' wa. Ngoo gi Aseing ri ajham" yu" wa» ga: phoug tid da:.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

YAKU 5:6

Nanu" gi deing byeung" su: ri dang: phyed' lho: said pyam abye: go. Nyang: gi nanu" ri thoutheung nyid su: anghoid.

1YOHAN 3:15

Nya mang nyanhung" ri anoug angei su: hang" nghoid loug we' byu ri said pyam nyid su nghoid. Byu ri said pyam nyid su gi nyang: moo apyaid ato: kang so' ayo" yu ziri nanu" se nyid.

1 KHOKHAM 21:6

Nyang: gi «Nabod ngoo ri tid da" dang: yoomo nghoid. Nya: zabyid khyam: ri ngoo qei yu wa anghoid lang" nyang: myid vho: nghoid rigi hau: khyam: shid re" gootu: dakhyam: byid: wa ein: tid nghoid loug we' nyang: gi ngoo ri hau zi ayo" byid: ga: tid» ga: tid.