TITU 3:8 - Lacid Common Language Bible

⁸ He: da" dang: gi dang: deing khoin" nyang: nghoid bye:- Mangsoo ri loem, khoug: bang: gi byu yug khang" mo" shid mo akyu" bo lho: ge lho da" moo" ri zei: wa shid re" ayo, byid: wa khyoo: ri gooki" lid' ayang: koid lho: jhau" shed nyid wa ziri ngoo vho: ngei nyid.

TITU 3:8 교차 참조

COUNG" NGHEI 78:22

Khasu" wim gari nyangnu" gi nyang: ri aloem" ajeung" ziyo' nyang: yo" khyoid yu khyoo: ri nyangnu" aloem" jeing" yoomo nghoid.

DANG: ZHOEM 21:28

Mhoug su: tid da" sagse: dang: ri hang" aloem"- bue" lo da" khyoo: joem ri goolhoo: za: se' myid tu' yu" su: da" dang: joem ri koem gi loem" jeung" nyid boem ago".

MATHE 20:4

Houg: lang" nyangnu" ri ‹nanu" we zabyid khyam: moo moo" yhe: zei: ge'. Moin: yi" da" vhoo" kung: phoug" ngoo shang" wa› ga: tid.

YOHAN 12:44

Yesu phougtu" da" zigi ngoori loem" jeing" su: gi ngoori za: anghoid. Ngoori nhang: kaid da" yug ri we' bo loem" jeing" su: nghoid.

YOHAN 5:24

Deing" deing nanu" ri ngoo tid ba"- Nga" da" dang: ri shau" gyo: lho: ngoori nhang: kaid su: ri loem" jeing" su: gi Apyaid' ato: kangso' yo. Nyang: gi tarha" dang: phyed' zi athoung" shau" loo za: shid: jo, jang" mo- Kangso' dei nyid da" shoid khyoo: yo" rue' led loo" su: nghoid bye.

ACTS 12:15

Yhoem: khoug: moo nyid mo, gi nang gi foin" abye:- ga: nyang: ri zheung: tid boem. Nghoid loug we' nyang: gi deing" deing nyang: nghoid- ga: zhug zhug da tid nyid. Houg: su" nyangnu" tid zigi hau: zigi Petru ri zung" lhug da" moug: lagyoo: danghoid wa ga: tid ago".

Roma 4:5

Nghoidloug we' xangsu: byu yi gi nyang: nyang cang da" ge khyoo: ri aloem loo za: Mangsoo: ri za: loem" jeung" nghoid rigi Mangsoo gi nya: da" loem" jeung" khyoo: ri yu" lho: wigi nyang: ri yooboo ayo" ga: dang: phyed' soin: teing to' wa he: khyo" wigi Mangsoo: gi xangsu" byu ri lhoem: kham: yu nyid.

2~KORINTHU 4:13

Jhoem: mungdang: moo Ngoo loem" jeung" yoomo ngoo kho" kyo" ga: wigi tid nyid ziyo' dakhyoo" ti"- ngoonu" we' loem:" jeung" yoomo kho" kyo" zi nghoid.

Ephesu 4:28

Lhoung khau" yu" su: gi khau" da" moozoo" ri to" pyam' lho: adoem khoug" loo goo"- ca" yo nyid bang: ri yo" pang" thoug sho' nyang: nya: da" lo, yo' deingmain" da" voem: doug: khu: da" moozoo" ri zei: shid" lo" boem loo: ge'.

1 TIMOTHI 1:15

Yooboo dab, mo, ri khyoid yu wa shid re" Yesu Khristu gi mougmyid' khyoo: ju" ri bye"- ga: da" dang: khoin" gi khyag nyang: kham: yu ge ziyo' loem, ge" da" dang: khoin" nyang: nghoid bye. Hau: yooboo dab, bang: moo ngoo gi gyi: thang da" yooboo dab, su: nghoid nyid.

1 TIMOTHI 2:8

Phung: mo mo, da" akyu" mho' ayo, khang" moo" moo yug gi yi ri akyu" mho' nhang: nau- Mangso jhang khyoo: mho' ab, xoin" to' byid: da" yug gi yi gi nheig yoo: go" zi ngeung byo, go" zi aboo loo: za: gyeungshang: da" lo, ri tu: lho: akyu" mho' nyid goo" baja".

1 TIMOTHI 5:10

Hau: tho' moo gootu: nyang: gi asam" avoid ge khyoo: moo we' myeing thu nmyid su- nya: myid: nya: zoo: yi ri we' voin: tang: se' shu" jhoug" shu" mho' nyid su- tungbau being" voo, yi ri nya: yhoem: moo goo" lhoo: zoo: kham: yu lho: doo" zhoo" doo" jhug su- Khristain mang: nhung" yi yo' sen: lho: zei: ca" da" khyoo: joem ri khyo, nyhoem: da" myid yo' zei: so' voin vu, si su- yau: khe" jam jau shau" nyid bang: ri-se' pang" thoug su- ge da" moozoo" joem ri voin, vu, xoin" yo" to' su: nghoid ca" nyid.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

TITU 1:9

Nyang: gi phung: mo jhoug" myeing" jhoug" thui: ri yo' myid coem, veung" da" loem, gi su:- hau: mungdang ri geing: geing: zei: ci: su: nghoid ca" nyid. Houg lang" nyang: gi hau: deingmain" da" jhau" mho' khyoo: yo' byu yi ri yoem: byid: yo" lang: zheung" yu- hau: mungdang yo' azhung" to" da" ngeug se: juang" yi mo, da" shoid vhang: lo" da" khyoo: ri yo" toin" shid' wa zi nghoid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

TITU 2:7

Khyoo: khaid gu: khang" moo" zei: so' lo" da" jang" moo nyang: gung nyang: yu" yu ge, da" khyoo shid: bue" nyid we' Dain: da" nheigloem: yo' abui" atho'- thain" thain: yhoug: gyen: khyo" jhau" poin" khoo" kyeung" nyid we'.

TITU 3:1

Mung" dain ri vhoeb khang" nyid bang: yo' amyeing" akhang ci: bang: da" vhoo: moo tam' gyo: nyid wa ziyo' ge da" moozoo" jid: zoo: jo, moo jo, ri zei: soo, wa jen" jen" nghoid nyid wa shid re" re" da" byu yi ri tid poin" nyid we'.

TITU 3:14

Akhid" nyang: ca" yo nyid akhyoo: joem, ri-yo" joeb, byeung" nhang: sho' yha: da" byu yi nyang" nu" da" ayo, joem ri ge da" moozoo" ri ci: yhung: wa shid re" jhau" yu goo" baja". Nyangnu" da" kangso dei lo" khyoo: moo ce: phoug" adab kangso' age dei nyid.

PHILIMON 1:11

Dalheing: rigi nya: shid re" ce" akyu" aboo nghoid loug we' akhid" gi re" da" shid' re" we' nga" shid re" we' akyu" boo su: bue" loo bye.

HEBRE 10:24

Ngoonu" gi ngoonu" nyang: cang"- pang" goo" thug goo" wa shid re" nyhang" nyang: cang" jheddab da" nheigloem: toin" shid' go" zoore"- ge da" moozoo" rizei: wa shid mo nheigloem: tu: to' lho: pang" goo" thug go" nyid shang.

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.