TITU 3:3 - Lacid Common Language Bible

³ Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

TITU 3:3 교차 참조

APOEM AYANG: 38:9

Nghoid loug Onan gi yo" loo wa da" zooshang: gi nya: zoo: khyo" myeing ashau" myheing wa ziri si' yoomo nya: mang: shid re" zooshang: ayo" yoo" wa shid re" nya: mang: da" cougmoo" yo' yhoeb khang" moo" nya: da" myoug: shi" yeing ri myid khyoo: kyeing" khyo' pyam.

APOEM AYANG: 39:16

Nyang: gi Yoseb da" byisheing: ri nya: yhoem: seing: phoo yhoem: khyoo: ju" loo sho' zoem: ci: to".

COUNG" NGHEI 36:2

Khasu" wim gari nyang: gi nya: gung ri gye" nghoid yoo, so" nyid. Mangsoo gi nya: yooboo ri myang wa zi anghoid- yooboo dam we' kaid wa zi anghoid ga: nyang: jho: nyid.

DANG: ZHOEM 8:5

Nanu" gi ayang" akung shi" goola? yang" koung loo wa shid mo jhau" yu we'. Nanu" gi nheig agyeung: bang: nghoid nyid go" la". Phug soo" leug da" nheigloem: yo" yu sho' jhau" yu nyid we'.

DANG: ZHOEM 9:6

Aboin: agyeung: da" byu phung: ri too" kho' lho: kangso' dei nyid we'. Lasi, phajhi" moo: cang so" loo" ge'.» ga: nyho: yoid nhang:.

ESAIA 44:20

Nyang: koid da" moo" zoo" gi myimoeb ri zo: nyid yhang: ti" ce: dang: kang: aboo nghoid da:. Nyang: ko" da" myid gi nyang: ri atho' yo" pang" loo: sho' gye" xoo: sho' shu" vhang: lo" byug da:. Nya: lo, moo zei: ci: da" yu phara" soolhoo: gi Mangsoo anghoid ga: ziri nya: gung ri ayo" yhen: yu wa.

OBEDIA 1:3

Re" da" nghoid boin: khyoo: gi nang ri mhoid" jhoem" pyam, bye:. Re" da" voomoo" zeing gi lug moo" boem su" geung: jo, da" gyidab nghoid- re" da" yhoem: gi boem joem tho' moo jo, wigi nang nanya: gung ri nanyang: tid nyid zigi «Ngoo ri hang" wigi yo" lang: khyo' wa la"» ga: tid nyid.

MATHE 21:29

Mang: moo" gi ‹ngoo anau yhi:› ga: tid nghoid loug we' thang: ri nheigloem: thed' lho: khyam: khyoo yhe: lo".

LUKA 21:8

Yesu tid zigi Nanu" ri mhau zi athoung" shau" wa shid' re" zed" nyid ge' Byu myoo" sho' mo, nyang:- nga" n ga" khyoo: yo' sen: lho: ngoo gi nyang: nghoid ga: tid da" ayo, ju" ri" wa nghoid loug we' houg: bang: da" thang: moo acang loo" goo.

YOHAN 8:34

Aseing Yesu nyangnu" ri tid zigi Deing" deing nanu" ri ngoo tid ba- Yooboo shoid vhang: mo, dangain" gi yooboo da" join, nghoid.

Roma 11:30

Tungbau byumyu" ein: da" nanu" gi - daleing: ri Mangso: da" dang: ri atam" gyo: boem nghoid loug we' akhid" uri Mangso: da' nheig khyeug zi nanu" shau" kham zoo: nyid zi gi Yuda byumyu" yi gi Mangso: da" dang: atam" gyo: boem yoomo nghoid.

Roma 6:12

Houg: yoomo nanu" gi nanu" nya: da" gung sho" nheigloem: ri acang loo" wa shid' re" yooboo yougnoo gi shid" loo" se' da" nanu" gungdu: ri thang: phang" khanham we' vhoeb khang" loo: wa anghoid.

Roma 6:17

Nanu" gi dalheing: ri - Yoobo join koid' yu" nghoid loug we' akhid" gi jhau" mho' khyoo: ri tam" gyo: loem" jeung" da" deing byeung" khyoo: ri nheigloem: ung: khoug: dangain" yo" nanu" kham: yu bye: yoomo ngoo gi Mangso: da jeju" ri coung" nghei" nyid.

Roma 6:22

Nghoidloug we' akhid" nanu" gi yoobo da" lo, khoug: mo, loid byoin thu' lo lho: - Mangso: da: join yi bue" lo loem bye. Nanu" yo" yu da" akyu" gi Aseing: da" shid' re" nyang: nya: kangso' dei khyoo: bain" sho' xoin" to' pyam' bye yoomo lo" thang moo gi apyaid' ato: kangso' akyu" yo" yu wa khyoo: nghoid bye.

Roma 6:6

Hau: tho' moo gootu: ngoonu" da" byu xoug" nheigloem: ri Khristu yo" dage" pyang" zeing moo baid jen" said' pyam' nhang: bye: da" khyoo: - hidsu" baid jen" said' pyam' nhang: da" khyoo: gi yooboo da" yoem: so' da" byuxoug" nheigloem: ri phyo' koid pyam' khyo" wigi yooboo join pyaid mo lhoid' byoin loo" nhang: wa zi nghoid da" khyoo: ngoonu" se boem.

2~KORINTHU 12:20

Nanu" jang" moo ngoo ju" re" ri ngoo vho:- myang nau khyo" nanu" anghoid nyid lang wa ziri we' nanu" we' hau: vho: khyoo:- myang nau khyo" ngo moo anghoid nyid wa ziri we' ngoo gung: youg yau nyid. Hau: lho: ngoo gi nanu" moo myeung" myoo: yhoo: she: da" khyoo: noo" goo" zoo go" da khyoo:- nheig yo phoin: khyoo:- nyang: nya: akyu" za: sho: khyoo: dayug yo' dayug gei sang: shang pyang: go" khyoo: dang: so' so' go" khyoo: ngeug goo hi: go" ziyo' atoug" ashu: lu: fu: go" adu aveing" go" khyoo: ri ngoo re" myang wa ziri gung: youg yau nyid.

GALATI 6:3

Byu yi dayug yug gi yhoug: gyen: da" byu gyeing" nyang: anghoid nyid da" zi yhoug: gyen: da" byu nghoid ga: nyang: nya: da" gung ri nghoid boin: su: gi nyang: nya: da" gung ri mhau' nyid su nghoid.

KOLOSE 1:21

Nanu" we' shid' phyang" dalheing: gi nanu" nyang: koid da" akhyeing" ashoeb moozoo" yo' - myid soin' khyoo: yoomo Mangsoo yo' ve: gang: lo" wigi nya: da" gyivoo jeom bue" yu" boem bye.

KOLOSE 3:7

shid' phyang" mo nanu" da" kangso' khyoo: bain' sho' moo hau: khyoo: joem wigi nghoeb, oung: ci uri gi nanu" nyang: we' houg: yhang: te" da" yooboo ri koid lho: wigi kangso' dei lid lo boem bye.

2 TIMOTHI 3:13

Akhyeing" ashoeb, da" byu yi yo' mhoug zoo: mhoug shug yen" da" byu yi koem gi-subi" yo" mhoug zoo: lang" nyang: nyang: ri we' mhoug zo: zi doem, thoung" shau" wigi akhyeing" ashoeb, ziyo' age da" khyoo: moo age da" khyoo: khyoo:- je" je, jhen" vang lo boem wa zi nghoid nyid.

2 TIMOTHI 3:6

Nyang: nu" mo dayham" bang: gi sube" yhoem: moo; cang vang yen" lho: asi aboin: khyo" ase' myid soin: yu" da" yoem: nu: nyid myi: yi: yi ri nyangnu" lo, moo vang sho' mhe, yu ago- hau" myi: yi: yi gi nyangnu" shoid lid lo" yooboo yoomo nheigloem: yoolid: voin, lho: myid' apyo: zoore"- gung shoo" aco' ajhoid khyoo: aja: ja: moo bo myu: lo" wigi

TITU 1:16

Nyang: nu" gi Mangsoo ri se' boem bye"- ga: tid nyid boem nghoid loug we' nyangnu" da" koid moozoo" joem gi nyangnu" ri abo pang" thoug nghoid da. Nyang: nu" gi aco' ajhoid zi nghoid nyid boem wigi yu" vho: phoo" adoid bang- ge da" moozoo" daja: ja: ri zei: soo, wa da" yoem: vhoo" aboo bang: nghoid nyid boem.

TITU 2:12

Ngoonu" gi ngoonu" nya: da- gyi: myhang: da" Mangsoo ein: da" khyoid yu Aseing Yesu Khristu da" myonhoo: phung yoeb, doug bang thu loo wa ngi lho, da" bidnyid ri dalang" nyid Tarha" ri aphau" cang nau da" nheigloem: yo" mougmyid ri vhoo: boo: myo, no, da" nheugloem: ri she: pyam' wa shid re" we' sam" dab, ri young" ziyo' phyoo: phyoo: nghoid nyid wa khyoo:- deingmain" wigi tarha" phau" cang da" kangso' dei khyoo: yo' he: da" mougmyid tho' moo shau" nyid wa shid re" we: hau: jeju" tarha" gi ngoonu" ri jhoug" byid: nyid.

YAKU 1:26

Nanu" mo byu dayug yug gi laloem lakhoug: byeung" su: nghoid ein: myid, nyid go" la". Nang gi nanya: da" yhoo: ri ayo" zei: ci: nghoid rigi re" da" laloem lakhoug: gi ce" phoug" we' adab ziyo' nang gi nanya: gung du: ri mhau' nyid su: nghoid.

1PETERU 1:14

Mangsoo ri tam" gyoo: ge' - shid' phyang" aboin: asi shi' da" ayo, moo nanu' cang lo yu" bye: da" vhoo: boo myo, no, kangso' dei khyoo: akoid loo: za:.

Pang Shug 12:9

Moug: myid gyab, goin" zirishu" mhau' fain" vo, nyid su- main: yu- anghoid lang" satan: ga: myeing yoo" su- goonham, mo main, jung: ni, zeing ri nya: moug: lagyoo: yi dangain" yo" dage" myid jang: tho' khyoo: du" khyo' kaid' zi shau" abye:.

Pang Shug 13:14

Nyang: gi xang: shed" mo da" akhyeung" gougnyhoug shid khoin" moo mau" pho" alhoo: again joem rikoid shug lho: wigi mougmyid byu yi dangain" ri mhoid" fain" nyid lho: sham: dam tab' nghoid loug we' ashid: loo" loo: dei nyid da" hau" gougnyhoug riphoug" tab ngi shab, khyo" wigi nya: da" soolhoo: daloem: rikoid wa shid re" mougmyid byu yi ri tid kaid.

Pang Shug 18:2

Nyang: gi thui: zeing yo' tid zigi nyang: gi byo, yoin" loo" bye:- Babelon voomoo" gi byo, yoin" loo" bye- byo, yoin" loo" bye- nyang: rigiakhuid" main: yu joem yo' mi: byoo joem wigi byo" too" zi shau" su:- aco' jhoid khyoo: aja: ja: yo' ngho' ngheing" joem da" nyid jang: nghoid.