TITU 3:2 - Lacid Common Language Bible

² Nang ri nghoid loug we' age khyo" lu, wim gei sang: da" dang: ri atid loo: za: myenjham" ngei pyoo: tung" zoem" khau: veing" goo" wa ziyo' khanham we' byu dangain" bang: ri nu" nham, nheigloem: shed nyid baja"- nyangnu" ri tid poin" nyid we'.

TITU 3:2 교차 참조

2 SAMUELA 22:36

Nang gi ngoo ri lhoug zung" goem coung: khyoid yu nyid. Re" da" yu" goem khyoo: gi ngoo ri gyi: myhang: loo nhang: bye:. Re" da" yoem: so' gi ngoo ri gau: nyu: nhang: nyid.

COUNG" NGHEI 140:11

Subi" ri shoid vhang: khyo" yooboo zhoug nyid mo, ri aoung: doid loo" nhang:- akhyeing" ashoeb da" moo" zoo" gi athoug" akhyoug: da" byu yiri: khaid myhi: lho: nyangnu" ri phyo' shoin' pyam, goo" baja".

DANG: ZHOEM 19:19

Byu dayug gi nheig khoo" yo: nyid nghoid rigi hau: da" aphoug" yooboo dam gi nyang: ri kham' zoo: nhang: we'. Nyang: ri yau: khe" khyoo: mo dalheing: khyoid yu nghoid rigi dalheing: doem khyoid yu ca" loo wa nghoid.

DANG: ZHOEM 25:24

Myeing" myo: myheung da" yhoem: seing: myhi' yo' dage" yhoem: khoug: moo: nyid wa tho' re" yhoemkhung: tho' moo: lo" nyid wa zigi je" ge nyid.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

ACTS 23:5

Houg: lang" Polu gi mang: nhung" Israela byumyu" yi we"- nyang: khainjung agyi moo" nghoid ziri ngoo asi- ga: tid. Jhoem: mungdang: moo Re" byumyu" ri zoug: koid su: ri age khyo" age tid- ga: tid to" - ga: phoug tid da.

1Korinthians 6:10

Khoug" mo, fain" mo, vhoo: boo myo, no, bang- yhid: ya: vang bang: juang" yi gei sang: shang pyang: yen" mo,- khoug" mo, mhoug mo,- hid: bang: mo hang" we'- Mangso mungdain ri yo" seing: boem wa zi anghoid.

1Korinthians 9:19

Hougsu" nghoid yoomo- ngoo gi hang" da" dei zoo: we' anghoid loo: za: yhoem: seing: koid su: nghoid nyid. Nghoid loug we' byu yi yo" myo: nhoo: myoo: sho' ri- yo" khyoid yu sho'- byu dangain" mo, da" deizoo: ngoo bue" loo bye.

2~KORINTHU 10:1

Nanu" da" shid khoin" moo sam" dab nu: nham wigi nheigloem: khyo' nyhoem: khyoo: toin" shid' wigi nanu" yo' we: gang: loo" lang" asho, agyug nheigloem: toin" shid" su: nghoid ga: juang" yi shau" su: ngoo Polu nyang:- nanu" ri mho' tid kaid.

2~KORINTHU 12:20

Nanu" jang" moo ngoo ju" re" ri ngoo vho:- myang nau khyo" nanu" anghoid nyid lang wa ziri we' nanu" we' hau: vho: khyoo:- myang nau khyo" ngo moo anghoid nyid wa ziri we' ngoo gung: youg yau nyid. Hau: lho: ngoo gi nanu" moo myeung" myoo: yhoo: she: da" khyoo: noo" goo" zoo go" da khyoo:- nheig yo phoin: khyoo:- nyang: nya: akyu" za: sho: khyoo: dayug yo' dayug gei sang: shang pyang: go" khyoo: dang: so' so' go" khyoo: ngeug goo hi: go" ziyo' atoug" ashu: lu: fu: go" adu aveing" go" khyoo: ri ngoo re" myang wa ziri gung: youg yau nyid.

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

GALATI 6:1

Mang nhung" yi we"- byu dayug yug gi aboin: asoo" loo: za: yooboo zei: shoid nghoid rigi venyi wigi khyoo: shed" khyo" kangso dei nyid mo, nanu" gi houg: yhang: te" su: ri nu" nham, da" myid yo' khyoo: shed byid: ca" nyid nanu" nyang: we' gunglau" wigi jhu, phyo' zi ashug" baja" nyang: tu: nyang: houg: lhed' zed" nyid ge'.

GALATI 6:10

Hougsu" wigi ngoonu" gi ayo, akhyeing: bo jo, shi" uri ge bue" da" ayo, yoo" khang" moo"- byu dangain" mo, shid re" ge lho, da" moo" ri zei: nyid boem shang nghoid loug we' loem" jeung" da" ikoin deungkhu: yi shid re" je" wigi zei: nyid boem shang.

Ephesu 4:2

Khanham we' khyo' nyhoem: lho: wigi nu" nham, ziyo' kham, zeung: nyid ge'- nanu" nyang: cang" zeung: kham, go" lho: jheddab emyid ri toin" shid go" nyid ge'.

Ephesu 4:31

Houg: yoomo nheigloem: moo no khyoo: nheig khoo" yo: khyoo: nyho: yoid phau: nheung" ziyo' aphoug" akhyoid koid zi anoug angei da" nheigloem: aja: ja: yo' houg: yo' du go" da" khyoo: joem dangain" ziri shoem" shoung: pyam ge'.

PHILIPI 4:5

Nanu" da" sam" dab, nu" nham, da" nheigloem: ri byu dangain" bang: da" shid khoin" moo toin" shid' nyid ge'- Hau" Aseing: ju" ri" wa da" ayo, gi jhang lo nyid bye.

1THESALONI 2:7

Ngoonu' gi Khristu da" lagyoo: yi nghoid ziyo' dakhyoo" ti"- nanu" jang" mo akho: akhang" yo' mho' wa ga: riyo" mho' nghoid loug we' ngoonu" gi nanu" yo' dage" nyid nyid shi" ayo, moo nya: zooyi ri yu" goin' yu" coung: da" nya: myhi' yhang: ti"- nu" nham ziyo' yu" goin' yu" coung: boem bye.

1 TIMOTHI 3:11

Nyang: nu" da" myi: yi we' akyang" gi mo, nghoid ca" juang" yi gei sang: mo, a gi nyangnu" gi yhid: ayed ziyo' khyoo: khaid khang" moo" moo ding main" loem gi mo, nghoid ca".

1 TIMOTHI 3:3

Yhid: ashug main: su- angheing" ayang akoid su: nghoid lho: wigi sam" dab, nu" nham, su- myen, jham" khyoo: ri vhoo: su- nyang: gi ngei myo, ano, su: nghoid wigi

YAKU 3:17

Nghoid loug we' tho' khyo" ju" gyoo" lo da" phajhi" ju yhi: koem gi xang: shid" re young" gyeung"- hau: thang: moo myenjham" ngei pyo: khyoo:-nu" nham, khyoo: young" du, nyeung veung" khyoo: ri bue" thu loo nhang:- hau: tho' moo gootu: nheig khyeug khyoo: yo' joeb byeung" wigi ge thang moozoo" ein: da" aboo" bo" lho: ashi" zei: loo nhang: se' nyid. hau: zigi myonhoo: ase' khyen:- nghoid boin: da" khyoo: aboo - akug ase' void.

YAKU 4:11

Mang: nhung" yi we"- nanu" gi nyang cang" nyang:- aloem" athoo: dang: tid juang" yi go" nyid boem nghoid loug we' ca: joeb" dang: kho' go" nyid uri nghoid loug we' hau: tarha" ri aloem" athoo:- juang" yi dang: kho' go" khyo" dalo" eung: nyid. Hau: tarha" ri dang: phyed' nghoid rigi nanu" gi hau: tarha" ri cang nyid mo, anghoid loo: za: tarha" ri dang: kho' mo, za: danghoid nyid.

1PETERU 2:1

Houg: su" nghoid yoomo nanu' gi age da" khyoo: aja: ja: yo' mhau' fain" da" khyoo: aja: ja: - ayid void da" khyoo:- no" zo dang: tid ziyo' juang" yi dang: joem ri she: pyam' loo: ge'

1PETERU 3:10

Jhoem: mungdang: moo bo ziyo' dakhyoo" ti" nghoid. gau yi khyo" kangso' dei nyid noug su: yo' ge da" bidnyid ri myang noug su: hang" nghoid loug we' akhyeung" dang: atid' loo: za-nyang: nya: da" nhoid moo mhau' fain" da" dang: tid jang" mo, no: pyam' ca" nyid.

1PETERU 3:8

Lo" thang moo tid shed' nau da" khyoo: gi nanu" gi e" myed, nheigloem: daloem: za: dabo nyid ge'- dayug yo' dayug nheig khyeig shoo" myen: go" nyid ge'. dayug yo' dayug gi mang: kang nhung" kang yi yhang: ti" jheddab go" nyid ge'. nheig se' khyeug da" nheigloem: bo nyid ge'. khyo, nyhoem: ziyo' zoem" khau: nyid ge'.

1PETERU 4:4

Akhid" koem nanu" gi nyang: nu' yo' dage" aco' ajhoid koid zoo: pyoo: shug pyo: nyid a' khyoo: moo abo cang lo' boem loo: yoomo nanu" ri nyangnu" gi gye" mau" lho: gei sang: nyid boem bye.

2PETRU 2:10

Je" wigi gungsho" da" aco' ajhoid- nyam, da" khyoo: mo: zheung: cang nyid boem wigi Mangso da" amyeung" akhang" ri aphoug" akhyoid koid nyid bang: gi houg: yhang: te" khyoo: deung" deung shug wa zi nghoid. He: da" mhau' sara yi gi gye" ngi thu' boem wigi-nghoid boin: boem ziyo' tho' phung" yoeb boo bang: ri phau" myang: khyoo: atoin" loo: za: nyangnu" ri juang" yi geisang: boem da.

YUDA 1:10

Nghoid loug we' byu hid: bang: gi nyangnu" asi ashug" gyo: yu" da" khyoo: dangain" ri rue" ziyo' yooboo foin: pyam' boem. Kyang: da" gougnyhoug joem yhang: ti"- nyangnu" nya: da" nheigloem: khoug: moo akhang: re boo gu ri te: se' gyo: da" khyoo: joem gi nyangnu" lhu: phyo' lhu: shoin' loo" nhang: da" myid' nyain, za: nghoid.

YUDA 1:8

Houg: yhang: ti"- hau: byu hid: bang: we' myo, myang aja: ja: myang ziyo' nyang: nya: da" gung du: moo yooboo koid wa Mangsoo ri ci: asoin:- aphoug" agyug lo: tho' mo phung" yoeb, boo bang: ri we' rue" pyam' boem bye.