TITU 3:13 - Lacid Common Language Bible

¹³ Tarha" Sara zena yo' Apolo gi nya: eig yug gyung: yo" so" loo" wa shid mo ci" we' aca" sho' nya: eig yug ri joeb, joeb, soin' nhang: kaid' we'.

TITU 3:13 교차 참조

MATHE 22:35

Nyangnu" da" phung: mo jhoem: dang: se' da" sara: dayug gi Yesu ri dang: nghui" da" khoin" myid: da nyang: ri myheing wa shid' re" lu: go" nyid. .

LUKA 10:25

Tarha" sara: dayug gi Yesu jang" moo re" lho: Sara: we"- ngoo gi apyaid ato: kangso' khasu" koid ri yoo" wa lha"» ga: Yesu ri phajhi" ca: yu noug yoomo re" myid.

LUKA 11:45

Tarha" sara: dayug gi Sara: moo" we' nang hid su" ga: kho" kyo" zigi ngoonu" ri keing" da" dang: danghoid ga: tid.

LUKA 11:52

Tarha" sara: yi nanu" gi joem: loo" goo" wa. Nanu" gi se' da" nyan: phajhi" yhoem: mo, khoem" soo" zo, ri yhoem" to" lho: wigi nanu" nyang: we' avang lho. Vang loo" noug mo, ri we' toem to" boem ago" ga: tid.

LUKA 14:3

Dougno: Bidnyid ri noo ge ze: gi wa la"» ga: Pharishe yo" Tarha" sara: yi ri myid?.

LUKA 7:30

Nghoidloug we' Pharishe yo" tarha" sara: yi gi nyang: nya: da" shid' re" Mangsoo byid: to" da" soin nyheing adi ato' ri phyo pyam mo nghoid yoomo Yohan jang" mo babtisma ri akham: yu boem nghoid ago".

ACTS 15:3

Phung byu yi gi nyangnu" ri yhe: de" kaid ago- nyangnu" gi Phonisha mung" yo' Samari mung" khyo" so" lid lo" zoore- tungbau byumyu" yi gi Mangso shoid khyoo: - khasu" phoug lheung: lo boem wa da" khyoo: ri hug: moo nyid mo, ri we' zhang: kyo" ago".

ACTS 18:24

Hau: ayo, moo Alexandru voobyu Apolo ga: su: Yuda byu dayug gi Ephesu voogung khyoo: ju" re. Nyang: gi dang: gye" se' tid su: yo' jhoem: mougsoug" ri gye" si' su: nghoid.

ACTS 19:1

Apolo gi Korinthu voogung moo nyid da" uri Polu gi hau: mung" agung khyo" so" lid: lo" wigi Ephesu voogung moo ju" lo". Hau: voo moo nyang: gi loem" jeing" mo, dayham" ri yhe: myang wigi

ACTS 21:5

Nghoid loug we' - nyangnu" yo' shau" theung: nyid da" ayo, bidnyid thang lang" ngoonu" gi houg: mo thu' lho: yhe: lo" boem bye. Ngoonu" dangain" mo, gi nyangnu" yhoem: seing: myhi' yi yo' zoo: shang: mi" dangain" we' voogoung tung: gung khyo" gyid yam, moo ju" sho' ngoonu" ri re" de" kaid' boem ago". Hau: khyi, moo ngoonu" dangain" mo, poid' thug thoug lho: akyu" coem mho' boem bye.

ACTS 28:10

Nyang: nu" gi ngoonu" ri jhung: shug joem myoo" sho' ja: byid: ago- ngoonu" doem, gu: loo" wa ein: soin' lo" ri ngoonu" gyung: khyoo: moo zoo: ca" da" - zookhoo: joem ri sangphoo' tho' moo re" cang kaid' byid: kaid' boem shi.

Roma 15:24

Akhid" nanu" jang" moo ju" re" wa ein: myid byu to. Ngoo spin: mung" khyoo: gyung: so" lo" da" uri - nanu" jhang khyo" vang jang: wa shid' re" myid soin: to. Nanu" jang" moo daso' re" theing: jang: lho: - Sping: mung" khyoo: gyung: xo' so" loo" wa shid' re" - ngoori pang" thoug kaid' nhang: nau.

1Korinthians 16:11

Hang" we' nyang: ri ayu" nge pyam goo" baja" nya: gyung: khyoo: moo: xo' loo: xo' yo" so" loo baja"- nanu" gi nyang: ri pang" thoug byid: kaid boem ca. Houg: su" Khristain mang: nhung" yi yo' dage" nga" jhang khyoo: yo" doem tau" ju" loo wa nghoid ein- ngoo nheig byu nyid zi nghoid.

1Korinthians 16:12

Akhid" gi mang: nhung" phoo, Apolu yo' sen: lho: wigi- tid shang ein: rigi- gootu: da" mang: nhung" yi yo' dage" nyang: nanu" jhang khyoo: re" lam" shau" koin' wa shid re" ngoo nyang: ri daso' so' jhoin" nyid nghoid loug we' akhid" da" ayo, moo: gi nyang: gi ri" wa shid re"- dajhi, we' myid' akhyang: shi" nghoid da. ge bue" da" ayo, moo: gi nyang: re" loo wa zi nghoid.