TITU 2:2 - Lacid Common Language Bible

² Apyaid gyi: bye: da" phoug" mang: yi ri yhid: ri nheig atei" loo: zed" lhid' nyid wa shid re" yug yoo sam" dab ri young" nyid wa shid re" nyang: nya: da" gung ri yo" vhoeb khang" nyid wa shid re" we' jo da" laloem, lakhoug: bo nyid a shid re" jheddab myid yo' kham zeung: da" nheigloem: bo jo, wa shid re" jhoug" byid: we'.

TITU 2:2 교차 참조

YOBA 12:12

Phoug" mang: yigi phajhi" bo da:. Nghoid loug we' Mangsoo gi phajhi" yo' yoem: so' bo da:. Phoug" mang: yigi jhab' jid" co' yo" se' myang. Mangsoo gi jhab' jid" co' yo" se' myang ziyo' koid bui" wa yoem: so' bo da:.

COUNG" NGHEI 92:14

Hau: seiggam' joem gi mang: lo" ayo, moo: lang" ashi" zei: nyid shi" wigi khanham we' nyau, young" lho: yeing" jo.

DANG: ZHOEM 16:31

Khyoo: gi deingmain" su: shid re" aphoug" jhungshug nghoid. Vhuloem phyu: da" khyoo: gi phung" yoeb bidmug nghoid nyid.

ESAIA 65:20

Zoonu" yigi nu" ngha' uri ashid: loo wa. Byu dangain" bang: gi nyangnu" da" kangso' byeung" sho' yo" nyid loo goo" wa. Dashoo: zain boo bang: ri apyaid ngi shi" ga: jho: loo goo" wa. Apyaid aju" shi" ri shid: zigi ngo wigi nyangnu" ri yooboo dam byid: da" asoo" nghoid loo wa.

XOIN" NGEI" 19:32

«Mang: zoo: yiri phau" myang: byid: ge'. Nyangnu" ri ngi: shab byid: ge'. Phoug" myang: ziyo' nga" dang: ri tam" gyoo: ge'. Ngoo gi Aseing nghoid.

MARKU 5:15

Nyang: nu" gi Yesu jang" moo ju" lang" yu phung myoo" sho' zhoug: da" byu gi byimi nyeung" za: void ci: lho: wigi nheg gyeing" gyeing: za: zhoung: jo, ziri yhe: myang boem yoomo nyangnu" gyoug nyid ago".

LUKA 8:35

Byu phung yi gi houg: su" bue" lo da" khyoo: ri yu" wa ga: zeing: re" lo boem ago". Yesu jang" moo ju" boem lang" gi yu joem phang: thu' loo" su: gi Yesu da" khyid: yang moo goo" nham yo' dakhyoo" ti"- byu gi doem bue" lho: zhoung: jo, ziri zheing: myang lang" yu" gyoug nyid boem.

ACTS 24:25

Nghoid loug we' - Polu gi ge, shoeb da" khyoo: ri nyang: nya: da" gung du: ri vhoeb, khang" da" khyoo: ju" loo wa da" tarha" dang: phyed' bidnyid da" khyoo: ri kho" kyo" nyid lang" gi Philid' gi gyo: gyoug lo wigi akhid" nang loo" re' - thang: phyang" agoo ngab lang" Nang ri doem khi: wa ga: tid.

Roma 12:3

Nanu' gi nyang: nyang: te: nghoid da tho' mo jain" lho: nghoid aboin: goo" wa shid' re" - ngoori Mangsoo: byid da" Venyi jhe" ju" jhung: shug ri yu" lho: - nanu" dangain" mo jhang khyoo: ngoo tid pyeing: kyo" kaid'. - Nanu" yug khang" moo" gi nyang: nya: gung doem: ri phung yau shang apyang: wa khyo" myid yu" nyid boem ge'.

1Korinthians 15:34

Nheig boo ung: gyeung: da" khyoo: moo- doem boin: gyeung: loo loo: ge'. Nanu" koid nyid da" yooboo khyoo: ri she: pyam khoo, loo: ge'. Nanu" mo byu dayham" bang: gi Mangsoo ri asi' nghoid ago". Ngoo hidsu" ein: tid da" khyoo: gi nanu" ri sho' thu' nhang: wa shid re" nghoid.

1Korinthians 9:25

shi, go" da" pui" vang wa shid re" shi, goo wa soin nyid da" gei shi, sarhi' yi yug khang" moo" gi thain: da" tarha" ri cang byeung" nyid ago". He: byu yi houg: su" koid da" khyoo: gi byo, yoin" loo" se' da" bain: khuang: yo" yu wa shid re nghoid. Nyhang" koem gi pyaid moo: too: moo: byo, yoin" loo" ase' da"- bidmug yo" yu wa shid re" gei shi, go" nyid zi nghoid.

2~KORINTHU 5:13

Ngoonu" gi gyeung" nyang: agyeung: loo: mo, nghoid boem bye: la". agyeung: loo: nghoid rigi Mangso shid re" agyeung: zi nghoid. Hougsu" anghoid lang" gi ngoonu" gyeung: nyid boem la". gyeung: nyid nghoid rigi nanu" shid re" gyeung: nyid zi nghoid.

GALATI 5:23

Khyo, nyhoem: ziyo' nyang: nya: da" nheigloem: ri yo" khang" khyoo: nghoid - he: khyoo: ri yo" toem, too" wa zigi ce" tarha" moo we' aboo.

PHILIPI 4:8

Mang nhung" yi we"- ce: da" ge, lho, deingmain" khyoo: young" du khyoo: deing byeung" khyoo: gyeungshang: khyoo: vho: ngei khyoo: coung" ngei byid: ge" da" khyoo:- ngi lho, khyoo: yo' coung" nghei moin: da" khyoo: joem ri damyid' yu" nyid ge'.

1THESALONI 5:6

Houg: su" nghoid yoomo ngoonu" gi byu gooji yi yhang: ti" ayhoeb, myhed jo, boem loo: za: gyeung: boin: zoore"- gyeing gyeing: koid lho: lhed' zed" nyid boem shang.

1THESALONI 5:8

Nghoid loug we' nyhang" nu" gi bidbang mo nya: zoo: nya: myid: yi nghoid nyid boem yoomo-boin: gyeung: ziyo' zed" lhed' nyid boem ca"- Ngoonu" gi loem" jeung" khyoo: yo' jheddab ein: da" yang gang nghoeb ri nghoeb, ci: lho: wigi ngoonu" da" khyoid yu khyoo: ri nheig byu nyid ein: da" joto' mug ri zhoung" ci: shang.

1 TIMOTHI 1:10

Nheugloem: avoid agi bang:- myi: yi nyang: cang"- yuggi nyang: cang"- youg: shoo: goo" bang:- byu myheug yhoem" to" lho: ngei yo' doem khyoid yu nhang: bang:- mhau' lho: adeung amain" da" sagsi: kham, bang:- ce: ja" khyoo: moo we' hau: loem" jeung" da" khyoo: yo' azhung" goo' mo, shid re" koid to" da" tarha" nghoid nyid.

1 TIMOTHI 1:14

Yha" Aseing: gi nya: da" athang agoin da" jeju" ri nga" tho' moo foid, gyoin: byid: wigi Khristu yo' dadeing: daloem: za: bue" lo" lho: kangso' shau" dei nyid yoomo ngoonu" yo" yu eung: da" loem" jeung" khyoo: yo' jheddab nheigloem: ngoori byid: too" bye.

1 TIMOTHI 1:2

Hau: da" loem" jeung" khyoo: moo nga" da" zoogyeing" nyang: nghoid da" Timothi jhang khyoo: mougsoug" lhid" foin: kaid. Phoo Mangsoo yo' ngoonu" da" aseing: Yesu Khristu jang" mo jeju" yo' nheig khyeug nheigloem: mo, ngei pyo: khyoo: gi man' shau" kham: yu baja" o".

1 TIMOTHI 1:5

Hidsu" pyeung: to" da" myid soin', khyoo: gi gyeungshang: nheigloem: khoug: mo thu' lo da" phug soo" lheig se' myid yu" da" e" myed, yo' akug ase' void loem" jeung" khyoo: mo thu' lo da" jheddab da" nheigloem: ri nhau" to' kaid' wa shid re" nghoid nyid.

1 TIMOTHI 3:11

Nyang: nu" da" myi: yi we' akyang" gi mo, nghoid ca" juang" yi gei sang: mo, a gi nyangnu" gi yhid: ayed ziyo' khyoo: khaid khang" moo" moo ding main" loem gi mo, nghoid ca".

1 TIMOTHI 3:2

Phung moo vhu" jhung: koid su: dayug gi yooboo adab su- myi: dayug za: yoo' su- se' zed" lhid' nyid su- nyang: nya: da" gung du: ri yo" khang" su- akhyoo" joo joo kang: so' se' dei nyid su- nya: yhoem: moo tungbau being" voo ri doo' zhoo" doo" jhug noug su- se' jhoug" se' mhoo, byid: su: nghoid ca.

1 TIMOTHI 3:4

Nyang: nya: da" yhoem: ikoin deungkhu: ri nyeing" zoo: yo" shu" vhoeb khang" ziyo' nya: zooyi wigi phau" myang: ziri shau" kham: yu sho' yo" se' koid su: nghoid ca.

1 TIMOTHI 3:8

Phung: tau, we' nheugloem: deing byeung" lho: asam" avoid, gi mo, nghoid ca. Yhid: ashug bang:- ngei ri myo, no, vhoo: abo ziyo'

1 TIMOTHI 5:1

Apyaid' gyi: bye: da" ludaid' phoo ri agyikoid' re" phoo ri yhang: ti": khyo, nyhoem: ji sang" nyid we' apyaid' ngi shi" da" zoolu: yi ri gi re mang: re" nhoung" ri yhang: ti"- zoem" khau: nyid we'.

TITU 1:8

Nyang: gi being" doo" noug su:- ge da" khyoo: ri se' jheddab su:- nya: gung ri se' vhoeb khang" su:- akhyoo" cang lho: deing byeung" su:- gyeungshang: su: tarha" ri cang su: nghoid ca".

TITU 2:7

Khyoo: khaid gu: khang" moo" zei: so' lo" da" jang" moo nyang: gung nyang: yu" yu ge, da" khyoo shid: bue" nyid we' Dain: da" nheigloem: yo' abui" atho'- thain" thain: yhoug: gyen: khyo" jhau" poin" khoo" kyeung" nyid we'.

PHILIMON 1:9

Ngoo giKhristu Yesu da" lagyoo: lamang: nghoid nyid ziyo' akhid" uri nyang: yoomo thung: lung" su: Polu nghoid nyid nghoid loug we' ngoo gi nang ri jheddab yoomo mho' tungpain: kaid.

1PETERU 1:13

Hougsu" nghoid yoomo nanu" da" nheigloem: moo moo" zei: wa shid re" jen" jen" koid lho: akhyoo" cang nyid ge,- Aseing Yesu doem gyoo" lo da' uri nanu" kham: yu wa da" jeju" jhung: shug yo" yu wa shid re" khanham we' nheig byu nyid ge'.

1PETERU 4:7

Ziyoo jo, moo jo, thang loo" wa ayo, ju" bye: yoomo nanu" gi akyu" mho' wa shid re" nyang: nya: da" nheigloem: ri zed" lhed' lho: nheig boo ung: gyeung" nyid loo: ge'.

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.

2PETRU 1:6

Se, jang" moo nyang nya: da" gungdu: ri yo" khang" zi nyang: nya: da" gungdu: ri yo" khang" tho' moo kham' zeung: zi kham' zeung: khyoo: moo tarha" ri phau" cang zi.