TITU 2:12 - Lacid Common Language Bible

^12-13 Ngoonu" gi ngoonu" nya: da- gyi: myhang: da" Mangsoo ein: da" khyoid yu Aseing Yesu Khristu da" myonhoo: phung yoeb, doug bang thu loo wa ngi lho, da" bidnyid ri dalang" nyid Tarha" ri aphau" cang nau da" nheigloem: yo" mougmyid ri vhoo: boo: myo, no, da" nheugloem: ri she: pyam' wa shid re" we' sam" dab, ri young" ziyo' phyoo: phyoo: nghoid nyid wa khyoo:- deingmain" wigi tarha" phau" cang da" kangso' dei khyoo: yo' he: da" mougmyid tho' moo shau" nyid wa shid re" we: hau: jeju" tarha" gi ngoonu" ri jhoug" byid: nyid.

TITU 2:12 교차 참조

COUNG" NGHEI 105:45

Hougsu" koid da" khyoo: gi nya: da" byumyu" yiri nya: da" tarha" gyoo: lho: nya: da" amyeing" tarha" dangain" ziri yo" cang pyeung goo" wa shid re" nghoid. Aseing ri coung" nghei nyid ge' o".

COUNG" NGHEI 4:3

Aseing gi deungmain" da" byu yiri nya: shid re" khyen: to" ziri myid boin: ge'. Nyang: ri yoid mho' da" bidnyid ri nyang: gi ngoo ri tam" gyoo: byid: nyid.

EZEKIEL 36:27

Ngoo gi nanu" akhoug: moo nga" da" Venyi: ri kaid byid: wigi nanu" ri ngoo byid: too" bye: da" tarha" joem ri cang wigi amyeing" dang: ri zoem: ci: boem ziri myang wa zi nghoid.

MATHE 12:32

Hang" nghoid loug we' Byu da" nya: zoo: ri nhoid yo" tid shoid da" yooboo gi yo" khyoid pyam byid:. Nghoidloug we' gyeungshang: da" Venyi: ri nhoid tid shoid da" yooboo rigi he: pyaid ri we' thang: phyang" pyaid ri we' yo" khyoid pyam byid: zi anghoid.

MATHE 16:24

Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid.

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

LUKA 1:6

Nya: eig yug goin" - Mangso da" shid' khoin" moo deing: byeung" su: eig yug nghoid. Mangso da" mungdang: bain sho' yo"- Mangsoo pyeing: to" da" dang: dakhoin" we' ashoid loo: cang byeung" su: tang: nghoid.

LUKA 1:75

Houg: su" nghoid yoomo ngoonu" dangain mo, gi nya: shid' khoin" moo gyeungshang: deungmain" nyid ca".

YOHAN 14:30

Mougmyid da" zoug: phoo gi jure" nyid bye. Houg: yoomo ngoo gi nanu" yo" dang:- myang" sho' shau" tid go" nyid wa da" ayo, ajo, loo. Hau: mougmyid zoug: phoo gi nga" tho' moo ce" amyeing" ajo.

YOHAN 6:25

Gyid thoem" thei: tab' moo Aseing Yesu ri myang boem lang" gi Byu phung: moo" yi gi Sara: moo" we"- nang gi hid: tab' moo khanham jure" lha"» ga: myid: boem.

ACTS 24:16

Hougsu" nghoid yoomo ngoo gi Mangso shid' khoin" moo we' - byu yi da" shid khoin" moo we' nheigloem: gyeing: gyeing: za: nghoid wa shid re" khanham we' ge bue" yhi' mo yoem: kaid' nyid su nghoid.

ACTS 24:25

Nghoid loug we' - Polu gi ge, shoeb da" khyoo: ri nyang: nya: da" gung du: ri vhoeb, khang" da" khyoo: ju" loo wa da" tarha" dang: phyed' bidnyid da" khyoo: ri kho" kyo" nyid lang" gi Philid' gi gyo: gyoug lo wigi akhid" nang loo" re' - thang: phyang" agoo ngab lang" Nang ri doem khi: wa ga: tid.

Roma 12:2

Nanu" gi mougmyid asam" aved ri acang nyid goo" nanu" gi Mangsoo: ri nyang: tu: nya: da" nheigloem: xoug" bain' sho' thed' pyam' lho: nheigloem: ung: khoug: aseig khyo" kham: yu ge". - Hougsu" koid' lang" gi geda" khyoo: - Mangsoo: vho: da" khyoo: ce: yooboo foin: jang: ajo lo: da" khyoo: ga: da" Mangsoo: vho: da khyoo: gi ci nghoid ga: ziri nanu" yo" se' lo boem wa.

Roma 6:12

Houg: yoomo nanu" gi nanu" nya: da" gung sho" nheigloem: ri acang loo" wa shid' re" yooboo yougnoo gi shid" loo" se' da" nanu" gungdu: ri thang: phang" khanham we' vhoeb khang" loo: wa anghoid.

Roma 6:19

(Nanu" gi gungsho" nheigloem: khyo" ase' gyoo: yoomo lei da" dang: khyo" tid nyid). Goonham' gi age akhyeing da khyoo: aja: ja: ri zei: wa shid' re" - nanu" nya: da" gungdoem: ri - anyhoin: athoung" aco' ajhoid' khoug: moo join khyo" bain sho' ab pyam' boem bye. Houg: yo' dakhyoo" ti" - akhid" nanu" gi - gyeungshang: ge thang da" moo" ri zei: wa shid' re" nyang: tu: nya: da" gung doem ri - deingbyeing" da" khoug: moo join gyeing" khyo" nanu" gung ri ab pyam' ge'.

Roma 8:13

Gyeing" nyang: nanu" gi nyang: nya: gungshoo" vho: da" khyo" za cang lho: kangso' dei nyid rigi shid: lo" boem wa. Nghoidloug: we' nanu" gi nyang: nya: da" akhyeing" ashoeb' da" asam" aveid ri Venyi wigi bo pang" thoug khyo" bain' sho' she: pyam' boem nghoid rigi dei da" kangso' yo" boem wa.

2~KORINTHU 1:12

Ngoonu" da" nheigloem: khoug: moo gyeung" nyang: phau: khuang wa khyoo: dakhaid bo. Hau: zigi he: da" moug: myid tho moo ngoonu" da" kangso' dei nyid khyoo:- je" wigi nanu" yo' tei" xo' zoem" khau: da" khyoo: moo byu da" se' yeug khyoo: moo anghe: khoug: loo: za: Mangso da" jeju" yoem: vhoo" khyo" ngoonu" gi Mangsoo byid: da" deungmain" gyeungshang: da" nheigloem: gye" myed wigi vhoeb khang" khyo" moo" zei: lo" khyoo: nghoid.

2~KORINTHU 7:1

Jheddab da" bidnoem yi we"- he: da" dang: soo" khoin" yi dangain" gi nyhang" ri byid: to" zi nghoid. Hougsu" nghoid yoomo nyhang" gi gung shoo" yo' Venyi ri anhyoin: athung" byui" nhang: da" aco' ajhoid khyoo: dangain" mo nyang: tu: nya: gungdu: ced" yung" ced" lhoo, nhang: lho: wigi Mangsoo ri gyoug phau" myang: zoo re" gyeungshang: thang khyo" kangso' dei nyid shang.

GALATI 1:4

He: da" pyaid mo akhyeing" ashoeb khyoo: mo ngoonu" ri yo" khyoid yu baja"- ngoonu" da" Phoo Mangsoo myid vho: ziyo' dakhyoo" tam" gyo: zoore"- ngoonu" da" youg: noo yoobo shid mo Khristu gi nya: gung du: nyan: ab, byid: pyam' bye.

GALATI 5:24

Khristu Yesu yo' sen: bang: koem gi nyang: tu: nya: gung sho" nheigloem: yo' aco' ajhoid khyoo: ri vhoo: boo myo, no, khyoo: yo' dage" pyang" zeing moo bo baid' jen" too" bye.

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

Ephesu 2:2

Hau: da" ayo, moo nanu" gi mougmyid da" akhyeing" ashoeb khyoo: moo za: cang lo" boem wigi akhui" Mangsoo ri aphoug" akhyoid koid nyid da" byu yi ri vhoeb khang" nyid da" venyi gi moug: laid moug di ri vhoeb khang" lho: yoem: so' bo da" venyi joem jhang khyoo: nanu" cang lo" boem abye: go".

KOLOSE 1:22

Nghoid loug we' akhid" Mangsoo gi nya: zo: da" xangsu: gung shoo" shid: lo" khyo" wigi nanu" ri nya: bidnoem, yi doem, koid pyam bye- Hougsu" koid da" khyoo: gi nanu" gi gyeungshang: lho: aco' ajhoid zi adab wa ziyo' yooboo aboo loo: za: nya: shid khoin" moo nanu" ri yo" fang yu wa shid re" nghoid nyid.

1THESALONI 4:7

Mangsoo gi nyangnu" ri agyeing" ashang: da" -kangso' dei khyoo: moo kangso' dei nyid wa shid re" khe: yu to" zi anghoid- gyeungshang: da" kangso' dei khyoo: moo lhid wa shid re" dakhe: yu to.

1THESALONI 4:9

Nanu" da" loem" jeung" mang nhung" phoo ri jheddab wa da" khyoo: yo' sen: lho: wigi ngoo nanu" jhang khyoo: lhid" kaid' anoo" loo- nyang: cang" nyang: jheddab go" nyid wa shid re" Mangso wigi jhau" mhoo, byid: nyid ziri nanu' shau" kham: yu boem bye.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

1 TIMOTHI 6:9

Nghoid loug we' yoo" noug di noug mo, gi mhoid" jhu, phyo' da" zi shau" boem ziyo' akoo" afang: koid boem ziyo' shid: gyoin, noogyoin, ze" bui" nhang: da" vhoo: boo myo, no, da" khyo: myoo" sho' ja: mo joem: duang: khuang" moo gyoo" loo" se' boem ago". Hau: zigi nyangnu" ri byo, yoin" soem" lo" joem: duang: khyoo: she: vang lo" boem abye: go.

2 TIMOTHI 3:12

Gyeing" nyang: Khristu moo kangso' dei lho: tarha" ri phau" cang khyoo: moo kangso' dei nyid noug mo, hang" nghoid loug we' shen" yhen kyi" khyeug da" jam, jau ri shau" boem wa zi nghoid.

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

HEBRE 8:11

Nyangnu" mo hang" nghoid loug we' nyang: nya: da" moug: seing: byu yi nghoid loug we' nyang: nya: da" seing" tain" byumyu" nyang: cang" nghoid loug we' Mangsoo ri se' lo boem sho' jhau" mhoo, byid: ca" loo: wa zi anghoid. Khasu" wim gari nge thang jang" mo zi gyi: thang jang" moo ju" sho' nyangnu" dangain" mo, gi ngoori se' lo boem bye.

YAKU 1:27

Phoo Mangso: da" shid khoin" moo gyeungshang: ziyo' gyeung" da" laloem, lakhoug: ein: zigi jam jau jam, khi" shau" nyid da" coug" zoo: yi yo' cougmoo" myhi, ri yu" coung: da" khyoo:- nyang: nya: da" gung du: ri we' moug: myed, da" anyhoin: athoung" da" khyoo:- abo dab, nhang: da" khyoo: nhgoid nyid.

2PETRU 2:9

Hougsu" nghoid yoomo Mangsoo gi-tarha" phau" cang nyid bang: ri-nyangnu" thoung" shau" nyid da" jham" cau" da" akoug: mo wigi-khakhyo" khyoid yu wa ziyo'-akhyeung" ashoeb bang: ri tarha" dang: phyed' da" bidnyid ju" sho' khakhyo" wigi shen" yhen wa khyoo: ri we' nyang: se' nyid.

2PETRU 3:11

Zi yoo jo, mo: jo, hid: khyo" wigi phyo' shoin' pyam zi dashug" wa nghoid rigi nanu" gi khayhang: te" da" byu yi bui" ca" nyid boem lha". nanu" da" kangso' dei da" khyoo: gi gyeungshang: wigi Mangsoo moo xoin" to' pyam' da" kangso' dei khyoo: nghoid ca" nyid boem bye.

1YOHAN 2:27

Nghoid loug we' nanu" koem gi Khristu da" Venyi ri nanu" da" atho' moo foid shoin" byid: ziri shau" kham: yu boem bye: yoomo nanu" moo hau" Venyi danyid nyid gi hang" we' nanu" ri jhoug" byid: mhoo, byid: aca" loo. Khasu" wim gari nya: da" Venyi gi nanu" ri khyoo: khaid khang" moo" moo jhau" mhoo, byid: nyid bye: yoomo nyang: jhoug" byid: da" khyoo: gi deingmain" da" khyoo: nghoid bye- mhau' fain" vo khyoo: gi ci" we' aboo loo:- houg: su" nghoid yoomo nanu" gi hau: Venyi wigi jhoug" byid: bye: ziyo' dakhyoo" ti"- tam" gyo: cang lo" lho: Khirstu yo' dadeing: daloem: za: bue" nyid ge'.

1YOHAN 2:6

Khristu zei: so' kangso' dei lo yhang: ti"- zei: so' kang: so' dei su: za: Mangsoo yo' dadeing: daloem: za: bue" wigi kangso' dei nyid su: nghoid ein: dayo" tid.

1YOHAN 5:19

Moug: myid gyab, goin" gi hau: akhyeing" su: vhoeb khang" nyid da" akhoug: moo bo jo,- Nghoid loug we' ngoonu" gi Mangsoo yo' sen: mo, nghoid ziri ngoonu" nyang: se' nyid boem.

YUDA 1:18

Khasu" wim ga: ri lo" thang da" bidnyid moo nanu" ri juang" yi lho: wigi nyang: nya: vhoo: boo: myo, no, da" nheigloem: axoug" ri cang mo gyeungshang: da" Venyi ri ayo" yu mo

Pang Shug 14:12

He: khyoo: gi Mangso da" amyeing" dang: ri cang lho: Aseing: ri loem" jeing" bang: shid re" kham, zeung: yoem: kaid' wa khyoo: ri bue" loo nhang: nyid.