TITU 1:8 - Lacid Common Language Bible

⁸ Nyang: gi being" doo" noug su:- ge da" khyoo: ri se' jheddab su:- nya: gung ri se' vhoeb khang" su:- akhyoo" cang lho: deing byeung" su:- gyeungshang: su: tarha" ri cang su: nghoid ca".

TITU 1:8 교차 참조

1 KHOKHAM 5:1

Turu moug: mo khokham Hiram gi khanham we' David da" byencang" nghoid nyid ziyo' Sholumon gi nya: phoo David da" khokham zhungtang ri thid zhung: bye: ga: ziri shoug" gyoo lang" Hiram gi nya: lagyoo: yiri Sholumon jang khyoo: nhang: kaid bye:.

1 KHOKHAM 5:7

Hiram gi Sholumon da" pyeing: dang: ri shoug" yu lang" atho' tid loo sho' nheugshid: nheugdeug ziyo' nyang: «Gyi: sheing: mungdain: da" khokham khyo" wigi David khokham zhungtang ri thid wa shid re" phajhi" bo da" yuggi zoo: David ri byid: da" Aseing ri akhid" nyid" coung" nghei o"» ga: tid.

COUNG" NGHEI 16:3

Aseing da" nheigloem: zung" byu yigi khayhi' ge thang lha". Ngoo vho: ngei thang da" zigi houg: bang: yo' dage" bo shoug" nyid wa shid re" nghoid.

AMO 5:15

Akhyeing" ashoeb da" khyoo: ri ngheung" lho: ge da" khyoo: ri jheddab nyid we'. Hau: lho: tarha" yung" moo we' tarha" deingmain" khyo" bui" nhang: we'. Aseing gi he: byumyu" mo ashid: loo: nyid deing gyoo" mo, ri nheig to khyeug shi" abe.

LUKA 2:25

Hau: uri Yerusalem voo moo Simun ga: da: byu dayug nyid. Hau: yug gi Mangso da" tarha" ri cang- loem" jeing" da" deung main" su: dayug nghoid.

ACTS 24:25

Nghoid loug we' - Polu gi ge, shoeb da" khyoo: ri nyang: nya: da" gung du: ri vhoeb, khang" da" khyoo: ju" loo wa da" tarha" dang: phyed' bidnyid da" khyoo: ri kho" kyo" nyid lang" gi Philid' gi gyo: gyoug lo wigi akhid" nang loo" re' - thang: phyang" agoo ngab lang" Nang ri doem khi: wa ga: tid.

1THESALONI 2:10

Loem" jeung" nyid mo, nanu" da" shid khoin" moo ngoonu" da" aved asam" joem gi gyeungshang: wigi deingmain" ziyo' ce" yooboo we' abo zigi nanu" shid' re" nanu" nyang: sagsi: nghoid boem bye- houg: yo' dakhyoo" ti" Mangsoo we' sagsi: nghoid nyid bye.

1 TIMOTHI 3:2

Phung moo vhu" jhung: koid su: dayug gi yooboo adab su- myi: dayug za: yoo' su- se' zed" lhid' nyid su- nyang: nya: da" gung du: ri yo" khang" su- akhyoo" joo joo kang: so' se' dei nyid su- nya: yhoem: moo tungbau being" voo ri doo' zhoo" doo" jhug noug su- se' jhoug" se' mhoo, byid: su: nghoid ca.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

1 TIMOTHI 6:11

Nang koem gi Mangso da" byu phoo we"- he: khyoo: dangain" ziri yoem: kaid' nyid we'. Deing byeung" khyoo:- tarha" phau" cang khyoo:- loem" jeung" khyoo: jheddab khyoo: moo yoem: kaid' lho: thoug shang" ziyo' nu" nham, da" nheigloem: yo" yu sho' yoem: kaid' nyid we'.

2 TIMOTHI 2:22

Zoolu: ayo, mo nheigloem: aco' ajhoid khyoo: ri jang" pyam' lho: Mangsoo ri gyeungshang: da" nheigloem: yo' pang" thoug wa ga: mho' nyid mo, yo' dage" deing byeung" khyoo:- jheddab da" khyoo:- ngei pyo: myen, jham" khyoo: joem ri yoem kaid' cang sho: nyid we'.

2 TIMOTHI 3:3

Nyang: nu" gi nheig ase' khyeig bang:- jheddab da" nheigloem: abo boem ziyo' nheig ashid: mo, akhyeing" ashoeb moo" zei: nyid mo, sube" myonhoo: ri lhu: pyang: byid: wa shid re" gei sang; shang pyang: yen" mo, subi" yo' sham: ashoin" wa da" khyoo: acang loo: za: lhoid zoo: lhoid shug cang nyhen " zhoung: yen" mo, athoug" akhyoug: koid yen" mo, ju" lo boem wa. Hau: tho' moo gootu: nyangnu" gi ge, khyoo: ce" ja: ri nghoid loug we' avhoo: angei mo, nghoid boem wa.

TITU 2:7

Khyoo: khaid gu: khang" moo" zei: so' lo" da" jang" moo nyang: gung nyang: yu" yu ge, da" khyoo shid: bue" nyid we' Dain: da" nheigloem: yo' abui" atho'- thain" thain: yhoug: gyen: khyo" jhau" poin" khoo" kyeung" nyid we'.

1YOHAN 3:14

Ngoonu" gi mang nhung" yi ri jheddab nyid bye yoomo ngoonu" gi shid: jo, jang" mo dei nyid shoid khyoo: yo" rhue, lid loo" bye: ziri ngoonu" se' boem bye nya: mang nya: nhung" ri ase' jheddab su: gi hau: shid: lo" da" yoem: so' khoug: moo danyid nyid shi" su nghoid.

1YOHAN 5:1

Yesu gi Meshia nghoid ga: loem" jeung" byu hang" nghoid loug we' Mangso nya: zoo: yi nghoid wigi hau: nya: phoo ri jheddab mo, hang" Nghoid loug we' nya: zoo: ri we' jheddab nyid bye.

1 SAMUELA 18:1

Sholu yo' David dang: bain doem go" thang: ri Sholu da" nya: zoo: Yonathan gi David ri gye" nheig dab wigi nya: gung yo' dayhang: ti" re" jheddab yu bye:.