TITU 1:4 - Lacid Common Language Bible

⁴ Loem" jeung" khug: moo nga" zoo: gyeing" nyang: nghoid nyid da" Titu jhang khyoo: ngoo he: mougsoug" ri lhid" foin: kaid. Phoo, Mangsoo yo' ngoonu" da" khyoid yu Aseing Yesu Khristu gi nang ri jeju" yo' ngei pyo: khyoo: byid: nyid baja o".

TITU 1:4 교차 참조

LUKA 2:11

David da" voogung moo Aseing: Khristu ga: da" khyoid yu Aseing: gi Nanu" shid' re akhid" nyid" khu: loo bye.

YOHAN 4:42

Houg: bang: gi Samari myiyi: myhi, ri ‹‹Akhid" ngoonu" gi Aseing: ri loem" jeing" lo boem zigi re" dang: yoomo za: anghoid- Aseing: da" mungdang: ri ngoonu" nyang: shaug" gyoo: boem yoomo danghoid. He: da" Aseing: gi mougmyid da" khyoid yu su:- gyeing" gyeing"- nyang: nghoid da" khyoo: ri ngoonu" si' bye: ga: tid boem.

Roma 1:12

Ngoo tid nau zigi - nanu" da" leom jeung" nheigloem: yo' ngoonu" da" loem jeung" zi yo" gootu: byu yi ri pang" wa shid' re" ngoo nanu" ri vho: nyid. Nanu" da" nheigloem: gi ngoori pang" thoug wa - nga" da" loem jeung" nheigloem: we' nanu" ri pang" thoug wa.

Roma 1:7

Mangsoo: gi jheddab yoomo nya: byu yi bue" loo wa shid' re" khyen yu to" da" - Roma mo phung: byu dangain" mo jhang khyoo: he: mougsoug" ri lhid" foin: kaid'. Ngoonu" da" nya phoo Mangsoo: yo" - Aseing Yesu Khristu jang" mo je" ju" yo' myenjham" khyoo: ri - nanu" yo" yu boem baja" o".

2~KORINTHU 12:18

Ngoo gi Titu ri nanu" jhang khyoo: ri" wa shid re" mho' lho: wigi da nhang" kaid. Gootu: mang: nhung" Khristan dayug we' nyang: yo' bo cang re" Titu gi nanu" tho' moo amyeung" ci: lho: jhoid shoem" zo: yu" la". nyang: yo' ngoo gi myid soin: Khyoo: daloem: za: shoin" wigi khyoo: daja: moo za: so" zi anghoid la".

2~KORINTHU 2:13

Nghoid loug we' ngoonu" da" mang nhung" phoo - Titu yo' ngoo ashug" goo" yoomo ngoo atho' tid loo: sho' myid myoo ung: loug nyid. Houg: yoomo Houg: mo da" byu yi ri vho" too" kho' lho-Makedoni mung" khyoo: yhe" loo" bye.

2~KORINTHU 4:13

Jhoem: mungdang: moo Ngoo loem" jeung" yoomo ngoo kho" kyo" ga: wigi tid nyid ziyo' dakhyoo" ti"- ngoonu" we' loem:" jeung" yoomo kho" kyo" zi nghoid.

2~KORINTHU 7:6

Nghoid loug we' nheig koug nheig nge nyid bang: ri_ pang" thoug yoem: byid: nyid da" Mangsoo gi ngoonu: jang" moo ju" re" da" Titu khyo' wigi ngoonu" ri nheung loem: yoem: doem bo loo nhang.

2~KORINTHU 8:16

Nanu" ri pang" thoug byid: wa shid re" ngoonu" moo nheigloem: to' vho: ngei nyid ziyo' dakhyoo" ti"- Titu ri we' boo nhang: da" Mangso jeju" ri khayhi' coung" nghei, joyoo nghoid lha".

2~KORINTHU 8:23

Titu yo' sen: lho: tid shang ein: rigi nyang: gi nga" da" bo pang thug su: nghoid wigi nanu" ri pang" thoug wa shid re" ngoo yo' dage moo" shoin" zei: su: nghoid nyid. Nyang: yo" dage" bo cang" re" da" gootu: mang: nhung" eig yug gi phung: yi da" lagyoo: yi nghoid wigi-Khristu da" myonhoo: phgung yoeb ri thoin" pang su: eig yug we' nghoid.

2~KORINTHU 8:6

Hougsu" nghoid yoomo xang: shed" mo yoovoin, yu zei: so' nyid bye- Titu ri he: alu yo' sen: lho: nanu" da" goozu: zen' to' nung" byid: da: moo" bain sho' nanu" ri pang" thoug nyid baja" ngoonu" gi nyang: ri joug jhoin" nyid.

GALATI 2:3

Nga" byen cang" phoo Titu gi Heleni byumyu" nghoid- nghoid loug we' nyang: ri ayoid ayu" - athang: yham" wa shid re" aphoug akhyoid' akoid nhang: boem.

GALATI 3:26

.Khasu" wim gari Khristu Yesu khoug: moo loem" jeung nyid boem bye: yoomo nanu" dangain" bang: gi Mangso da" nya: myid: nya: zoo: yi nghoid boem bye.

GALATI 3:28

Hougsu" nghoid yoomo Yuda byumyu" yi yo' Grid byumyu" ein: zi aboo- join, yo' loid byoin mo, ga: zi we' aboo- myiyi: yo' yug gi ein: zi we' aboo- nanu" dangain" bang: gi Khristu moo dayug za: danghoid nyid boem lo.

Ephesu 1:2

Ngoonu" da" nya: phoo Mangsoo yo' Aseing Yesu Khristu gi nanu" ri jeju" yo' ngei pyo: khyoo: gi dabyid: nyid baja" o".

KOLOSE 1:2

Kolose voogung mo Mangso da" byu yi nghoid da" Khristu moo deung: shoin" nyid ngoonu" da" loem" jeung" loem, khau: nyid mang nhung" yi jhang khyoo: dang: pyeung: kaid- ngoonu" da" nya: phoo Mangso jang" mo jeju" yo' ngei pyo: khyoo: gi nanu" moo dajo, jo, baja" o".

1 TIMOTHI 1:12

Ngoo zei: voin, vu, nyid da" moo" zo" shid mo ngoori yoem: so' lung: byid: nyid da" yha" da" Aseing Yesu Khristu ri jeju" boin: coung" ngei nyid. Nyang: gi ngoori moin: yi" su: nghoid ga: soin: yu wigi nyang: ri noku coung" ngei wa khyen: nyheung to" zi shau" yoomo we' nya: jeju" ri boin: coung" nghei nyid.

2 TIMOTHI 1:1

Mangsoo nyang: myid' vho: ziyo' dakhyoo" ti"- Khristu Yesu da" lagyoo: bue" lho: Khristu Yesu yo' dadeing: daleom: za: bue" nyid yoomo ngoonu" yo" yu wa da" dang: soo" khoin" yo' sen: lho: kangso' khyoo: tid fu" kyoo" wa shid re" nhang: kaid' zi shau" su: ngoo Polu gi

2 TIMOTHI 1:2

Ngoo jheddab da" nga" zoo: Timothi ri dang: pyeung: kaid. Yha" phoo Mangsoo yo' yha" da" Aseing Yesu Khristu gi nang ri nheig khyeug jeju" ngei pyo: khyoo: dabyid: nyid baja" o".

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

TITU 1:3

Ayo, bidnyid khyag byid: da" hau: apyaid ato: kangso' ri nya: mungdang moo pang shug to. Hau: mungdang: gi ngoori ab byid: bye: yoomo yha" da" khyoid yu Aseing: pyeung: to" Mangsoo mungdang: yo' dakhyoo" ti"- hau khyoo: ri ngoo kho" kyo" nyid.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

2PETRU 1:11

Khyoo: he: khaid khyo" cang lo" boem nghoid rigi ngoonu" da" Aseing: yo' khyoid khyi: yu su:- Yesu Khristu da" athang agoin da" mungdain: khyoo:- yo" vang loo" wa da" akhang"- nanu" ri joeb joeb byeung" byeung" byid: wa zi nghoid.

2PETRU 2:20

Byu yi gi ngoonu" da" khyoid yu Aseing Yesu Khristu ri se' wigi moug: myed mo aco' ajhoid da" yoem: vhoo" khoug: mo loid lo" thang: ri hau: aco' ajhoid khyo: wigi doem oung: pyam zi shau" nghoid rigi Houg: bang: da thang: mo bue" lo akhyoo" gi-xang: she" tho' moo je" yau: loo" wa bye.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

2PETRU 3:2

Gyeungshang: da" lapi: yi shid phyang" tid kyo" to" dang: ri we'-nanu" lagyoo: yi da" lo, khyo" wigi khyoid yu da" Aseing: tid to" amyeung" dang: joem ri we' ngoo nanu" ri doem myed boin: nhang: nau nyid.

1YOHAN 5:14

Mangsoo gi nyang: myid vho: ziyo' dakhyoo" ti"- ngoonu" mho' da" khyoo: ce: ja: ri we' tam" gyoo: byid: khyoo:- khyag nyang: loem" jeung" boem bye: yoomo ngoonu" gi nya: shid khoin" khyoo: asho' agyug loo: za: yo" vang yhe: lo" boem bye.

YUDA 1:3

Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.