TITU 1:2 - Lacid Common Language Bible

² Hau: loem khau: khyoo: gi apyaid ato: kangso ri myid byu da" khyoo: moo ayang: qei" to" zi nghoid. Ase mhoug ase fain" da" mangsoo gi goonham gooco, mo nyang: apyaid ato: kangso' gi ngoonu" ri byid: wa shid re" dang: soo" khoin" byid: too" bye.

TITU 1:2 교차 참조

ESAIA 1:20

Nghoid loug we' nanu" ngoo ri aphoug" thougtheung boem nghoid rigi nanu" shid: doem goo" wa. Ngoo Aseing tid too" bye:» ga: tid da:.

GYUNG: SOO" 23:19

Mangsoo gi se' mhau' da" byu yi yhang: ti" anghoid. Nyang: gi myid se' thid da" byu xangsu: ti" anghoid. Nyang: dangsoo" khoin" byid: to" zi cinghoid loug nyang: koid da:. Nyang: tid ziyo' dakhyo" bue" lo da:.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

MATHE 25:46

Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»

MARKU 10:17

Yesu gi gyung: khyoo: moo doem so" lo" nyid uri byu dayug gi gei, re" lho: nya shid khoin" moo poid thug thoug wigi nyang ri ge da" sara we"- apyaid ato: kang: so' yo" yu wa shid' mo ngoo khasu" koid wa lha"» ga: myid:.

MARKU 10:30

He: da" pyaid moo shen" yhen ziyo' dage" yhoem: yoo- mangnhung"- nham" moo"- myhi, phoo zoo: du joemmoo- azhang dashoo: yo" kham: yu boem wa nghoid- thang: pyaid rigi apyaid ato: kang: so' yo" yu wa zi nghoid.

YOHAN 10:28

Ngoo gi nyangnu" ri apyaid ato: kangso' ri byid: bye: yoomo nyangnu" gi khanham we' ashid: loo: wa. Hang" we' nga" da" lo, mo houg: bang: ri ayo" lhoid yu loo.

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

YOHAN 17:24

O" nga" phoo we"- Moug aphain" myid aphain" shi" mo Nang ngoori jheddab yoomo byid: to" da" myonhoo: phung" yoeb' ri Ngoori nang byid: too" mo, myang se' loo wa shid' re" ngoo nyid da" joyoo moo nyangnu" ri we' nyid nhang: nau.

YOHAN 5:39

Nanu" gi apyaid' ato: kangso' yoo" abe ga: wigi Mungdang: ri ayoeb' yoeb' nghab' nyid ago". Hau: jhoem: mungdang: dangain" gi nga" khyoo: ri tid nyid zi nghoid.

YOHAN 6:54

Nga" da shoo" rizo: lho: nga" da suid" ri shug su: gi-apyaid ato: kang: so' yoo" bye. Ngoo we lo" thang da bidnyid moo-hau: yug ri shid: jo, jang" mo doem dei loo nhang: wa.

YOHAN 6:68

Simun Petru gi Aseing: we" ngoonu" gi hang" jhang khyoo: se' loo" wa Aseing: dayug kyeing" za: apyaid' ato: kangso' yo" sen: da" khyoo: ri dakho" kyo.

ACTS 15:18

He: khyoo: ri goonham, goo co, mo wigi si' nhang: to" da" Aseing: gi hid: su" ga: tid nyid.

Roma 1:2

Goonham' mo Mangsoo: gi nyada" lapi: yi khyo" hau: ngei bu lu dang: ri kyo" kaid' wa ga: dang: soo" to" zi yo" dakhyoo" gyeungshang: jhoem: mungdang: moo lhid" to".

Roma 16:25

Mangsoo: da" phung" yoeb myho, nhoo: ri ngoo nu" coung" nghei" boem shang ngoo khyo" kyo" tid Khristu Yesu da" lu dang: gi khyo" we' shid' phyang" pyaid mo, zau" to" da" no thang deungmain" tarha" khyoo: ri toin" shid' khyo" we' Mangsoo: gi ngoonu" da" loem jeing" khyoo: ri o" geing: teing nhang.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

Roma 5:2

ngoonu" gi Aseing Yesu ri loem" jeung" bye: yoomo Yesu gi ngoonu" ri Mangsoo: jeju" bid shoem: khoug: khyoo: shu" vang loo" bye. Hau: jeju" ri akhid" ngoonu" kham zo: nyid boem bye. Hougsu" nghoid yoomo ngoonu" gi Mangso: da" myonhoo: phung" yoeb ri yo" thoin" pang wam: bye: ein: nheig byu zi yo" phau: khuang myid boem bye.

Roma 5:21

Yooboo gi byu ri yo" shid nhang: da" dangkang: nghoid ziyo' dakhyoo" ti" ngoonu" Aseing Yesu Khristu khyo" wigi Mangso: da" jeju" akhyoo" again gi ngoonu" ri apyaid' ato: kangso' khyoo: shu" yhe: lo" lho: deingbyeing" mo yo" bue" loo nhang: da" dangkang: nghoid.

Roma 5:4

Zeing: oung: lo" da" khyoo: gi Mangsoo: yo" tain" tab nhang: - hau: tain" lo" khyoo: gi nheig shid" nheig byu khyoo: ri bui" nhang: zi ngoonu" se' boem bye.

Roma 6:23

Yooboo da aphoug" gi shid: lo" khyoo: nghoid. Nghoidloug we' Mangsoo: da" phoug" asang: jeju" jhungshug koem' gi - ngoonu" da Aseing Yesu Khristu yo" dadeing: daloem khoug mo yo" da" apyaid' ato: kangso' nghoid.

KOLOSE 1:27

Mangsoo nyheung soin' to" khyoo: gi byumyu" bain' sho' bang: shid re" nyang: yo" jo, da" myo: tham: phung" yoeb myonhoo: bo da" yhoem" shoung: to" da" phajhi" ri nya: da" byu yi jhang moo-pang shug byid: da" khyoo: nghoid- hougsu" yhoem" to" da" phajhi" gi nyangnu" da" nheigloem: ung: khoug: moo vang jo, bye: ein: da" khyoo: nghoid- hau: da" dangkang: gi nanu" Mangsoo yo' dage" hau: phung" yoeb, ri coem kham: yu da" khyoo: nghoid.

1THESALONI 2:15

Yuda byu yi ein: bang: gi Aseing Yesu ri we' Lapi: yi ri we' said' pyam nyid bang: nghoid wigi ngoonu" ri we' shen" yhen nyid bang: nyid nyangnu" gi Mangsoo vho: ngei khyo" akoid boem- yug khang" mo" da" aveing" go" da" gyi bue" nyid boem.

1THESALONI 5:8

Nghoid loug we' nyhang" nu" gi bidbang mo nya: zoo: nya: myid: yi nghoid nyid boem yoomo-boin: gyeung: ziyo' zed" lhed' nyid boem ca"- Ngoonu" gi loem" jeung" khyoo: yo' jheddab ein: da" yang gang nghoeb ri nghoeb, ci: lho: wigi ngoonu" da" khyoid yu khyoo: ri nheig byu nyid ein: da" joto' mug ri zhoung" ci: shang.

1 TIMOTHI 6:12

Loem" jeung khyoo: yo" sen: da" tang" shi, go" pui" moo yoem: bain' sho' kaid' lho: gei lo" wigi apyaid' ato: da" kangso' ein: da" jhung: shug yo" yu sho' tang" we'. Khasu" wim ga: ri hau: kangso' dei nyid da" khyoo: moo nang ri mangsoo khe: yu da" uri nang gi sagsi: myo" sho' bang: da" shid' moo yhen: yu abye:.

1 TIMOTHI 6:19

Hid: khyo" wigi nyangnu" gi thang: phyang" pyaid shid' re" geung: teung da" apoem: ayan: bue" nyid goo" baja"- phoug" dab, da" soidgain' ri nyangnu" shau" young: to" lho: Kangso' dei khyoo: gyeing" nyang: shau" yu to" boem wa zi nghoid.

2 TIMOTHI 1:1

Mangsoo nyang: myid' vho: ziyo' dakhyoo" ti"- Khristu Yesu da" lagyoo: bue" lho: Khristu Yesu yo' dadeing: daleom: za: bue" nyid yoomo ngoonu" yo" yu wa da" dang: soo" khoin" yo' sen: lho: kangso' khyoo: tid fu" kyoo" wa shid re" nhang: kaid' zi shau" su: ngoo Polu gi

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

2 TIMOTHI 2:10

Hougsu" nghoid nyid yoomo ngoo gi Mangso khyen: yu shau" nyid da" byu yi shid re" kyi" khyeug yau: khe" zi: kham' zo: nyid hougsu" kham, zo: nyid da" khyoo: gi nyang: nu" we' Khristu Yesu da" khoug: moo khyoid yu da" jeju" yo' hau: apyaid' atoo: mo da" myonhoo: phung yoeb, ri shau" kham: yu wa da" khyoo: nghoid.

2 TIMOTHI 2:13

Ngoonu" gi nheigloem: azoung" boem nghoid loug we' nyang: gi nheigloem: zung" su: nghoid nyid. Khasu" wim gari nyang: gungt' du: ri nyang: mhau' lho, he: gyang pyam nyid su: anghoid.

2 TIMOTHI 2:15

Nang koem gi nya: da" moozoo" moo ce" gyoug sho' cang abo da" moo" voin su: khyo" we' Mangso mungdang: ri deingmain" jo eung: khyo" kho" kyo" jhoug" byid: su: khyo" we' Mangso shoid' moomyo, nhoo: rua loo sho' yoem: so' bain' sho' yoem: kaid' nyid we'.

TITU 2:7

Khyoo: khaid gu: khang" moo" zei: so' lo" da" jang" moo nyang: gung nyang: yu" yu ge, da" khyoo shid: bue" nyid we' Dain: da" nheigloem: yo' abui" atho'- thain" thain: yhoug: gyen: khyo" jhau" poin" khoo" kyeung" nyid we'.

TITU 3:7

Houg su" nghoid nyid da" khyoo: gi ngoonu" gi nya: da" jeju" yo' Mangsoo vho: ngei lho: lheom: kham: yu mo, yo" bue" lo wigi ngoonu" myid byu to" da" apyaid ato: kangso ri yo" shau" myang kham: yu wa shid re" nghoid.

1YOHAN 2:25

He: khyoo: gi Khristu nyang: ngoonu" ri dang: soo" khoin" byid: too" khare" da" atoo: moo kang: so' ri yo" yu khyoo: nyang: nghoid bye.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.

YUDA 1:21

Mangso da" jheddab khoug: moo daloung" jo, ge'- Hougsu" Aseing Yesu Khristu gi-nya: nheig khyeig shoo" myen: da" khoug: moo nanu" ri byid: wa da" apyaid' ato: kangso' ri dalang" nyid ge'.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.

1 SAMUELA 15:29

Israela byumyu" yi da" myhang: thang Mangsoo gi mhau' zi anghoid. Nya: myid thid wa zi anghoid. Nyang: gi xangsu: byu dayug anghoid. Nya: myid thid wa zi anghoid» ga: wigi tid da:.