TITU 1:16 - Lacid Common Language Bible

¹⁶ Nyang: nu" gi Mangsoo ri se' boem bye"- ga: tid nyid boem nghoid loug we' nyangnu" da" koid moozoo" joem gi nyangnu" ri abo pang" thoug nghoid da. Nyang: nu" gi aco' ajhoid zi nghoid nyid boem wigi yu" vho: phoo" adoid bang- ge da" moozoo" daja: ja: ri zei: soo, wa da" yoem: vhoo" aboo bang: nghoid nyid boem.

TITU 1:16 교차 참조

YOBA 15:16

Houg: lho: ngoonu" gi akhyeing" ziri gyid yhang: ti" shug nyid da:. Nghoid- byu gi byo, yoin" da:. Byu gi ce: aphoug" nyang: adab nghoid da:.

DANG: ZHOEM 30:12

Lo" thang sho' aco' ajhoid bue" nyid nghoid loug we' nyang: nya: gung ri gye" gyeung" shang: ga: myid nyid mo, byu dayham" nyid.

ESAIA 29:13

Aseing tid zigi «He: byu yigi ngoo ri noku ga: tid ago". Nghoid loug we' nyangnu" da" dang: joem gi dang: kang: aboo nghoid ago". Nyangnu" nheigloem: gi gootu: moo nghoid nyid ago". Nyangnu" da" noku thung" gi akoem: nghoid da:. Nghoid loug we' nyangnu" yu" yu" za: myid boin: da" xangsu: byu tarha" yo' thung" ri: joem za: nghoid da:.

ESAIA 48:1

Yuda kung moo gyoo" lo da" Israela byu nanu" we"- he: ziri tam" gyoo: we'. Nanu" gi Aseing myeing ri lang: wigi jham' tang: lho: Israela da" Mangsoo ri noku wa ga: tid ago". Nghoid loug we' nanu" tid zi dakhoin" ri we' acang boem nghoid da:.

ESAIA 58:2

Nyangnu" gi ngoo ri nyid" khang" moo" noku wigi nyangnu" nga" khyoo: ri si' nau ziyo' nga" tarha" joem ri cang nyid ga: tid nyid boem. Nyangnu" gi nyangnu" ri deungmain" tarha" joem ri za: ngoo ri byid: nhang: nau wigi nyangnu" ngoo ri noku jang" moo pyo: khyoo: sho: zi nghoid» ga: tid nyid ago".

ESAIA 59:13

Ngoonu" gi nang ri thougtheung gyi koid- nang ri ngeug he: pyam'- re" thang: cang wa he: pyam' boem bye:. Ngoonu" gi subi" ri zeig zo: wigi nang mo phug lo" boem bye:. Ngoonu" myid soin: khyoo: joem gi shoid. Ngoonu" tid dang: khoin" joem gi mhoug zi danghoid.

YEREMIA 12:2

Nang gi nyangnu" ri sho" to" wigi nyangnu" agyi: yug cen' re" boem. Nyangnu" yug gyi: re" wigi ashi" zei: da:.

YEREMIA 5:2

Nanu" gi Aseing ri noku ga: phau: tid fu" nghoid loug we' Nanu" tid ziyo' koid zigi azhung" nghoid ago".

YEREMIA 6:30

Nyangnu" ri ce: akyu" abo da" to' khyid" paid ga: myheing pyam loo goo" wa. Ciwim gari:- ngoo Aseing gi nyangnu" ri ngeug he: pyam bye:» ga: tid.

EZEKIEL 33:31

Hougsu" nga" byu yigi nang tid wa da" dang: ri tam" gyoo: wa shid re" zeing: foem: yhe: boem nghoid loug we' nyang: nu" gi nyangnu" koid wa khyoo: nang tid khyoo: ri akoid nghoid ago". Nyangnu" da" nhoid moo jheddab dang: tid da:. Nghoid loug we' nyangnu" gi nyangnu" da" myid vo: lau khyoo: ri xo' koid da:.

GYUNG: SOO" 24:16

Nyang: gi Mangsoo tid da" dang: ri yo" shau" gyo: yug nghoid. Nyang: gi myhang: thang jang" mo re" da" lasi laleug ri shoug" yu su: nghoid. Ngoo yu" mo, nyid uri yoem: bo thang da" Mangso wigi ci: shug byid: da" avoid da ja: ri myang.

Roma 1:28

Xangsu: byu yi gi Mangsoo: vho: zi ri ashau" myid boem yoomo - Mangsoo: gi nyangnu" ri she: pyam' to" wigi - nyanu" gi deingmain" khyo" ayo" myid yu boem loo: yoomo akoid' eung: da" moo" ri koid' lo" boem bye.

Ephesu 5:6

Hang" wigi we' adu: adam: wim, da" dang: nanu" ri ayo" jhu, phyo' pyam' nhang: goo"- Khasu" wim gari hau" khyoo: joem yoomo Mangso nheig khoo" yo: da" khoo: gi atam" gyoo: acang loo" mo, da" atho' moo gyoo" loo wa zi nghoid.

1 TIMOTHI 1:9

Gyeing" nyang: ein: rigi ngoonu" se' gyo: too" ca" da" khyoo: gi hau: toung: to" da" tarha" gi byugi yi shid re" anghoid. Tarha" ri shoid nyid mo, yo' yooboo yoo" bang:- Mangsoo ayoo" mo, yo' yooboo dab, bang:- loem, khau: da" noku thung ri acang bang:- loem" jeung" khyoo:- hougsu" anghoid lang" gi Venyi khyoo: moo nheigloem: aboo mo, nyang: nya: myhi' phoo yi ri said' pyam' bang: yo' byu ri said' mo,

1 TIMOTHI 5:8

Nghoid loug we' byu dayug yug gi nyang: nya: da" byumyu" akung: ako''- je wigi ikoin deungkhu: byu yi ri yu" goin, coung: khyoo: aboo su: nghoid rigi hau: loem" jeung" khyoo: ri ngeug pyam' su: bue" nyid lho: aloem" jeung" da" byu dayug tho' mo je wigi akhyeing" ashoeb, su: bue" nyid.

2 TIMOTHI 3:17

Houg: yoomo Mangso da" moo" ri voin, vu, su: gi ge da" moozoo" ja" khang" moo" ri zei: wa shid re" yoem: so' byeung" sho' kaid' ci: lo" jang" moo Khin' azi akhoo: joeb, loo wa zi nghoid bye.

TITU 3:1

Mung" dain ri vhoeb khang" nyid bang: yo' amyeing" akhang ci: bang: da" vhoo: moo tam' gyo: nyid wa ziyo' ge da" moozoo" jid: zoo: jo, moo jo, ri zei: soo, wa jen" jen" nghoid nyid wa shid re" re" da" byu yi ri tid poin" nyid we'.

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

1YOHAN 2:4

Ngoo gi nyang: ri si' bye: ga: byu dayug yug tid nyid nghoid ' loug we' nyang: tid to" da" amyeing" dang: ri atam" gyoo: acang lo" nghoid rigi hau" yug gi mhoug su: nghoid ziyo' hau: deingmain" khyoo: gi nyang: moo ci: we' aboo.

YUDA 1:4

Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.

Pang Shug 21:27

Nghoid loug we' anyhoin: athoung" khyoo:- asho' ashid: da" moo" zei: mo, mhoug zoo: fain" zoo: bang: hang" we' hau: voogung khyoo: khanham we' yo" vang loo" goo" wa zi anghoid. Yang nu" da" kang: so' mougsoug" pug moo myeing boo mo, za: date: yo" vang loo" wa nghoid.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.

1 SAMUELA 15:22

Samuela gi «Aseing gi ce: noem ri vho: nyid lha". Jidang: gyo: ziri lha". Anghoid lang" xoin" ngei" ziyo' xoin" joem ri lha". Nyang: ri ge thang da" yang xoin" ngei" tho' mo nya: jidang: gyo: zigi je ge nyid zi nghoid.

1 SAMUELA 15:24

Sholu gi «Nghoid bye:. Ngoo yooboo koid bye:. Aseing da" amyeing" dang: yo' re" byen phyoo" zain: dang: ri ngoo atam" gyoo: koid bye: nhung. Ngoo nga" byu yiri gyoug yoomo nyangnu" nyang: ri nau: khyo" koid nhang: bye: nhung:.