TITU 1:15 - Lacid Common Language Bible

¹⁵ Nyang: tu: nyang: hougsu" gyeungshang: nyid bye: bang: shid re" zi jo, moo jo, gi young" shang: jo. Nghoid loug we' nyang: tu: nyang: agyeing" ashang: mo, yo' Aseing: yesu ri aloem" jeing" bang: shid re" koem gi ce" ja: we' agyeing" ashang: zi nghoid nyid. Khasu" wim ga: ri nyangnu" da" myid soin: khyoo: yo' nheigloem: ung: khoug: gi anyhoin: athoung" zi zheung: nghoid nyid boem.

TITU 1:15 교차 참조

DANG: ZHOEM 21:4

Akhyeing" ashoeb mo, da" nheigloem: moo: gi nghoid boin: ziyo' phau: khuang khyoo: gi vhoebkhang" nyid. Houg: gi yooboo nghoid.

DANG: ZHOEM 30:12

Lo" thang sho' aco' ajhoid bue" nyid nghoid loug we' nyang: nya: gung ri gye" gyeung" shang: ga: myid nyid mo, byu dayham" nyid.

HAGI 2:13

Hau: lho: Hagi doem myid zigi «Byu dayug gi shid: mang ri zang" thung" yoomo agyeungshang: loo ein: shang'. Hau: thang: nyang: gi zoo: noem moo zang" thoung" nghoid rigi hau: ziri we' agyeungshang: loo bue" lo" la". Khainjung bi tid zigi ‹Nghoid agyeungshang: loo› ga: phoug tid boem.

MATHE 15:18

Nhoid' mo thu' lo da" dang: gi nheigloem: khoug: mo thu' lo zi nghoid yoomo Byu ri aco' ajhoid bui" nhang: zi nghoid.

ACTS 10:15

Doem phoug tid lo da" thui: gi " Mangsoo gyeungshang: ga: ziri nang agyeing" ashang: ein: asoin: yu, ga: doem tid.

Roma 14:14

Ce: ja: zoo: noem ri we' phain" to" zi yo" dakhyoo" ti" aco' ajhoid' anghoid da" khyoo: ri ngoonu" gi Khristu yo" dadeing: daloem: nghoid khyo" yo" boem nghoid loug we' zoo: noem daja: ja: gi aco' ajhoid' nghoid ga: myid su: shid' re" gi aco' ajhoid' nghoid.

Roma 14:20

Zoo: noem yo" Mangso: moozoo" ri alhu: phyo. Zoo: noem dangain" gi ge zo: nghoid loug we' nang gi hau: zoo: noem ri zoo yoomo subi dayug yug ri yo" shoid' khyoo: vhang: loo" nhang: nghoid rigi - nang yooboo yo.

Roma 14:23

Nghoidloug we' nang myid gyam da" nheigloem: yo" zoo: noem daja: ja: zoo: nyid su: nghoid rigi Mangsoo: gi yoobo dam byid: wa zi nghoid. Khasu" wim ga: ri -nang zo; shug khyoo: gi - loem" jeing nheigloem: moo ayang: aboo yoomo nghoid. Houg: su" loem" jeung" nheig deig khyoo: aboo loo koid' da" moozoo" dangain" gi yoo boo nghoid nyid.

1Korinthians 10:23

Nyangnu" gi"- ngoonu" gi ce" ja: nghoid loug we' koid wa da" akhang" yo" ga: tid ago". Houg: gi: deung nyid nghoid loug we' koid wa akhang" yo" nghoid loug we' dangain" gi akyu" bo la"

1Korinthians 10:25

Nanu" da" phyiri: phala se' soin: yu" da" emyid yoomo- dang: myid: aja: ja: ri amyid: nyid loo: za: kid" moo: oung" to" shoo" ri ayi" loo: yo" qei, zo.

1Korinthians 10:31

Houg: yoomo nanu" zoo: nghoid loug we' shug nghoid loug we'- Mangso da" myonhoo: phung" yoeb, ri yo" thoin" pang byid: wa shid re" dangain" ziri: zei: so' nyid ge'.

1Korinthians 8:7

Nghoid loug we' byu yug khang" moo" gi he: deingmain" khyoo: ri asi' nghoid ago- byu dayham" gi phara" soolhoo: ri loem khau: lai lo yu" boem bye: yoomo- akhid" ju" sho' xoin" to' bye: da" zoo: noem ri shoug" zo: uri- he: zigi: soolhoo: ri ab nung" byid: zoo: noem nghoid ga: myid boin: nyid ago". Nyangnu" da" phug soo" lheig: myid yu" da" emyid yoem: nu" boem yoomo- nyangnu" zo: da" zoo: noem gi nyangnu" ri aco' ajhoid bue" loo" nhang: ga: myid yu ago".

1 TIMOTHI 6:5

Hau: tho' moo gootu:- nheig abo ziyo' deingmain" khyoo: ri amyang ase' bang: jang" mo ngeig goo" byo, go" da" khyoo: gi daso' so' bue" thu lo nyid. loem, khau: da" noku thung" eing: zigi yoo" zoo: yoo" shug da" de lo khyoo: nghoid- ga: nyangnu" myid yu ago".

HEBRE 10:22

Houg: su" nghoid yoomo ngoonu" gi yooboo yoo" boin: da" nheigloem: ung: khoug: joem ri ced" yung" ced' shang: pyam' lho: ngoonu" da" gung doem: ri we' gyeungshang: da" gyid yo' bain' ced" shang: pyam' lang" ashoid' avhang: loo:- jhug zug da" loem" jeung" nheigloem: yo' Mangso jhang khyoo: yu: tain" vang lo" boem shang.

HEBRE 12:15

Mangsoo jeju" mo nung phoug lo" zi abui" baja" zung" lhug goin, coung: nyid ge'. Kho" da" seig gyi: youg gyi: lo lho: nya: da" dug yo' jamjau myoo" sho' byid: yhang: ti"- nanu" ri we' houg: su" abui" baja" zed" lhed' nyid ge'.

HEBRE 9:14

Khristu da" suid" gi hau: tho' mo je" wigi yo" ced" yung" ced" lho, byid: zi anghoid goo" la". Khristu gi hau: apyaid' atoo: mo venyi yo' nya: da" gung du: ri ce" noo abo da" xoin" khyo" wigi Mangsoo ri ngei" byid: pyam bye. Dadei nyid da" Mangsoo ri ngoonu" yo" noku coung" nghei sho' Khristu da" suid" gi ngoonu" da" nheigloem: e" myed ri akyu" abo da" noku loem, khau: khyoo: moo cang lo" jang" mo yo" ced" yung" ced" shang: yu byid: bye.