TITU 1:14 - Lacid Common Language Bible

¹⁴ Yuda yi da" pyeing: dang: mhoo: myid: joem ri we' zei: zeung nghe: khau: khyoo: akoid' loo: wa ziyo' deingmain" khyoo: ri aloem: da" byu yi jang" mo thu' lo da" pyeung: to" dang: soo" khoin" joem ri loem" jeung" nghe: khoug: mo, jhoug" byid: ca" bye.

TITU 1:14 교차 참조

ESAIA 29:13

Aseing tid zigi «He: byu yigi ngoo ri noku ga: tid ago". Nghoid loug we' nyangnu" da" dang: joem gi dang: kang: aboo nghoid ago". Nyangnu" nheigloem: gi gootu: moo nghoid nyid ago". Nyangnu" da" noku thung" gi akoem: nghoid da:. Nghoid loug we' nyangnu" yu" yu" za: myid boin: da" xangsu: byu tarha" yo' thung" ri: joem za: nghoid da:.

MATHE 15:9

Khasu" wim gari Byu koid: da" tarha" ri Nga" da" tarha" yhangti" jhoug" byid: nyid yoomo nyangnu" ngoori noku nyid da" zigi akoem: za danghoid»› ga: wigi Mangsoo tid.

MARKU 7:7

Nyangnu" gi byu yi da" jhoug" dang: ri Nga" tarha" nghoid khyo" jhoug" byid: nyid boem wigi nyangnu" gi akoem: moo za: goeb pid nyid boem" ga: lhid to" ziyo' dakhyoo" ti" nghoid nyid.

GALATI 4:9

Akhid" koem gi nanu" Mangsoo ri se' loo boem bye: tho' moo gootu- Mangsoo we' nanu" ri bain se' nyid thang: ri yoem: nu: ziyo' ashug" ajhen: nghoid nyid da" yu join, soo" byoo joem da" join, bui" wa shid mo, cikoid doem tau" loo" noug go".

KOLOSE 2:22

Hau" tarha" joem dangain" gi dalheing: ci: yhung: bye: thang: rigi ce: akyu" aboo lo: ziyo' sen: da" tarha" za: nghoid lho: byu xangsu: yi koid thu' da" tarha" ri jhoug" byid: khyoo: joem za: date: nghoid.

2 TIMOTHI 4:4

Nyang: nu" gi hau" deingmain" da" khyoo: ri tam" gyo: nyid jang" mo phoug lo" boem wigi byu yi da" byuxeig mhoo: myid: ri tid nyid bang: jhang khyoo:- tam" gyo: lho: nheigloem: vang zo: lo" byug boem wa nghoid.

TITU 3:11

Houg: yhang: te" su: gi byo, yoin" joem: thang loo" su: nghoid nyid yoomo nya: da" youg: noo yooboo joem gi nya: gung ri nyang: dang: phyed nyid su: nghoid ziri nang se' nyid bye.

HEBRE 12:25

Nanu" gi hau: mungdang: tid kaid su: ri gi atam" gyoo: loo: za: ngeug pyam' khyoo: abui" baja" zed" nyid ge'. He: mougmyid tho' moo tid poin" tid kyeing" su: da" dang: ri shug gyo: lho: ngeug pyam nyid bang: gi yoobo dam mo yo" loid lo" boem wa zi anghoid- houg: yoomo ngoonu" gi moug: khung: khyo" tid kaid' su: ri nung thang phoug pyam boem nghoid rigi youg: noo yooboo mo ngoonu" loid loo" wa da" khyoo: gi aje boo loo.

2PETRU 2:22

Lakhuid" gi nyang: doug boem to" zi doem geug zo:- Hau: lho: vu, gi bain cid" byid: thang: ri thoem" boeb, moo doem lhu" nyid. ga: da" dang: zhoem gi nanu" shid re" deung" nyid zi nghoid.