SHOLUMON JIKHOIN" 7:5 - Lacid Common Language Bible

⁵ Re" vhuloem myhang: zigi Kharmela boem yo' du nyid da:. Re" xam: zeig to" zigi ge thang da" tung: sang" khyeing: yo' du da:. Hau: da" young" zigi khokham rilang" yo" tei" shab too" bye: zi nghoid.

SHOLUMON JIKHOIN" 7:5 교차 참조

APOEM AYANG: 32:26

Yuggi phoo gi «Ngoo loo" loo ba- moug: bo" lo nyid bye:» ga: tid. «Nang ngoo ri main akaid byid: byid: gi ngoo ayo" nhang: kaid» ga: wigi Yaku doem tid.

COUNG" NGHEI 68:24

Mangsoo we"- nga" da" khokham Mangsoo gi nya: gyeung" shang: da" joyoo khyoo: oung: doid lo" ziyo' thoid yhe: lo" ziri dangain" mo, coem myang nyid boem.

COUNG" NGHEI 87:2

Nyang: gi Yerusalem voomoo" ri Israela meing: moo: jo, da- joyoo joem dangain" tho' moo: je" jheddab nyid.

DANG: ZHOEM 5:19

Nyang: gi xaid zeing yhang: ti" young" du nyid wigi ung: nheug gyeing: su: nghoid- nya: da" sam" void, gi nang ri ngei pyoo: nhang: nyid baja" Nyang: gi nya: da" jhed khyeing: kang: khyeing: yo' nang ri lheung khoem too" baja".

SHOLUMON JIKHOIN" 1:17

Gyoin: gam gi nyha" yhoem: da" khung: doem: nghoid lho: shithang: gam gi nyha" yhoem: da" moug: goo thi" nghoid nyid da:.

SHOLUMON JIKHOIN" 4:1

Nga" jhed we" nang khayhi' young" lha". Re" myo, nghoeb za: pain" akhoug: mo jheddab myid yo' re" myojid" gi khayhi' bang nyid lha". re" xam: gi Gilead boem yam cang so" yen" da" coidbaid phung: yhang: ti" go" nyid da:.

SHOLUMON JIKHOIN" 4:4

Re" leung zeung: gi David da" gyi pyuzung yhang: ti" loem: loem: wim gi jhoid young" nyid da:. Hau: jang" moo loem: lheing khab' goo joem dakhyeing" yo' du da" yi: ri foid lhang" to" da:. Hau: yi joem gi loem: loem: lheung" ziyo' jhoid young" nyid da:.

SHOLUMON JIKHOIN" 5:11

Nya: myonhoo: gi gyid: yhang: ti" jhoid young" wigi nya: xam: gi being: lhung" yhang: ti" nghoid wigi kono moug" yhang: ti" no, nyid da:.

ESAIA 35:2

Dain" pyoid yoo gi ngei pyo yoomo jikhoin" khoin" wigi yoid nyho: loo wa. Hau: zigi Lebanon boem joem su" yung" loo wa. Khamela yo' Sheron da" yoothung" joem su" myidxu: bo loo wa. Yugkhang" moo" gi Aseing da" myonhoo: yoeb bang ri myang wa. nya: da" gyi: sheing: khyoo: yo' yoem so' ri myang wa.

MIKHA 7:14

Aseing we"- nang nyang: khyen: yu to" da" re" byumyu" yi moo yang zung" su: bue" nyid we'. Nyangnu" gi siyoo dain" pyoid khung" moo yhe: nyid yen" boem nghoid loug we' nyangnu" da" ayam aqei: moo myid xu: ge da" mougmyid lheung khoem to". Nyangnu" ri goonham' gooco' pyaid mo wigi koid lo boem ziyo' dakhyoo" ti" Bashan yo' Gilead mo ge da" mhain" nu" yoo moo nyangnu" ri yhe: lham" zoo: nhang: we'.

GYUNG: SOO" 21:26

Heshbon gi Amori khokham Sihon da" voomoo" nghoid. Nyang: gi shid mo Moba khokham ri zain: oung: pyam lho: Arnon gyid gyung: ju" sho' gyi: lam: da: nya: mougmyid ri lhoid yu bye: zi nghoid.

MATHE 18:20

Khasu" wim gari Byu eig soem" yug gi Nga" da" myeing ri nghe: khau: lho: zoeb foem: nghoid rigi houg: bang: yo" ngoo dage" nyid wa zi nghoid.»

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

Ephesu 1:22

Mangsoo gi jo, moo jo, nyid moo nyid ri Khristu da" khoovoo: khoug: moo kaid' to" wigi dangain" da" atho' moo gyi: thang da" Aseing: bue" nyid khyo" nyang: ri phung: khyoo: ab, byid: bye.

KOLOSE 1:18

Nyang: gi nya: gung du: ein: da" phoung: da" vhuloem nghoid nyid nyang: gi hau: gung du: da" kangso' apoem: we' nghoid nyid nyang: kyeing" za: dangain" da" yhoug: gyen: thang nam: baid' daloem: da" jo yoo ri yo" yu baja"- shid: bye: bang: mo doem dei to'' loo nhang: da" zooshid" mang: moo" nyang: nghoid.

KOLOSE 2:19

Gung du: da" vhuloem nghoid nyid Khristu moo xo' nhei: khau: nghe: jang" mo phoug pyeug loo" mo, nghoid ago- Khristu vhoeb, khang" da" akhoug: moo dagung goin" gi hau: da" youg: xeig youg: myo, yo' shoo" gyi: youg: khyang: joem wigi myheug shoin" to" lho: khu: gyi: kaid' ziyo' Mangsoo myid vho: khyo" gyi: sheung: loo wa nghoid.

Pang Shug 1:14

Nya: da" xam: gi phyu: da" yang moug" yo' gyu: yhang: ti" phyu: jo. Nya: myojid" gi myiyham: doem, yhang: ti" dab, nyid.