SHOLUMON JIKHOIN" 6:11 - Lacid Common Language Bible

¹¹ Langkhung" mo agam nu" joem ri yu" wa shid re" we'- zabyid gam moo afu' nu" yiri yu" wa shid re" we' lamei shigam moo aboo" ri yu" wa shid re" we' ngoo gi Lashab khyam: khyoo: gyoo" loo bye:.

SHOLUMON JIKHOIN" 6:11 교차 참조

SHOLUMON JIKHOIN" 7:12

Nyhang" gi no' mo to' wigi zabyid khyam: khyoo: yhi: yu" shang. Zabyid gam joem agyi: shi" la'- gyi: bye: la'- aboo" aboo" shi" la'- boo" bye: la'- lamei shigam aboo" aboo" shi" la'- boo" bye: la' yhe: yu" shang. Houg: moo ngoo nang ri nga" jheddab myid ab byid: wa.

ACTS 15:36

Dayo, zoo: kyo: lo" thang: ri Polu gi Barnaba ri Mangso mungdang: ri ngoonu" kho" kyoo" ca" shi" joyoo khyoo: mang: nhung" yi khasu" koid nyid boem ziri yhe: cang koem" yu" wa shid re" nga" eig yug nyangnu" jhang khyoo: doem tau" loo" shang - ga: tid go.

MARKU 11:13

Houg: lang" Yesu gi afu' mung" jo, da" lafoem dagam ri vi" mo myang kaid. Nyang: gi ashi" zei: la' ga" lafoem zeing yang: khyoo: yhe: lo". Nghoid loug we' lafoem shi" zei: yo, anghoid yoomo afu' za: te: mung" jo, ziri yhe: myang.

SHOLUMON JIKHOIN" 6:2

Nga" jhed gi seig xu: gam yug da" nya: khyam: khyoo: yhe: loo" bye:. Nyang: gi khyam: khoug: moo gougnyhoug phung: ri voem: zho" nyid wigi myioeb bain: koid: zheing" nyid da:.

SHOLUMON JIKHOIN" 5:1

Nga" nheig tei" nga" myhiseig we"- nga" khyam: khyoo: ngoo vang yhi: bye:. Nga" da" Mura yo' nam pyo: ja: ngoo khyau" zheing" too" bye:. Ngoo gi nga" byoo: yhid: yo' byoo: yho' ri zo: nyid bye:. ngoo gi nga" zabyid yhid: yo' nunoug" ri shoug nyid bye: zi nghoid. Jheddab bang: we" zoo: ge'. Nanu" gi jhed myid yo' yed: sho' shug nyid ge'.

APOEM AYANG: 2:9

Nyang: gi yu" yung" tung" da" seiggam joem aja: ja: dangain" ri houg: mo yug ri" nhang: lho: ge da" seigshi" vooshi" ri zei: nhang:. Khyam: da" agung moo kangso' shigam yo' ge ziyo' age ziri se' kho nhang: da" lasi laleug shigam yug jo,.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

LUKA 13:7

Khyam: seing: gi Ngoo he: lafoem gam moo ashi" re" yu" goem: zi soem" zain ju" bye. nghoid loug we' dacab we' amyang. He: lafoem gam ri thoug lheing: pyam loo: ge' Ce: noem koid: wi khyam: myidjang: amyib afoo" koid: too" wa lha"» ga: khyam: zung" su: ri tid.

APOEM AYANG: 40:10

houg: moo soem" ko' ko' zi nghoid. Houg: lang" jang: afu' toid lo wigi aboo" boo" ashi" zei: lo lho: ashi" myheing lo da:.

SHOLUMON JIKHOIN" 6:12

Ngoo gi seing" gug thung" nyid. Nang gi ngoo ri meing: zain: jang: khyoo: yhe: lo" da" gyi myang: rheing" yhang: ti" jheddab myid shid re" lhu: zhuang" byid: nyid.

SHOLUMON JIKHOIN" 7:13

Nang gi gyo, yen" gam shoem: yo' nyha" khoem" duang: nam moo jo, da" shi" aja: ja: da" shoem: shoug" nam wa zi nghoid. Nga" jhed we" ngoo gi re" shid re" nam pyo: shoem: axoug" yo' aseig ri to" too" byid: bye:.