SHOLUMON JIKHOIN" 4:6 - Lacid Common Language Bible

⁶ Nab soin: lid jham" ahau' shi" ziyo' moug: acoid loo shi" uri ngoo gi Mura boem yo' nam pyo: da" boem moo nyid nyid bye:.

SHOLUMON JIKHOIN" 4:6 교차 참조

COUNG" NGHEI 66:15

Ngoo gi phoin: tho' moo myinghi, xoin" to' wa shid re" yang joem ri: to' byid: wa zi nghoid. Nu: jung joem yo' coidbaid ri we' to' byid: wa zi nghoid. Hougsu" nghe to' byid: da" myikhoug" gi mougkhung: khyoo: ju" do, loo" wa.

THU' LO" MOUGSOUG" 20:24

Nga" shid re" myidzhoo" phoin: koid wigi hau: adang moo nanu" da" yang- nujung ri bain sho' nghe' ngei" byid: da" xoin" khyo" we' zoem" khoug: da" xoin" khyo" we' ngei" byid: ge'. Nanu" ngoo ri noku wa joyoo khang" moo" moo ngoo nyheing soin' to" da" joyoo khyoo: re" lho: nanu" ri mainkaid byid: wa.

THU' LO" MOUGSOUG" 30:8

Nyang: gi myen" thang: myikug tab re" uri we' houg yo' dakhyoo" ti" koid ca" wa. He: zigi ju" loo wa da" ayo, dangain" moo akyoo: abyid loo: sho' xoin" to' wa da" nam pyo: xoin" nghoid.

THU' LO" MOUGSOUG" 37:29

Nyang: gi shoem: nam pyo: da" xu: ri yo' dayhang: ti"- gyeung" shang: da" mainkaid xu: yo' shoem: nam pyo: da" ja: gyeing" ri we' phung: yu da:.

SHOLUMON JIKHOIN" 2:17

Nga" jhed we" nab soin: lid zoo" aloo: shi" uri Myen" thang: moug: acoid shi" uri Bethera boem gung moo xaid zoo: shoocid: loo: yhang: ti" doem tau" loo we'.

SHOLUMON JIKHOIN" 3:6

Kid" ung" bang: oung" byid: da" nam pyo: Mura xu: myikhoug" pung yhang: ti" dain" pyoid yoo khyo" nam do, lo zigi cenoem nghoid lha".

SHOLUMON JIKHOIN" 4:14

Jamga gam- Gumsho gam- Maza gam yo' Lobain gam aja: ja:- Mura gam- Ajho gam yo' je nam pyo: da" ja: dangain" bo nyid da:.

SHOLUMON JIKHOIN" 8:14

Nga" jhed we" lobain gam yug da" boem moo xaid zoo: yhang: ti" we' shoocid: loo: yhang: ti" we' nga" jhang khyoo: re" loo we' o".

ESAIA 2:2

Ju" loo wa da" ayo, moo: Noku yhoem: moo" jo, da" boem gi dangain" jang" mo myhang: thang nghoid wigi bouggung dangain" da" adang moo myhang: thang bue" nyid wa. Mungdain: myoo: sho' gi houg khyoo: jhen: re" wigi

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

MALAKHI 4:2

Hougsu" nghoid loug we' nga" dang: ri tam" gyo: nyid mo, nanu" shid re" koem' gi nga" khyoid yu khyoo: gi nanu" tho' moo bid su" xain" thu lo lho: bid lo, beug lo yhang: ti" noo phyoo" joem ri ze: gi byid: wa zi nghoid. Lhoung to" da" nujung zoo: ri phang kaid ziyo' dakhyoo" ti" nanu" gi loid byoin gau yi go" xang" loo" goo" wa zi nghoid.

LUKA 1:78

Ngoonu" da" Mangsoo: gi nheig khyeig shoo" myen: da" nheigloem: yo" byeung" joeb su: nghoid. Aseing: khyoid khyu: yu da" jeju" ri Mougkhung: tho' mo wigi Bid moo" khyab yhangti" ngoonu" tho' moo doug bang gyoo" loo bye.

2PETRU 1:19

Hougsu" nghoid yoomo ngoonu" gi lapi: yi tid fu" to" da" yoeb, myang mungdang: ri je" wigi nheug shid nheug deug nyid boem bye. Nanu" we' hau: mungdang: ri goo" lhoo: za: datam: gyo: nyid ge". Khasu wim gari hau: zigi nanu" da" nheugloem: ung: khoug: moo myo, myang: lo wigi-boo" myhu: thu' lo da" ayo' moo moug: coid' da" joyoo moo bang nyid da" myibung: yhang: ti" nghoid nyid.

1YOHAN 2:8

Nghoid loug we' akhid" ngoo nanu" jhang khyoo: lhid" kaid' da" amyeing" tarha" gi dashoid khyo" tid shang ein: rigi aseig nghoid. Hau: tarha" aseig nghoid khyoo: deung zigi Khristu da" kangso' dei lo khyoo: moo we' nanu" thoung" shau" yu" loo bye: da" khyoo: mo we' yo" myang yu boem bye. Khasu" wim gari he: da" moug coid' gi bei: lo" byug lho: hau: deingmain" da" bidbang gi akhid" nyang: lang" doug bang jo, bye.

Pang Shug 22:16

" Ngoo Yesu gi Phung byu yi da" akhoug: moo hid: yhang: te" khyoo: joem ri tid fu" kyoo" wa shid re" nga" moug: lagyoo: ri nhang: kaid. Ngoo gi davi da" akung: mo yhoem: byu nghoid lho: wigi nab, kyo' boo" myhu: we' ngoo nghoid nyid.

Pang Shug 5:8

Houg: su" yu da" uri gougnyhoug myid: du: yo' ludaid eig xe: myid: youg bang: gi nyang: nya: da" teing joem ri we' Mangso byu yi akyu" myo, ein: da" nam, pyo: shoem: yo' byeung" jo, da" - sheing: goem joem ri ngab, sho' zheung: ci: lho: nyangnu" da" shid khoin" moo goeb khyo' ago".