SHOLUMON JIKHOIN" 1:5 - Lacid Common Language Bible

⁵ Yerusalem mo myiyi: yi we" ngoo gi ceig ceig no, nghoid loug we' young" nyid. Kedara midcoo: boem" mo zoem" yhang: ti" ceig ceig no, nghoid loug we' Sholumon da" kho" khoug: mo khoem" goo pain" tho' re" gi je young".

SHOLUMON JIKHOIN" 1:5 교차 참조

COUNG" NGHEI 120:5

Nanu" da" mo, gyoo: moo: nyid nyid zigi Mesheg meing: moo: nyid yhang: ti" we' Kedara byumyu" yi da" agyoo: moo: nyid yhang: ti" we' yau: nyid.

COUNG" NGHEI 149:4

Aseing gi nya: byumyu" yiri vho: ngei nyid wigi khyo' nyhoem: nyid bang: ri oung: doid ziyo' myonhoo: ngi: shab byid: nyid.

COUNG" NGHEI 45:9

Re" khokham khoo" mo zoomyi: yi moo khokham yi da" zoomyi: yi we' bo nyid boem ago". Re" zhungtang da" lo, yo shoid moo myo, yi lo" da" sheing: ziyo' lho, yhoung ci: da- khokham myhi' yab jo.

COUNG" NGHEI 90:17

Ngoonu" da" Aseing Mangsoo we"- re" da" mainkaid jeju" gi ngoonu" yo' dage" jo, jo, baja" ngoonu" zei: nyid da" moo" zoo" jid: zoo" bain sho' moo oung: doid lo" khyoo: ngoonu" ri byid: we' o".

SHOLUMON JIKHOIN" 2:14

Nang gi lug pyo' gyoo: moo nyid da" pheing" kyoug" yo' du da:. Re" da" yu" jheddab tung" myonhoo: ri ngoo ri yu" nhang: we'. Re" gyoo: noug tung" da" thui: ri ngoo ri gyoo: nhang: we'.

SHOLUMON JIKHOIN" 2:7

Yerusalem myiyi: myhi' yi we". Nanu" gi ngoonu" da" jheddab myid ri aphyed pyam wa ein: shoocid: joem yo' xaid joem ri jham' tang: lho: ngoo ri dangsoo" khoin" byid: we'.

SHOLUMON JIKHOIN" 3:10

Houg: da" zeing moo ngei yo' thoeb. Houg: atho' moo myhu" da" pain" gi sheing: khyeing: pain" nghoid. Hau: da" tang nhi" gi Yerusalem mo myiyi: myhi' yi jheddab myid yo' yo, to" da" khalham" void pain" nghoid da:.

SHOLUMON JIKHOIN" 3:5

Yerusalem myiyi: myhi' yi we"- Nanu" gi ngoonu" da" jheddab myid ri aphyed pyam wa ein: shoocid: joem yo' xaid joem ri jham' tang: lho: ngoo ri dangsoo" khoin" byid: we'.

SHOLUMON JIKHOIN" 4:3

Re" nhoid yid gi gyo, suid" void yhang: te" da" phe" pain" tei" yo' du wigi nang dang: tid uri hau: joem gi gye" young" da:. Re" baloid gi re" myo, nghoeb za: pain" akhoug: mo myi: su" bang young" nyid da:.

SHOLUMON JIKHOIN" 5:16

Nya: nhoid gi babug bug ri gye" coug: nyid da:. Nya: gung shoo" dangain" zigi ngoo ri ngei nhang: nyid. Yerusalem mo myiyi: myhi' yi we" he: zigi nga" jhed yo' du nyid o".

SHOLUMON JIKHOIN" 5:8

Yerusalem mo myiyi: myhi' yi we"- nanu" nga" jhed ri myang nghoid rigi nyang: ri ngoo jheddab myid yoomo no nyid ein: nanu" bo tid kyoo" wa ein: ngoo ri dangsoo" byid: ge'.

SHOLUMON JIKHOIN" 6:4

Nga" jhed nang gi Tirza yhang: ti" young" wigi Yerusalem voomoo" yhang: ti" yu" jheddab tung" zi nghoid da:. Nang gi voomoo" zeing joem yhang: ti" moug: dei myid noin" lo" da:.

SHOLUMON JIKHOIN" 8:4

Yerusalem mo myiyi: zoo: yi we" nanu" gi ngoonu" da" jheddab myid ri alhu: nhung" wa ein: ngoo ri dangsoo" byid: we'.

ESAIA 21:16

Hau: thang: Aseing gi ngoo ri «Dazain toeb nghoid lang" Kedara byumyu" yi da gyi: sheung: zigi thang byug wa.

ESAIA 53:2

Nya: dei zoo: gi kyug hei' da" myidgung moo agyi: cen' da" agam yo' dakhyoo" ti" nghoid wa ziri Aseing da" myid vho: khyoo: nghoid. Nyang: gi ngoonu" wigi yu" xoem" wa da" langi: yo' yung" gyeing" avoid ayoo" nghoid da:. Nyang: ri yu" nheig dab pho" zi ci: aboo. Ngoonu" ri nya: jhang she: yu wa ci: aboo nghoid da:.

ESAIA 60:7

Kedara yo' Nebaiod yang joem dangain" gi Xoin" khyo" re" jhang khyoo: ci: re" boem goo" wa. Houg lho: Aseing ri vho: ngei nhang: wa shid re" phoin: dang moo ngei" byid: loo wa. Aseing gi nya: Noku Yhoem: Moo" ri goonham' mo tho' je wigi phung" yoeb bang nhang: loo wa.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

EZEKIEL 16:14

Nang gi re" joeb byeung" sho' yung" gang mo mungdain: khang" moo" myeing gyi: lo da:. Ciwim gari nang ri hougsu: soin' shoung: byid: su: ngoo gi nang ri gye" jheddab yoomo nghoid. He: zigi yoem: moo" bo Aseing tid zi nghoid.

EZEKIEL 27:21

Arabia byu yi yo' Kedara moug: mo vhoebkhang" zoug: yigi re" kid" zi joem ri yang nu" joem yang joem coidbaid joem yo' thid go" da:.

MATHE 10:25

Cangzoo: gi sara: yhangti"- deizoo:, phoo gi nya: yhoem: seing: yhangti"- nghoid nyid rigi myid je pyoo: wa. Nyangnu" nyang: gi Bezebula ga: nghoid rigi nya: yhoem: byu yi ri hau: tho' re" je tid go" wa anghoid goo la" ga: tid.

MATHE 22:11

«Khokham" phoo gi being" se' yu" wa ga: vang lo da" uri loxo' pui" vang byimi eavoid ci: da" yuggi dayug ri shau" myang-

LUKA 13:34

Yerusalem we"- Yerusalem we"- Lapi: yi ri said pyam pyam koid: nyid da" voogung we"- Mangsoo nhang: kaid da" lagyoo: yi ri luggo' du" said said koid: da" voo we"- Gyo, zeing gi gyo, nu" joem ri nya: dung vhoo: khoug: moo zheing" kaid to" yhangti"- ngoo gi re" zoo: re" myid: yi ri nga" lo, yoem: khoug: moo zheing" kaid too" nau zi myoo" sho' lheing: nghoid bye. Nghoidloug we' nang koem: gi ngoori houg: su" akoid: nhang noug nghoid da.

LUKA 15:22

Nghoidloug we' nya: phoo gi vhoo" kung: zoo: yi ri khe: yu lho:-ge thang da" byisheing: ri myab myab lo" yu wigi nyang: ri foid byid: ge'. Nya: lo, moo we' lo, pain" ri pain byid: ge'. Khyid: baid ri we' nya: khyid: moo zhung" byid: ge' ga: nyang: tid.

Roma 13:14

Hau: tho' moo Aseing Yesu Khristu ri gyi byi: gyimi su" void ci: ge'. Gung shoo" vho: da" nheig shid: said' nau khyoo: moo cang wa asoin' anyheing nyid goo.

2~KORINTHU 5:21

Khristu gi ce: youg: noo yooboo adab su: nghoid loug we' ngoonu" gi Khristu yo' dadeung: daloem: za: bue" lo wigi Mangso da" deung: byeung" ziri kham: yu wa shid re" Mangsoo gi Khristu ri ngoonu" shid re" nyhang" yhang: te" yooboo yo" su: - bue" loo nhang: bye.

GALATI 4:26

Nghoid loug we' moug: khung: moug: di yo' sen: da" Yerusalem gi loid byoin, zi yo" yu wigi ngoonu" da" nya: myhi' nghoid nyid.

Ephesu 5:26

Nyang: hougsu" koid da" khyoo: gi phung ri gyid yo' bain ced" kyeung pyam thang: moo nya: mungdang: yo' hau" phung: ri Mangso jhang khyoo: ab, nung" byid: khyoo: nghoid.

1YOHAN 3:1

Yu" ge' Mangsoo gi ngoonu" ri khayhi' jheddab nyid lha". Nya: da" jheddab nheigloem: gi gye" gyi: zi nghoid wigi ngoonu" ri Mangso nya: zoo: yi ga: myeing byid: bye: ziyo' dakhyoo" ti"- gyeing" nyang: ngoonu" gi Mangso nya: zoo: yi nghoid boem bye- Nghoid loug we' mougmyid gi Mangsoo ri asi yoomo ngoonu" ri we' asi nghoid da.