SHOLUMON JIKHOIN" 1:2 - Lacid Common Language Bible

² Re" nhoid yo' ngoo ri babug bug byid: bye:. Re" jheddab myid gi zabyid yhid: tho' je ge nyid da:.

SHOLUMON JIKHOIN" 1:2 교차 참조

APOEM AYANG: 29:11

Hau: thang: ri nyang: gi Rakhela ri boobug bug lho: gau wigi ngau da:.

APOEM AYANG: 45:15

Hau: thang: ngau nyid zoo" re nyang: gi nya: mang: bang: ri po: zeing lho: nyangnu" yugkhang" moo" ri boobug bug byid:. Hau: thang: nya: mang: bang: nyang: yo' dang: ji lo boem ago".

COUNG" NGHEI 2:12

Gyoug nain" ziyo' nyang: ri goeb pid nyid ge'. Hougsu" akoid zigi nya: nheigloem: nge" loung ziyo' myab" myab, to' lo" wigi nanu" gi nyeigdain tung" shed: lo' boem wa zi nghoid. Zung" lhoug byid: wa shid re" nya: jhang ju" yhi: bang: gi ngilhoo' wa nghoid.

COUNG" NGHEI 36:7

Mangsoo we"- re" da" geung: teung jhed khyeing: kang: khyeing: gi khayhi' gyeing" phoug" dab, jo, lha" Re" da" dung soo" yoeb khoug: moo khau: nghi: joyoo ngoonu" yo" nyid boem.

SHOLUMON JIKHOIN" 1:4

Nang yo' dage" ngoo ri khe: yu wigi nyha" tang: phang: shang. Nga" khokham bue" lho: ngoo ri re" yab khyoo: shu" loo" we'. Nyha" tang: dage" pyoo: shang. Zabyid yhid: yed sho' shug lho: pyo: nyid shang. Myiyi: myhi' yi dangain" nang ri jheddab zigi ce: moug" cang aboo.

SHOLUMON JIKHOIN" 2:4

Nyang: gi ngoo ri pui" yhoem: khyoo: shu" vang lo" wigi nga" atho' moo jheddab ga: da" dungkhoin: ri tab to" da:.

SHOLUMON JIKHOIN" 4:10

Nga" jhed nga" myhiseig we" re" jheddab myid gi ngoo ri gye" nheugdeug nhang: nyid da:. Re" jheddab myid gi zabyid yhid: tho' re" je ge nyid da:. Re" nam pyo: da" shoem: gi nam pyo: ja: dangain" tho' moo je ge nyid da:.

SHOLUMON JIKHOIN" 5:16

Nya: nhoid gi babug bug ri gye" coug: nyid da:. Nya: gung shoo" dangain" zigi ngoo ri ngei nhang: nyid. Yerusalem mo myiyi: myhi' yi we" he: zigi nga" jhed yo' du nyid o".

SHOLUMON JIKHOIN" 7:12

Nyhang" gi no' mo to' wigi zabyid khyam: khyoo: yhi: yu" shang. Zabyid gam joem agyi: shi" la'- gyi: bye: la'- aboo" aboo" shi" la'- boo" bye: la'- lamei shigam aboo" aboo" shi" la'- boo" bye: la' yhe: yu" shang. Houg: moo ngoo nang ri nga" jheddab myid ab byid: wa.

SHOLUMON JIKHOIN" 7:6

Nang gi gye" young" nhung: gye" young" nhung: re" jheddab myid gi gye" joeb byeung" nhung: lha".

SHOLUMON JIKHOIN" 7:9

Hau: thang: zabyid yhid: gi nga" jhed jang" khyoo: yau loo" nhang: wigi nya: nhoid kug yo' zei joem moo youg gyoo" nhang: wa zi nghoid.

ESAIA 25:6

Myhang: thang Aseing gi mougmyid dang mo byumyu" dangain" shid re" zoo: noem gi zabyid yhid: gi yo' he: Ziun boem tho' moo zooshug pui" zeing daloem: soin' too" wa.

MATHE 26:26

Yesu gi cangzoo: yi yo" dage" myen" xoin: zo: nyid da" uri zooyho' ri yu lho: jeju" ri bain coung" nghei lang" zooyho' ri phe, yu wigi «he: da" zooyho' gi nga" da" gung du: nghoid yu zoo: ge'» ga: tid lho: nya: cangzoo: yiri gam byid.

LUKA 15:20

Houg: lang" nyang: gi to' lho: nya: pho, jhang khyoo: doem tau" loo" bye. Yhoem: mo vi moo daloo" shi" ri nya: phoo myang kaid lho: nyang: ri nheig yu" khyeig yoomo yhe: gei gab' po: yu lho: boobug boug.

ACTS 21:7

Ngoonu" gi Turu voogung mo doem xo' gu: lo" wigi Patoleme voogung moo ju" lo" boem bye- ngoonu" gi hau: voogung mo loem" jeing" bang: ri lo, zei: zei: being" si' go" lho: nyangnu" yo' danyed" yhe: theung: nyid bye.

1PETERU 5:14

Nanu" nyang: cang" nyang: we' Khristain jheddab nheigloem: khyo" boo: bug bug go" nyid ge'- Khristu khoug: moo nyid mo, nanu" dangain" bang: da" atho' moo myen, jham" ngei pyo: nyid goo" baja" o".