RUTHA 4:6 - Lacid Common Language Bible

⁶ Houg: lang" hau: mang: nhung" phoo gi «Hougsu" nghoid rigi mougmyid ri ngoo ayo" qei yu wa. Ciwim ga: ri houg: mougmyid yi nga" zoo: ri ayo" seing: yu wa nghoid yoomo nghoid. Nang dajha" qei yu we'» ga: tid.

RUTHA 4:6 교차 참조

APOEM AYANG: 38:8

Hau: thang: Yuda gi Era da" nya: nung" Onan ri «Re" mang: da" coug" ri yhe: koid: we' yhe: vang yhoeb we'. Re" mang: da" byukung: yo" xo' byid: sho' re" mang: nyang: yo' zoem" khau: yhang: ti" nang khyo" nyang: ri yoovoin yu we'» ga: tid.

XOIN" NGEI" 25:25

Israela byu dayug yug sho" jhen: wigi nya: mougmyid oung" wa nghoid rigi hau: ziri nyang: yo' jhang thang da" bidnoem dayug doem qei yu ca" wa zi nghoid.

TARHA" TID POIN" 25:7

Nghoid loug we' shid: byug su: da" nya: nhung" gi nyang: ri cougmoo" myhi' ri anau koid: nghoid rigi hau myiyi: gi voogung mo vhujhung: yi jang" khyoo: yhe: wigi ‹Nga" yhoem: seing: pho da" nya: nhung" gi nya: moo" ri anau voin nghoid da:. Nyang: gi Israela byumyu" yi akhoug: moo nya: mang: da" amyed ashen ri anau xo' ga: he: pyam da› ga: tid baja".

TARHA" TID POIN" 25:8

Houg: lang" voogung vhujhung: yigi nyang: ri khe: yu lho: nyang: ri myid: yu" ca" da:. Nyang: gi hau: myiyi: ri coug" koid: wa shid re" dahe: nyid shi" nghoid rigi

TARHA" TID POIN" 25:9

Nya: mang: da" cougmoo" myhi' gi voogung vhujhung: yi da" shidkhoin" mo nya: jang" khyoo: yhe: wigi nya: khyid: baid dashoid mo khyoid pyam byid: ziyo' nya: myonhoo: moo shakain" byi" gyoin: lho: ‹Nya: mang: da" amyed ashen anau xo' byid: ga: he: su: gi hid: su" bue" da› ga: tid baja".

RUTHA 2:20

Hau: thang: ri Naomi gi «Aseing gi Bua ri mainkaid byid: baja" O"» «Dei nyid mo, ri we' shid: jo, mo, ri we' jeju" byid: wa angheung" da" Aseing gi mainkaid byid: nyid baja"» ga: tid. Hau: lho: Naomi gi «Hau: su: gi nyhang" yo' je" jhang da" byumyu" akung: mo yha" yhoem: dakhyam" bang: nghoid» ga: nyang: ri tid kyo".

RUTHA 3:13

Akhamyen gi hougsu" nyid nyid shi" we'. Nab yo nyid" khyoo: eung: ziyo' dakhyoo" ti" hau: yug nyang: koid: nau ri koid: yu baja". Akoid: nau ri we' gi bye:. Anau koid: ga: nghoid rigi Aseing gi ngilho' nyid ziyo' dakhyoo" ti" ngoo koid: wa. Myo, myang sho' dayhoeb jo, shi" we'» ga: tid.

RUTHA 3:9

nyang: gi «Nang hang" nghoid» ga: myid: kaid ri «Ngoo re" join myhi' Rutha nghoid. Ciwim ga: ri nang gi ngoo ri coug" koid: eung: da" bidnoem seing: nghoid nyid yoomo re" join myhi' ri lo, xo' yu we'» ga: tid.