RUTHA 4:11 - Lacid Common Language Bible

¹¹ Hau: khoem" duang: moo bo zhung: jo, da" mung" byu yi yo' zoug: ludaid yi dangain" bang: we' «Ngoonu" gi sagse: nghoid boem bye:. Re" yhoem: moo thu lo da" re" yhoem: seing: myhi' gi Yaku ri zooshang: myoo" sho' khu: byid: da" myiyi: Rakhela yo' Lea yhang: ti" bue" jo, sho' Aseing wigi soin' byid: zi nghoid bye:. Nang we' he: da" Ephrad moo yoo" zo: yoo" shug lo wigi Bedlehem: moo myonhoo: ngilang: bugthu sheing" jhu" loo baja" o".

RUTHA 4:11 교차 참조

APOEM AYANG: 23:10

Voomoo" khoem" duang: zoebphung: jang: mo Heti byumyu" yi da" akhoug: moo Ephron nyang: nyang: we' bo zhung: jo,. Ephron gi houg: moo tam" gyo: nyid mo, yugkhang" moo" shid moo

APOEM AYANG: 24:60

Houg: lho: nyangnu" gi «Nhammoo" nang gi moin moin sen sen da" nya: myhi' bue" loo baja". Re" da" amyed ashen yigi gyivoo joem ri zain: oung: pyam mo, bue" loo baja"» ga: da" dang: yo' mainkaid dang: tid kaid byid: bye:.

APOEM AYANG: 29:16

Laban gi myiyi: nu" eig yug yo" da:. Bi: zeing yug gi Lea nghoid lho: zoothang gi Rakhela ga: zi nghoid.

APOEM AYANG: 29:25

Thang: nab soin: myo, amyang shi" ri Yaku gi Lea danghoid jo, ziri si' lang" nyang: gi Laban jhang yhe: lho: «Ce: gang mo nang ngoo ri hid: su" koid lha"- ngoo gi Rakhela ri yoo" wa shid re" moo" dazei: byid: ri nang gi ngoo ri ciyoomo mhau' lha"» ga: yhe: tid.

APOEM AYANG: 29:32

Lea gi zoonu" gung bue" lo lho: yuggi nu" dayug ri khu: byid: bye:. Nyang: gi «Aseing gi nga" yau: khe" khyoo: ri myang byid: bye:. Nga" yhoem: seing: phoo gi ngoo ri jheddab wa bye:» ga: tid. Houg: yoomo nyang: gi hau: yug ri Ruben ga: myeing byid: bye:.

APOEM AYANG: 35:23

Lea da" nya: zoo: tang: yigi Ruben (Yaku da" zooshid" yug) Simun- Levi- Yuda- Ishakha- yo' Zebulun bang: nghoid.

APOEM AYANG: 35:24

Rakhela da" zooshang: tang: gi Yoseb yo' Benyamin nghoid.

1 KHOKHAM 21:8

Hau: thang: nyang: gi mougsoug" dadu zoo: lhid" lho: houg moo Ahab da" lo, xoem" lhid"- nya: dazid thung" lho: Yezrela mo moo" voin bang: yo' byumyu" yi da" vhujhung: yi jang" khyoo: foin: kaid bye:.

1 KHOKHAM MHOOMYID: 2:51

nya: yuggi zoo: eig yug ein: yug nghoid da" Salma gi Bedlehem voogung ri de: da:. Houg: lho: nya: yuggi zoo: soem" yug ein: yug nghoid da" Harepha gi Betgadera voogung ri de: da:.

COUNG" NGHEI 132:6

Bedlehem voogung moo Dang: Theing Kuid: khyoo: ri ngoonu" shau" gyo: lho: hau: Kuid: ri Yearim da" dain" moo: ngoonu" myang boem bye:.

DANG: ZHOEM 14:1

Myiyi: yi da" phajhi" juyhi: yo'-yhoem: ri zhoug too" nghoid loug we'-ko" fang: da" khyoo: gi hau: yhoem: ri lhu: phyo' sain" pyam nyid.

DANG: ZHOEM 31:23

Nya: yhoem: seing: phoo gi myeing gyi: lho: mung" byu yiri shu" vhu" she: nyid da- byuzeing dayug nghoid nyid.

YEREMIA 32:10

Ngoo gi lo, xoem" lhid"- dazid thung" wigi sagse: koid to" lho: jang mo ngei leig byid: bye:.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

MATHE 2:6

‹Yuda mung" mo nang Bedlehem we"- Yuda voogung yi tho' moo Nang je nge nyid zi anghoid. Nga" da" amyu" Israela ri shu" vhu" khu: wa da" zoug: gi nang mo thu' loo wa ga: wigi nyang: ri tid kyo" boem.›»

TARHA" TID POIN" 25:7

Nghoid loug we' shid: byug su: da" nya: nhung" gi nyang: ri cougmoo" myhi' ri anau koid: nghoid rigi hau myiyi: gi voogung mo vhujhung: yi jang" khyoo: yhe: wigi ‹Nga" yhoem: seing: pho da" nya: nhung" gi nya: moo" ri anau voin nghoid da:. Nyang: gi Israela byumyu" yi akhoug: moo nya: mang: da" amyed ashen ri anau xo' ga: he: pyam da› ga: tid baja".

TARHA" TID POIN" 25:9

Nya: mang: da" cougmoo" myhi' gi voogung vhujhung: yi da" shidkhoin" mo nya: jang" khyoo: yhe: wigi nya: khyid: baid dashoid mo khyoid pyam byid: ziyo' nya: myonhoo: moo shakain" byi" gyoin: lho: ‹Nya: mang: da" amyed ashen anau xo' byid: ga: he: su: gi hid: su" bue" da› ga: tid baja".