RUTHA 4:10 - Lacid Common Language Bible

¹⁰ Hau: tho' mo gootu: shid: bye: su: da" myeing ri nya: mang: nya: nhung" yi da" phung: mo we' nyang: nyid da" voogung khoug: mo we' athang byug sho' nya: da" agyid asoo: moug: moo nya: myeing ri tab too" wa shid re" Mahalon da" cougmoo" myhi' Moba myiyi: Rutha ri nga" myhi' zeing koid wa ein: ngoo qei yu bye: khyoo: ri we' akhid" nyid" nanu" gi nga" sagse: yi nghoid bye:» ga: tid.

RUTHA 4:10 교차 참조

APOEM AYANG: 29:27

Lo, xo' pui" labain lid sho' lang" shi" we'. Nang khyo" nyhed zain lang: jhang doem xo' koid nghoid rigi Rakhela ri we' byid: wa» ga: tid.

APOEM AYANG: 38:9

Nghoid loug Onan gi yo" loo wa da" zooshang: gi nya: zoo: khyo" myeing ashau" myheing wa ziri si' yoomo nya: mang: shid re" zooshang: ayo" yoo" wa shid re" nya: mang: da" cougmoo" yo' yhoeb khang" moo" nya: da" myoug: shi" yeing ri myid khyoo: kyeing" khyo' pyam.

COUNG" NGHEI 109:15

Aseing gi Nyangnu" da" yooboo joem ri khanham we' daboin: nyid: nyid baja" Nghoid loug we' Nyangnu" nyang: bain sho' to" myhed pyam zi shoug" nyid goo" baja".

COUNG" NGHEI 34:16

Nghoid loug we' nyang: gi akhyeing" ashoeb moo" zei: mo, ri thougtheung nyid. Hougsu" koid da" khyoo: gi mougmyid moo: nyangnu" shid: lo" uri nyangnu" gi houg: lang" to" myhed pyam zi ashoug" wa shid re" nghoid.

DANG: ZHOEM 18:22

Yhoem: seing: myhi' shoug" yu rigi ge zi shoug" yu khyoo: nghoid nyid. Hau: zigi Aseing nang ri gi koid byid: zi nghoid.

DANG: ZHOEM 19:14

Byu dayug gi yhoem: yo' ngei ri nya: myhi' pho, lo, mo shoug" seung: yu da- nghoid loug we' nheig bo da" yhoem: seing: myhi' ri yo" byid" su: gi Aseing za: danghoid.

ESAIA 48:19

Re" amyed ashen yigi midcoo: yhang: ti" myo: loo wa. Nyangnu" khanham we' phyo' shoin' pyam ashau" goo" wa ein: ziri ngoo si' nhang: wa» ga: tid da:.

HOSEA 12:12

Ngoonu" da" phoug" phyid" Yaku gi Mesopotamia khyoo: yhoem: seing: myhi' yhe: yu wa shid re" phang: loo" ca" bye:. Hau: jo yoo moo byu dayug shid re" moo" zei: lho: nya: da" yang joem ri zung" byid: da:.

HOSEA 3:2

Hougsu" yoomo ngoo gi ngei daxe: wim: pyi" yo' Yoono, 7 tang yo' nyang: ri qei yu bye:.

ZEKHARIA 13:2

Hau: bidnyid ri ngoo gi mungdain: mo yu phara" soolhoo: dangain" ri hang" we' aboin: loosho' shoem" khyo' pyam' wa. Mhau' da" lapi: yi yo' soolhoo: ri no' nau da" emyed joem ri we' shoem" shoung: pyam' wa nghoid.

MALAKHI 2:14

Nanu" gi ‹Ciwim wigi Aseing ngoonu" da" xoin" ri akham: yu lha"› ga: myid nyid ago". He: khyoo: gi nang zooyam yo, ri lo, xo' to" da" myhi' zeing ri byid: to" da" dangsoo" phyo' pyam ziri nyang: se' nyid yoomo nghoid. Nyang: gi re" yhoem: seing: myhi' nghoid bye:. Nya: atho' moo ngoo dang: zung" wim bye: ga› Aseing ri thang" cab koid lho: dangsoo" byid: too" nghoid loug we' nang gi nyang: ri mhau' pyam abye:.

Ephesu 5:25

Yhoem: seing: pho, we"- Khristu gi hau: phung: ri jheddab yoomo hau: shid re" kangso' ab, noung" pyam byid: yhang: ti"- nanu" da" yhoem: seing: myhi' yi ri hougsu" jheddab nyid ge'.

TARHA" TID POIN" 25:6

Nya: tang: mo yo" re" da" zooshid" yuggi zoo: ri shid: yug da" nya: zoo: khyo" myheing yu ca" da:. Houg: lang" nya: yhoemkhung: gi Israela moo xo' jo, yhe: loo" wa nghoid da:.

HEBRE 13:4

Lo, xo' khyoo: rigi byu dangain" mo, phau" myang: coung" nghei byid: nyid boem yoomo yhoem: seing: phoo yhoem: seing: myhi' gi dayug yo' dayug- zed" lhed' nyid boem ca"- Mangsoo gi akyang" byo, yoin" lho: myi: lhoid' lang lhoid bang: ri Tarha" dang: phyed loo wa zi nghoid.

YOSHU 7:9

Khanan byumyu" yi yo' mungdain: mo gootu: yugkhang" moo" gi hau: khyoo: ri shau" gyo: ri" goo" wa. Nyangnu" gi ngoonu" ri re" vang: lheing wigi ngoonu" yugkhang" moo" ri re" said pyam ri" goo" wa. Houg: lang" re" ngi: ri goem loem wa shid re" nang cikoid wa lha"» ga: tid.

RUTHA 4:9

Houg: lang" Bua gi zau ludaid yi yo' mung" byu yiri «Elimeleg da" agyid aso: moug: ein: da" Khilion da" agyid asoo: dangain" yo' Mahalon da" agyid asoo: dangain" Naomi da" lo, mo ngoo qei yu bye: da" khyoo: ri akhid" nyid" nanu" gi nga" da" sagse: yi nghoid bye:.