RUTHA 2:13 - Lacid Common Language Bible

¹³ Rutha we' «Aseing: we" nang gi ngoo ri gye" nheig khyeug shoo" myen: abye: da:. Ngoo gi re" dei zoo: myiyi: nu" yi yo' lang" adu go" ziri aseing: nang gi dang: main dang: coug: yo' ngoo ri nheig teing byid: lho: re" join myhi' ri gau yi nhang: bye:» ga: tid.

RUTHA 2:13 교차 참조

1 SAMUELA 1:18

Nyang: gi «Nang ngoo ri khanham we' nheig khyeug shoo" myen: wa shid re" daboin: nyid we' o"» ga: tid. Hau: thang: ri nyang: ri nheig akug nyid loo za: zoo: shug dajhi' zo: wigi thu lo" byug bye:.

APOEM AYANG: 34:3

Nghoid loug myiyi: nu" gi gye" yung" yoomo nyang: hau: myiyi: nu" ri jha" yu" jheddab wigi jhed kang: dang: jha" sang: bye:.

APOEM AYANG: 33:8

Eso gi «Ngoo shoug" goo" kho' da" phung: gi cite" zi nghoid. Houg: gi ce: dang: kang: nghoid» ga: wigi myid:. Yaku gi «Houg: bang: gi re" jang" mo myonhoo: yo" yu wa shid re" nghoid» ga: tid.

PHILIPI 2:3

Phau: khuang nghoid boin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein:- khanham we' myid yu zoore"- sube" vhoo: moo khyo, nyhoem: zoem" khau: nyid ge'.

2 SAMUELA 16:4

Khokham gi Ziba ri «Mephiboshed seing: da" dangain" re" zi nghoid da» ga: tid. Ziba gi «Ngoo gi re" dei zoo: nghoid- khanham we' aseing: khokham ri nheig dab nyid wa zi nghoid» ga: phug tid.

1 SAMUELA 25:41

Abigela gi phyang" gung khyoo: goed pid lho: ngoo gi nya dei: zoo: yi da" khyid: cid" byid: wa shid re" jen" jen" nghoid nyid da" nya: dei zoo: dayug danghoid:.

APOEM AYANG: 43:14

Myhang: thang Mangsoo gi hau: nheigboo phoo gi nanu" ri nheig khyeug shoo" myen: nyid baja". Nyang: gi Benyamin yo' nanu" mang: nhung" phoo Simun ri nanu" lo, khyoo: doem tau" ab kaid baja". Ngoo nya: shid re" koem' gi ngoo nga" zooshang: yiri ci: phyug pyam nghoid rigi byug loo" baja"» ga: tid.

APOEM AYANG: 33:15

Eso we' «Houg rigi nga" byu dayham" ri nang yo' bo nyhid: khoo' ba» ga: doem tid. Nghoid loug Yaku gi «Aca" wa nghoid- ngoo gi re" da" myonhoo: byid: khyoo: ri kyeing" za: davho:» ga: wigi tid kaid.

APOEM AYANG: 33:10

Yaku gi «Hougsu" anghoid wa. Ngoo ri nang myoo, nhoo: byid: nghoid rigi jeju" mo nga" jhungshug ri kham: yu byid: we'. Nang ri myang zigi Mangso myonhoo: shau" myang ti" nyang: nghoid bye:. Akhid" nang khyo" ngoo ri jhed jhed kang: kang: koid abye:.

DANG: ZHOEM 15:33

Aseing ri gyoug phau" khyoo: gi phajhi" nyang: nghoid bye:. Nang coung" nghei ngi: shab khyoo: yo" yu noug su: nghoid rigi nheigloem: khyo' nyhoem: lho: nyid we'.

TARHA" AGYI 19:3

Hau: thang: hau: yug gi nya: thang: khyoo: cang yhi: wa myid phyed lho: nya: jhang doem cang tau" loo wa shid re" yhe: mhid" shu" wa soin' da:. Nyang: gi nya: dei zoo: yo' loo zei: eig du: ri nyang: yo' dage" shu" yhe: da:. Hau: myiyi: myhi' gi Levi byu ri nya: pho yhoem: khyoo: shu" vang yhe: lho: nya: pho hau: yug ri myang lang" ngei bu tung" lhoem: tau yu da:.

RUTHA 2:12

Re" lo, moo" yoomo Aseing gi nang ri mainkaid byid: baja". Coung: goem byid: wa shid re" nang nghe: khoug: vang lo da" Israela Mangsoo gi nang ri myo: tham: da" aphoug" shang" byid: nyid baja" o"» ga: nyang: ri tid.

RUTHA 2:14

Hau: lho: voem: zoo: yo, moo Bua gi Rutha ri «Loo we' voem: lo zoo: we'. He: gyid xoin" jhen: yeing moo zooyho' joem lho: zoo: we'» ga: tid. Houg: lang" gug yham" bang: yo' dage" lo zhung: jo, lho: Bua we' nyang: ri gug gyoo" byid:. Nyang: we' zo: gyi: lho: deing lang" deung ashi".

APOEM AYANG: 32:6

Lagyoo: yigi Yaku jhang doem tau" ju" lo ri nyangnu" gi «Ngoonu" gi re" mang: Eso jhang yhi: bye:- houg: lho: nyang: gi nang ri tau yu wa shid re" lang" nyid bye:. Nyang: gi nyang: yo' dage" byu myid: shoo: yug nyid» ga: wigi tid kyo" boem.

HOSEA 2:16

Hau: thang: nyang: gi ngoo ri nya: yhoem: seing: phoo khyo" doem ji loo wa. Nyang: gi ngoo ri nya: da" Bala ga: amyheing loo wa.