RUTHA 2:12 - Lacid Common Language Bible

¹² Re" lo, moo" yoomo Aseing gi nang ri mainkaid byid: baja". Coung: goem byid: wa shid re" nang nghe: khoug: vang lo da" Israela Mangsoo gi nang ri myo: tham: da" aphoug" shang" byid: nyid baja" o"» ga: nyang: ri tid.

RUTHA 2:12 교차 참조

COUNG" NGHEI 17:8

Nang gi nanya: myojid" ri yhang: ti" ngoo ri goem coung: nyid. Akhyeing" ashoeb mo, da" gyi koid lo jang" mo ngoo ri re" da" dung soo" yoeb khoug: moo nghoeb shang ci: byid: we'.

COUNG" NGHEI 19:11

Hau: zigi re" dei zoo: ngoo ri lasi phajhi" byid: nyid. Ngoo gi hau: khyoo: ri cang loo" yoomo ngi: shab jhungshug byid: zi shoug" nyid.

COUNG" NGHEI 36:7

Mangsoo we"- re" da" geung: teung jhed khyeing: kang: khyeing: gi khayhi' gyeing" phoug" dab, jo, lha" Re" da" dung soo" yoeb khoug: moo khau: nghi: joyoo ngoonu" yo" nyid boem.

COUNG" NGHEI 57:1

Ngoo gi re" jang" moo: yo" gau: nyu: nyid wa ju" ri" bye: yoomo ngoo ri nheug khyeug yu byid: we'. Uglid zeing hau, lid: lo" ayo, ju" sho' re" dung khoug: moo ngoo khau: nyid wa.

COUNG" NGHEI 58:11

Deing: byeung" bang: gi gyeing" nyang: phoug" tab, ngi shab jhungshug ri shoug" kham: yu boem wa. Mougmyid ri tarha" dang: phyed wa Mangsoo gi gyeing" nyang: nyid nyid ga: wigi byu yi tid loo, wa zi nghoid.

COUNG" NGHEI 61:4

Nga" da" pyaid goin" re" da" gyeung" shang: joyoo mo ngoo ri nyid nhang: we'. Re" da" dung soo" khoug: moo ngoo ri gau: nyu: nhang: we'.

COUNG" NGHEI 63:7

Khasu" wim ga: ri nang gi ngoo ri khanham we' pang" thoug su: nghoid. Re" da" dung soo" yoeb khoug: moo ngoo gi gau, yi jikhoin" khoin" nyid.

COUNG" NGHEI 91:4

Nyang: gi nang ri nya: dung soo" joem yo' yo" nghoeb shoung: ci: wa zi nghoid. Nya: da" yu" goin' yu" coung: jang" moo nang gau: nyu: nyid wa zi nghoid. Nya: da" nheigloem: zung" da" khyoo: joem gi nang ri goem loem lhoug zung" byid: nyid wa zi nghoid.

DANG: ZHOEM 11:18

Akhyeung" da" byu yigi gyeing" nyang: ci" we' yo" yu wa zi anghoid. Nghoid loug we' deingmain" da" khyoo: ri nang dazei: nyid nghoid rigi coung" nghei ngi: shab jhungshug ri nang deing" deing shoug" khau: yu wa zi nghoid.

DANG: ZHOEM 23:18

Hougsu" nghoid rigi re" da" shid vhu" mo khyoo: gi gye" younglho' nyid wa zi nghoid.

YEREMIA 31:16

Nang ngau nyid ziri theing: pyam we'. Houg: lho: re" ngau byid joem ri soid pyam we'. Re" zooshang: yi shid re" nang koid da" moo" dangain" aphoug" jhungshug ayoo" loo abui" wa. Nyangnu" gi gyivoo yi mungdain: mo doem tau" lo boem wa.

MATHE 23:37

«O" Yerusalem we" Yerusalem voogung we"- nang gi Lapi: yi re" jhang khyoo Mangsoo nhang: kaid da" lagyoo: yi ri luggo, yo" du" said gyo, vhoeb' zheung gi gyo, nu" yi ri nya: dung soo" khoug: moo khe: zheung" kaid to" yhangti"- ngoo gi re" meing: byu yi dangain" ri khayhi' khe: zheung" too" noug loug we' nang nu" nyang: agyoo: nghoid ago:.

MATHE 5:12

Gauyi zoore" pyoo" pyoo: danyid ge'. Khasu" wim gari mougkhung: tho' moo nanu" da" vhu" kung: phoug" gi gye" myo: jo, bye.

MATHE 6:1

«Subi" myang baja" ga: nyangnu" shid khoin" moo nanu" myonhoo: sho: da" moo" ri azei: wa shid re" zed" nyid ge'. Houg: su" anghoid rigi Mougkhung: tho' moo nyid da" nanu" nya: pho, jang" mo aphoug" ri yo" yu goo" wa zi anghoid.

LUKA 6:35

Nanu" gi gyivoo yi ri jheddab ge' Jeju" koid: ge' daja: ja: khyalhang" doem yo" yu abe ein: amyid nyid loo:- jhid" byid: nghoo" byid: ge'. Houg: su" koid: nghoid rigi Nanu" gyi: thang da" jhungshug ri yo" yu wigi myhang: thang da" Mangso da" nya: zoo: yi nghoid boem wa. Hau: Aseing: gi jeju" ase' boin: mo, yo"- akhyeing" ashoeb mo, ri jeju" koid: nyid.

KOLOSE 2:18

Ladu lid' sho' shoid vhang: da" khyoo:- nyang: tu: nya: da" gung du: ri khyo, nyhoem: pyam' wa ziyo' moug: lagyoo: yi ri no" ca" ga: goozu: xen, da" yoeb, myang yo" we' shoid vhang: da" khyo, nyhoem: khyoo: moo nyhen" zei: nyid bang: yo' moug: lagyoo: yi ri noku da" khyo" we' nyang: nya: gung du: ri dangain" tho' moo je" nghoid thang su: ga: khyo" tid phau: nyid mo, -hang" su: wigi we' nanu' ri yoobo dang: phyed' wa da" akhang" abyid: goo"- Houg: yhang: te" da" byu yi gi ce: sei abo da" xang: su: myid soin: khyo" nyang: nya: gung ri tid phau: yu lho.

2 TIMOTHI 1:18

Aseing: gi nyang: ri hau: tarha" dang: phyed' da" bidnyid moo nheig khyeug khyoo: byid: baja"- Ephesu voogung moo nyang: gi ngoori khayhi' pang" thoug bye: khyoo: ri nanyang: goo" lhoo: si' bye.

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

HEBRE 11:26

Nyang: gi Meshia shid mo juang" yi boem zi shau" wa shid re" gi Egutu soid' gain' dangain" tho' moo gi je ge nyid"- ga: myid soin: bye. Khasu" wim gari nyang: gi ju" loo wa da" ayo, moo shau" kham: yu wa da" myonhoo: ngi shab, jhung shug ri nheig byu lho: dalang" nyid.

HEBRE 11:6

Loem" jeung" zi abo nghoid rigi hang" we' Mangsoo vho: ngei zi ayo" bui. Khasu" wim gari Mangso jhang khyoo: yu: vang loo" mo, hang" we' Mangsoo nyid nyid ziyo' nyang: ri cang shoo: bang: ri jeju" toug" byid: nyid ein: da" khyoo: ri yo" loem" jeing" su: nghoid wa zi nghoid.

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

RUTHA 1:16

Rutha koem gi «Nang ri too" kho' lho: re" jang" moo acang loo wa khyo" ngoo ri ajhoin" nyid. Nang ju" da" joyoo khyi' khang" moo" moo ngoo cang ju" loo wa. Re" byumyu" gi nga" byumyu" nghoid. Re" Mangsoo gi nga" Mangsoo nghoid baja".

RUTHA 2:11

Houg: lang" Bua gi «Re" yhoem: seing: phoo shid: thang: ri re" nid ri nang dei zhoo" dei zhug da" khyoo: we' nang gi re" myhi' phoo yo' co' phyid moug: ri too" kho' lho: shid phyang" asi' go" da" byumyu" yi jhang khyoo: ju" re" da" khyoo: we' ngoo ri jid" jid" nug nug zheung: tid kyo" boem bye:.

RUTHA 2:13

Rutha we' «Aseing: we" nang gi ngoo ri gye" nheig khyeug shoo" myen: abye: da:. Ngoo gi re" dei zoo: myiyi: nu" yi yo' lang" adu go" ziri aseing: nang gi dang: main dang: coug: yo' ngoo ri nheig teing byid: lho: re" join myhi' ri gau yi nhang: bye:» ga: tid.

RUTHA 4:15

«Re" dumoo" gi nang ri jheddab ziyo' yug gi zoo: nyhed yug tho' akyu" je bo da:. Akhid" nyang: gi zooshang: khu: byid: bye:. Hau zooshang: gi re" da" byunyid gyung: khyoo: aseig doem yo" loo nhang: wa su:- nang ri pyaid thang sho' yo" goin coung: byid: wa su: bue" loo wim bye:» ga: mainkaid dang: ri tid byid: boem bye:.

1 SAMUELA 24:19

Byu gi nya: gyivoo khanhoo' lheing: shoug" myheig nghoid loug we' noo ashau" nhang: lho: za: nhang: kaid go" lha". Akhid nyid" nang ngoo ri koid byid: bye: moo" zoo" yoomo Aseing nang ri mainkaid byid: baja" o".

1 SAMUELA 24:20

Akhid" nang gi Israela khokham bui" wa zi nghoid ziri we' hau: mung" dain gi nang vhoeb khang" da" akhoug moo xo' wigi geing: teing jo, wa ziri we' ngoo gyeing" nyang: se' nyid da:.