RUTHA 1:14 - Lacid Common Language Bible

¹⁴ Hougsu" ga: lang" nya: eig yug gi gyi" sho' doem ngau ago". Orpa gi nya: nid ri boo bug bug lho: vhu" too" khari" bye:. Nghoid loug we' Rutha koem' gi nyang: moo za: da jha" pu" lhang" nyid.

RUTHA 1:14 교차 참조

DANG: ZHOEM 18:24

Bid noem dayham" gi myang" sho' akham' nghoid ago". Nghoid loug we' bidnoem dayham" gi co' xo' mang: nhung" yi tho' moo: je ge nyid ago".

MATHE 16:24

Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid.

MATHE 10:37

«Hang" nghoid loug- ngoori jheddab da" tho' moo nya: myhi' nya: phoo ri je jhed' dab, rigi hau: yug gi ngoo yo" amoin: yi. Hang" nghoid loug- ngoori jheddab da" tho' moo nya: zoo: yi ri je jheddab nghoid rigi hau: yug gi ngoo yo" amoin: yi.

HEBRE 10:39

Ngoonu" gi doem tau" zoid phang: lo" da" byu yi anghoid loo: za: loem" jeung" lho: khyoid yu shau" da" byu yi nghoid nyid boem bye.

MATHE 19:22

Nghoidloug we' hau: zoolu: phoo gi zi gye" yo" sathi" nghoid yoomo Yesu da" dang: ri shau" gyoo: lang" nheigloem: apyo: zoore" thu' loo" khare".

ZEKHARIA 8:23

Hau: da" bidnyid moo tungbau byumyu" daxi: yug gi Yuda byu dayug thang: moo re" lho: Mangsoo nanu" yo' nyid ziri ngoonu" shoug" gyoo: bye: yoomo ngoonu" we' nanu" da" vhu" pi: lo, kyo' khoug: moo bo nyid nau› ga: tid lo boem wa ga: yoem: moo" bo da" Aseing tid.

ESAIA 14:1

Aseing gi nya: byumyu" Israela ri dalheing: doem nheig khyeug byid: lho: nya: byumyu" khyo" nyangnu" ri doem khyen: yu loo wa. Nyangnu" nya: mung" moo nyangnu" ri doem nyid nhang: wa. Tungbau byu yigi ju" re" lho: houg moo nyangnu" yo' dage" re" nyid boem wa.

DANG: ZHOEM 17:17

Bid noem nyang: cang" gi khanham we' jheddab nheigloem: yo" toin" shed go" da- yau: khi" shoug" nyid" ri apang" thoug da" mang: nhung" gi" ce: akyu" bo lha".

1 KHOKHAM 19:20

Hau: thang: Elisha gi nya: nu: gab ri too" kho' wigi Elia thang: khyoo: cang tang" lho: «Ngoo ri nga" myhi' yo' phoo ri babug bug lho: u" kaid nhang: shi" we' hau: thang: nang yo' dage" ngoo cang ba» ga: tid bye:. Elia gi «Gi bye:- tau" loo" we' nang ri ngoo toem too" wa zi anghoid.

TARHA" TID POIN" 10:20

Nanu" Aseing Mangsoo ri gyoug phoug" lho: nyang: ri kyeing" noku ge'. Nyang: moo jhug zug nyid ge'. Nanu" da" dangsoo" joem ri nya: myeing ri kyeing" lang: lho: koid ge'.

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

ACTS 17:34

Byu dayham" gi Polu da" thang: cang wigi Yesu ri loem" jeung" lo boem ago". Houg: bang: mo Dionusi ga: da" Aripagu kongsi: phung: moo bo da" tarha" agyi Damari ga: da" myiyi: dayug we' bo da- mung" byu yi dayham" bang: we' bo da.

APOEM AYANG: 31:55

Thang: nab soin: ri Laban gi nya: myid: zoo: yi yo' nya: zoo: tang: ri babug bug lho: vhu" too" kho' wigi yhoem: khyoo: tau" loo" bye:.

APOEM AYANG: 31:28

Nang gi nga" myid: zoo: yi yo' nga" zoo: tang: ri vhu" kaid da" babug lhang" abug nhang:. Hau: zigi koo" moo" danghoid.

TARHA" TID POIN" 4:4

Nghoid loug we' nanu" Aseing Mangsoo ri dang: zung" nyid da" mo, nanu" gi akhid" nyid" ju" sho' dei nyid boem ashi".

RUTHA 1:13

houg: bang: gyi: loo sho' yo" lang" nyid goo" wa la". Dayug yug wigi lo, xo' yu nau jang" mo re" tang: ri toem' too" byid: ti" abui" wa goo" la". Agi wa nga" dumoo" tang: we' age bue" khyoo: ri re" tang: we' si' gu nghoid. Aseing gi ngoo ri jhoug" mho' ga: ri re" tang: shid re" gye" myid apyoo: jang: bui" bye:» ga: doem tid.

RUTHA 1:15

Houg: yoomo Naomi nyang: ri «Rutha we" re" bi: gi nyang: nya: byumyu" yo' nyang: nya: yu phara" jhang khyoo: doem lo" abye:. Nyang: yo' dage" dacang loo" we» ga: tid.

2 SAMUELA 19:39

Hau: thang: David yo' nya: byu dangain" mo, gi Yodan gyid lang ri gu: dab loo" bye:. Nyang: gi Barazilai ri babug bug wigi nyang: ri mainkaid byid: thang: ri Barazilai yhoem: khyoo: doem tau" loo" bye:.

RUTHA 1:7

Nyangnu" gi Yuda mung" khyoo: dage" doem tau" loo" wa khyo" nghoid bye:. Nghoid loug we' houg: moo

RUTHA 2:11

Houg: lang" Bua gi «Re" yhoem: seing: phoo shid: thang: ri re" nid ri nang dei zhoo" dei zhug da" khyoo: we' nang gi re" myhi' phoo yo' co' phyid moug: ri too" kho' lho: shid phyang" asi' go" da" byumyu" yi jhang khyoo: ju" re" da" khyoo: we' ngoo ri jid" jid" nug nug zheung: tid kyo" boem bye:.