Roma 4:2 - Lacid Common Language Bible

² Nyang: gi nyang: koid' - ge da" leig yu jang: yoomo Mangsoo: da shid' khoin" moo deingbyeing" khyoo: dayo" yu nghoid rigi - nyang: moo myo nhoo: sho: lho: phau: khuang cang bo. Nghoidloug we' nyang: gi Mangsoo: sheud' khyoo: gi hougsu" myonhoo: sho: phau: khuang khyoo: akoid'.

Roma 4:2 교차 참조

APOEM AYANG: 12:18

Houg: lang" khokham gi Abram ri khe: yu lho: myid: zigi «Nang ngoo ri cikoid mhoug lha". Nyang: gi re" yhoem: seing: myhi' nghoid khyoo: ce: gang mo ngoo ri atid kyo" lha".

APOEM AYANG: 12:20

Khokham phoo gi nya: byu yiri amyeing" byid: yoomo nyangnu" gi Abram ri shu" ci: lho: nya: yhoem: seing: myhi' yo' nyang: yoo" mooyoo" dangain" yo' dage" nyang: ri mungdain: khoug: mo thu loo" nhang: pyam bye:.

EZEKIEL 8:9

Nyang: gi ngoo ri «Vang yhe: wigi hau: joyoo moo nyangnu" koid da" akhyeing" moo" aco' ajhoid moo" joem ri yu" we'» ga: tid.

Roma 15:17

Houg: yoomo ngoo gi Khristu Yesu yo" dadeing: daloem: za: nyid lho: - Mangso: da" moo" ri yo" voin nyid yoomo ngoo yo" nghoid boin: nyid bye.

1Korinthians 1:29

Hid: yhang: ti" koid da" khyoo: gi Mangso da" shid khoin" moo- hang" we' ayo" phau khuang wa shid re" nghoid nyid.

1Korinthians 1:31

Houg: su" nghoid yoomo- jhoem: mungdang: moo: tid to" ziyo' dakhyoo" ti hang" nghoid loug we'- phau: khuang nau rigi- Aseing wigi: zei: bye: da" moozoo" yoomo- phau: khuang nyid goo" baja".

1Korinthians 4:7

Kha: youg wigi: nang ri- sube" tho' moo: je nghoid ga: tid nyid la" nanu" yo" da" zi dangain" gi Mangsoo byid: to" zi anghoid goo" la" Hougsu" nghoid ri nanu" yo" yu to" da" zi dangain" gi jeju" jhung: shug anghoid yhang: ti" nanu" phau: khuang nghoid boin: khyoo: gi ce: noem' yoomo koid nyid go" lha"

1Korinthians 9:16

He: da" ngei bu: lu dang: ri ngoo kho" kyoo" yoomo- nga" shid re" ce: phau: khuang nyid wa joyoo aboo- khasu" wim ga: ri ngoo gi Mangso amyeing" byid: to" ziyo' dakhyoo" ti" ngoo akho" kyoo" loo: za: ayo" nyid loo. Ngoo hau: ngei bu: lu dang: ri akho" kyo" nghoid rigi- nga" shid re" khayhi' mo gyoug pho" ja: nghoid wa lha"

2~KORINTHU 11:12

ngoonu" koid ziyo' dakhyoo" ti"- nyangnu" we' lhoung koid yu" ga: wigi gootu: lagyoo: yi tid phau: khuang jang: yoo" baja"- akhid" ngoo koid yhang: ti"- xo' lho: we ngoo koid shi" wa.

2~KORINTHU 11:30

Ngoo phau: khuang wa nghoid rigi ngoo khayhi' yoem: nu: da" khyoo: ri phau: khuang wa zi nghoid.

2~KORINTHU 5:12

Hidsu" ein: tid jang" moo ngoonu" gi-nyang: tu: nya: da" ge khyoo: ri nanu" da" shid khoin" moo phau: khuang shug nyid zi anghoid ngoonu" da" atho' moo nanu" ri yo" phau: khoung wa shid mo za: nghoid nyid. Nanu" gi byu dayug ga: asam" awed, ri ayu" loo: za: nghi: zain, asam:" aved, ri za: yu" wigi phau: khuang si' mo, nghoid ziri agung: yab shug wa nghoid ago".

GALATI 3:22

Nghoid loug we' mougmyid gyab goin" gi hau: youg: noo yoobo wigi nghoeb, boem" pyam' bye, ga: wigi jhoem: mougsoug" moo tid nyid hougsu" nghoid yoomo Yesu Khristu ri loem" jeung khyo" wigi byid: wa ga: da" dang: soo" jeju" agyid asoo: ri loem" jeing" bang: ri byid: nyid.

PHILIPI 3:9

Ngoo gi toung: to" da" tarha" ri cang byeung" yhe: lo" khyo" wigi deing" byeung" khyoo: ayo" yu- akhid" Khristu ri loem" jeung" lo khyo" wigi deing byeung" khyoo: ri ngoo yo" yu bye_ hau: khyoo: gi loem" jeung" yoomo Mangsoo byid: da" nheig khyeug jeju" jhung: shug za: nghoid nyid.

YOSHU 24:2

Yoshu gi byumyu" yi dangain" bang: ri «He: zigi Israela da" Aseing Mangsoo tid da" dang: nghoid da:. Hau: zigi ‹Goonham- nanu" phoug" phyid" yigi Uphrad thei: tab moo nyid wigi yu phara" gootu: ri no' bang: nghoid ago". Hau: phoug" phyid" yi mo dayug gi Abraham yo' Nahora tang: da" nya: phoo Tera nghoid da:.