Roma 3:5 - Lacid Common Language Bible

⁵ Nghoidloug we' byu dayham" gi - ngoonu" zei shoid' vhang: khyoo: gi - Mangso: da deungmain" khyoo: ri je myang loo nhang: zi nghoid la". ngoonu" ri dam kaid' zigi atarha" ein: wigi ngoonu" tid wa la". (Hidsu" ngoo tid zi gi - byu yi lhoung tid zi yo" dakhyoo" ti" nghoid)

Roma 3:5 교차 참조

Roma 6:19

(Nanu" gi gungsho" nheigloem: khyo" ase' gyoo: yoomo lei da" dang: khyo" tid nyid). Goonham' gi age akhyeing da khyoo: aja: ja: ri zei: wa shid' re" - nanu" nya: da" gungdoem: ri - anyhoin: athoung" aco' ajhoid' khoug: moo join khyo" bain sho' ab pyam' boem bye. Houg: yo' dakhyoo" ti" - akhid" nanu" gi - gyeungshang: ge thang da" moo" ri zei: wa shid' re" nyang: tu: nya: da" gung doem ri - deingbyeing" da" khoug: moo join gyeing" khyo" nanu" gung ri ab pyam' ge'.

GALATI 3:15

Nga" mang nhung" yi we"- nyid" khang" moo" thoung" shau" nyid da" khyoo: jhoem, ri ci: lho: dang: tu, daloem: ri ngoo tid ba,- byu eig yug gi moo" daja: ri myid veing" go" lho: dang: soo" too" go" da" mougsoug" lhid" go" ci: thang: ri hau: da" ziri hang" we' nya: myid khyo" yo" phyo' pyam' wa zi anghoid- yo" kaid' lung: wa zi anghoid.

1Korinthians 9:8

Nyid khang" moo" bue" nyid da" he: dang: khyang" za: we' anghoid shi"- tarha" khyoo" moo: we' houg: yo' dakhyoo" ti" tid nyid.

Roma 7:7

Hougsu" nghoid rigi ngoonu" khasu" ein: tid boem wa lha". Moshe da" tarha" gi yoobo da" tarha" ein: wa la". Hougsu" age tid. Nghoidloug we' yooboo ga: zi ri Moshe tarha" wigi ngoori si nhang:. Gyeing" nyang: Moshe da" tarha" gi myo no, vhoo: age boo ga: atid' to" nghoid rigi myo no, vhoo: bo ga: zi ci: nghoid zi ngoo si wa zi anghoid.

Roma 4:1

Hougsu" nghoid yoomo ngoonu" Abraham: da" khyoo: ri myid yu" boem shang - nyang: thoung" shau" lo khyoo: gi hid vhoo: moo lhid" to".

Roma 2:5

Nghoidloug we' - nang gi u" loem' thain: ci: lho: wigi nheigloem: ayo" thid'. Houg: yoomo - Mangsoo: nheig yo; lo lho: - dain: khyo" tarha" dang: phyed' lo da" bidnyid ri - re" shid' re" je lid: da" yoo bo dam ri shau" kham zoo: wa.

NAHUM 1:2

Aseing Mangsoo gi nyang: ri mishi' zhang myang: loo mo ri ayo" zeung: kham. Nyang: gi nyang: ri thougtheung bang: ri shen" yhen nyid. Nyang: gi nheig yo: ziyo' nyangnu" ri latoo: phug nyid su: nghoid.

Pang Shug 18:20

Moug: khung: moug: di we"- hau voomoo" byo, yoin" pyam' bye: yoomo gau, yi nyid loo: ge'. Mangso byu yi yo' lagyoo: yi, lapi: yi we"- gau, yi nyid ge' Khasu" wim gari Mangsoo gi nanu" ri nyang: koid lid lo ziyo' dakhyoo" ti"- hau: voomoo" ri yoobo dam, kaid' bye.

Pang Shug 15:3

Nyangnu" gi Mangso dei zoo: Moshe yo' Yang nu" da" shid khoin" moo zheung: yab, jo, boem wigi " Moug: thu' xang: poin: mo wigi danyid nyid da" Mangsoo we"- Nang koid da" moozoo" gi gyi: thang lho: mau" pho" zi nghoid nyid nhung: Byumyu" yi bain' sho mo, da" Khokham" phoo we"- Re" da" moozoo" joem gi jo ziyo' deingmain" zi za: danghoid nhung:.

1Korinthians 15:32

Byu da" myeing" khyo" tid rigi- Ephesu voo moo" mo da" myeing khuid" zeig ni joem yo' ngoo zain: go" zigi: nga" shid re"- ce: akyu" bo la" shid: byug bye: bang: ri adoem tu: to' dei loo nhang: nghoid rigi- dang: khyang jo, ziyo' dakhyoo" ti"- nyangnu" zoo: pyo: shug pyo: nyid boem shang ci yoomo ga: ri- nab, yo nyid" ngoonu" shid: lo" boem wam: bye.

Roma 12:19

Bid noem yi we" - khanham we' dam co' latoo: aphug goo. Mangsoo: za: dam co' latoo: daphug baja". Jhoem: mungdang: moo Mangsoo: gi - ngoo gi dam co' latoo: phug wa. Nya: yooboo yo" dakhyoo" latoo phug byid: wa ga: tid nyid.

Roma 6:1

Hougsu" nghoid rigi khasu" ein: tid boem wa lha". Mangso: da" jeju" ri je myo: loo wa shid re" yooboo khoug: moo daxo' loung" jo shi" wa la".

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.

Roma 3:7

Gyeing" nyang: Mangso: deingmain" khyoo: ri ngoo adeung amain" nghoid loug we' nya: deingmain" khyoo: ri je bang myang nhang: khyo" wigi mang" so: da" myonhoo: phung" yoeb ri je doug bang nhang: la". Ciwim gari ngoo yooboo shoid' vhang: su dayug khyo" yooboo dam kaid' zi shau" kham ca" wa la".

APOEM AYANG: 18:25

Nang gi deing" deing nyang: yooboo ayoo" mo, ri yooboo yoo" mo, yo' dage" said pyam wa su: anghoid. Nang gi hougsu" koid wa su: anghoid. Nang to' koid nghoid rigi yooboo ayoo" mo, gi yooboo yoo" mo, yo' dage" shen" yhen shau" boem wa nghoid. Hougsu" gi koid wa anghoid. Moug: gyab goin" mo tarha" agyi gi deing byeung" khyo" koid wa zi nghoid» ga: tid.

YOBA 8:3

Mangsoo gi tarha" deingmain" khyoo: ri khanham we' ane shoem' pyam. nyang: gi jo ziri koid wa khanham we' ato" pyam nghoid da:.

Roma 5:8

Nghoidloug we' ngoonu" gi yooboo shoid' mo danghoid nyid shi" uri Khristu gi ngoonu" shid' re" shid: kham too" bye. Houg khyo" Mangsoo: gi ngoonu" ri khayhi' jheddab da" khyoo: toin" shid' too" bye.

Roma 8:31

Tho' moo tid lid lo da" khyoo: ri agung kaid' lho: dang: thang: said' loo wa. Mangsoo: gi ngoonu" thang: dab jo rigi hang" we' ngoonu" ri yo" ung: wa zi anghoid.

Roma 9:30

ngoonu" tid nau da khyoo: gi hid: su" nghoid. Mangso: da" shid' khoin" moo deingbyeing" mo bue" loo wa shid' re" - yoem: akaid' da: tungbau byumyu" yi gi - Aseing Yesu ri loem jeing" loem" jeung" khyoo: khyo" - Mangso: shid' khoin" moo deingbyeing" mo yo" bue" lo da akhang" yo" yu boem.

2~KORINTHU 6:4

Kyi" kyeug jam jau khyoo:- shid: gyoin, noogyoin khyoo:- yau: khe" khyoo: joem ri gyi: sheung: nheigloem: yo' kham: zeung: wigi ngoonu" zei: lo da" klhyoo: khaid khang" moo" moo ngoonu" gi Mangso da" join' lang: jhang yi nghoid da" khyoo: ri datoin" shid boem.

2~KORINTHU 7:11

Nanu" da" nheig koug nheig shu: khyoo: ri Mangsoo: khakhyo" ci: nyid ziri yu" yu" ge". Hau zigi nanu" ri khayhi' nheigloem: too, nhang:- nanu" moo yooboo adab loo: ein: da" khyoo" toin" shid' nhang"- ge da" khyoo: ri byui" nhang: noug yoomo nheigloem: gye" to' lo ziyo' nheig dain yoo: nau khyoo" nheigloem: khoug: moo kham, zo: khyoo:- nanu da" loem" jeung" khyoo: moo nheigloem: zug zi shoid' vhang: su: ri shen" yhin wa shid re" jen" jen" nghoid nyid da" khyoo: gi khyoo: khaid gu: khang" moo" moo nanu" ce" yooboo adab loo: ein: ziri toin" shed nyid bye.

GALATI 2:18

Khasuwim gari ngoo xang: shed" ri lhu: phyo' sain" pyam bye: da" toung: to" da" tarha" akhyoo" ri ngoo deom tu: zhoug nghoid rigi ngoo gi toung: to" da" tarha" ri shoid vhang": su: nghoid ziri toin" shid nyid.