Roma 2:12 - Lacid Common Language Bible

¹² Moshe da tarha" ri dajhi' we' ase' da" Yuda byumyu" anghoid tungbau byumyu" tarha" shoid' lo" nghoid rigi - nyanu" gi tarha" ri asi' mo nghoid. Moshe tarha" ri se' da" Yuda byumyu" yi tarha" shoid' lo" ri nyanu" gi - lhid" to" tarha" moo tid to" zi yo" dakhyoo" ti" yooboo dam shau" kham wa zi nghoid.'

Roma 2:12 교차 참조

1Korinthians 9:21

Houg: yo' dakhyoo" ti" tungbau byumyu" yi da" akhoug: moo- moo" zei: nyid uri- nyangnu" ri Khristu jhang khyoo: yo" shu" yu sho'- Yuda tarha" ri acang loo: za: tungbau byumyu" dayug yhang: ti" ngoo bue" nyid.Hidsu" tid ri- ngoo gi Mangso da" tarha" ri acang loo: ein: tid nyid zi anghoid gyeung" nyang: ga: ri- ngoo gi Khristu da" tarha" khoug: moo: nyid nyid su nghoid.

GALATI 3:10

Hau: toung: to" da" tarha" cang pyeung da" khyoo: ri myid loem nyid mo, hang" nghoid loug we' tarha" dang: phyed' da" akhoug: moo boo mo, nghoid nyid Khasu" wim gari jhoem: mungdang: gi hau: tarha" moo lhid" too" matoo" yo' dakhyoo" ti"- khanham we' ayo" cang pyeing bang: hang" nghoid loug- tarha" dang phyed' zi shau" wa,, ga: lhid" to".

Roma 8:3

Byu xangsu: gung sho" nheigloem: yoem: neing: khyoo: yoomo - Moshe da tarha" wi ayo" voin vu da" moo" ri Mangsoo: gi voin vu pang" byid: bye. Mangsoo: gi byu xangsu: gungshoo" zei: shoid' moozoo" khyoo: tid yooboo dang: phyed' wa shid' re" nya: zooti" ri nhang: kaid' bye. Hau: nya: zooti" zoo: gi yoobo tarha" ri phyo' shoin' pyam' wa shid' re" xangsu: byugung re" void yu bye.

Roma 1:32

Hid: yhang: te" mo gi shid: moin: nyid ga: - Mangso: mungdang: moo tid to" khyoo: ri - nyanu" nyang: si gu nghoid loug we' - nyanu" gungdu: nyang: he: moo" ri zei: tho' moo agoo" hid: su" cang zei: nyid mo ri we' yoem: byid: tu: to' gau yi nyid boem nhung: lha".

MATHE 11:24

Houg: yoomo nanu" ri ngoo tid da" zigi Tarha" dang: kho da" bidnyid moo Sodom voo kham: zoo: wa dam gi nang kham: zoo: wa dam tho' moo daje som" wa zi nghoid.»

YAKU 2:10

Tarha" daloem: ri shoid su: hang" nghoid loug we' tarha" dangain" ziri shoid nyid su: nghoid.

Roma 4:15

Moshe da tarha" gi Mangso: da" nheig yoo: yoo" bue" nhang: nghoid loug we' tarha" ajo rigi tarha" shoid' ga: zi we' ajo.

MATHE 11:22

Houg: yoomo nanu" ri ngoo tid zi gi hau: Mangso da" dang: khoo' bidnyid moo Turu yo" Sidun kham: wa da" dam gi nanu" kham: wa dam tho' moo je soem" wa zi nghoid.

TARHA" TID POIN" 27:26

«Mangso da" tarha" joem yo' jhau" shid dang: joem dangain" ri atam" gyoo: su: hang" nghoid loug we' Mangso nheing" khoin" zang" baja". ‹Houg: lang" byumyu" yi dangain" gi ‹Amen› ga: tu" wa zi nghoid.

GALATI 3:22

Nghoid loug we' mougmyid gyab goin" gi hau: youg: noo yoobo wigi nghoeb, boem" pyam' bye, ga: wigi jhoem: mougsoug" moo tid nyid hougsu" nghoid yoomo Yesu Khristu ri loem" jeung khyo" wigi byid: wa ga: da" dang: soo" jeju" agyid asoo: ri loem" jeing" bang: ri byid: nyid.

YOHAN 19:11

Aseing Yesu phougtu" zigi nang ri Mangsoo ab byid: yoomo za: hid: yhangti" yo" zi nghoid. Houg: yoomo ngoori we' re" da" lo, moo ab byid: su: gi yooboo je gyi wa nghoid- ga: tid.

ACTS 2:23

Mangsoo gi nyang: soin: to" ziyo' dakhyoo" ti" Yesu ri nanu" da" lo, moo ab pyam wa shid re" myed phyed' too" su: nyang: nghoid da" lo, moo ab pyam wa shid re" myed phyed' too" su: nyang: nghoid bye. Nanu" gi yooboo yoo" bang: da" lo, yo' Pyang" zeing moo nyang: ri baid' jen" said pyam nhang: khyo" Yesu ri said' pyam boem bye.