PHILIPI 4:14 - Lacid Common Language Bible

¹⁴ Nghoid loug we' ngoo kyi" khyeug shen" yhen zi shau" nyid da" ayo, moo ngoori nanu" bo pang" thoug khyo" wigi gye" ge da" moo" ri zei: abye: go.

PHILIPI 4:14 교차 참조

1 KHOKHAM 8:18

Nghoid loug we' Aseing nyang: ri «Nga" shid re" yhoem: daloem: koid wa shid re" nang myid vho: nyid zi jo da:.

2 KHOKHAM MHOOMYID: 6:8

Nghoid loug we' Aseing gi nyang: ri ‹Nang nga" shid re" Noku Yhoem: Moo" koid wa ziri vho: ngei nyid zigi jo, da:.

MATHE 25:21

Nya: yhoem: seing: gi gi bye: loemloug da" nga" deizoo: gi we"- nang gi nge da" moo" moo loem gi" su: nghoid yoomo gyi: da" moo" zeing moo we ngoo ab byid: wa ri" we'- ngoo yo' dage" gau yi ngei pyo: nyid loo: shang» ga: tid.

Roma 15:27

Nyanu" hougsu" pang" thoug go" da" khyoo: gi - gootu: yoomo anghoid. Nyang: nheig myen: khyo" yoomo za: danghoid. Gyeing" nyang: ein: rigi hau: sho" jhen: mo ri pang" thoug wa zi gi Nyanu" moo yoovoin bo zi nghoid. Yuda byumyu" yi gi tungbau byumyu" yi yo" dage" Venyi: mainkaid jeju" joem' ri nyanu" ri gam byid: rigi tungbau byumyu" yi we' Yuda byumyu" yi ri zoo: wa void wa moozoo" moo pang" thoug eung: nyid.

GALATI 6:6

Khirstu da" mungdang: ri jhau" kham: yu su: gi jhoug" byid: da" sara: ri nyang: tu: nyang: yo" da" gye" ge da" soidgain' dangain" ziyo' bo pang" thoug byid: nyid baja".

PHILIPI 1:7

Ngoo nanu" da" atho' moo too" byid: da" myid' gi young" du nyid khasu" wim ga: ri nanu" ri jheddab nyid da" khyoo: gi nga" da" emyid moodabo jo. Nanu" dangain" bang: gi ngoo thung: loung" jo, uri nghoid loug we' ngoo ngei bu: lu dang: ri kho" kyo" zoore"- geung: teing jo, nhang: uri nghoid loug we' Mangsoo ngoori byid: da" akhang" jeju" ri bo kham zoo; mo, nghoid ago".

PHILIPI 4:18

Hid: the' nanu" byid: bye: da" zi dangain" ri ngoo yo" yu bye- zhayen" sagsi: gi he: zi nghoid bye- hau: zigi ca" tho' moo jain" sho' lang" nghoid bye- akhid" gi nanu" da" jhung: shug ri Epaphrodi ci: ri" byid: yoomo ngoo moo ca" moo ca" dangain" ri yo" yu bye- he: da" zi joem gi Mangso jang" moo xoin" to' byid: da" nam, pyo: shoem: yhang: tri" we' Mangsoo vho: ngei ziyo' lhoem: yu moin: da" xoin" du: yhang: ti" we' nghoid bye.

1 TIMOTHI 6:18

Ge, lho, da" moo" ri zei: nyid wa shid re" ge, da' moozoo" mo, yo" de loo wa shid' re" we' byu gooji yi ri gam, byid: myhoo, byid: vho, lo" khyoo: moo we' amyug ashi loo: yo" gam, byid: wa shid re" jen" jen" koid nyid goo' baja"- nyangnu" ri jhoug" byid: nyid we'.

HEBRE 10:33

Nanu" nyang:- mung" byu yi da" shid' moo juang" yi gei sang: ziyo' shen" yhen khyoo: ri daso' so' thoung" shau" lid lo boem bye. Hau: lho: goo tu: da" ayo, joem moo gi nanu" yhang: ti" shen" yhen ziri thoung" shau" nyid da" byen cang" yi tab khyoo: bo nyid lho: wigi sho" jhen: jamjau ri bo kham, zo: khyo" yoem: byid: pang" thoug go" lid lo boem bye.

HEBRE 10:34

Nanu" gi thung: lung" mo, ri we' nheig khyeug ago- nanu" da" soid gain ziyoo joem ri lhoid yu zi shau" lo da" uri gau yi ziyo' kham zo: boem bye- Khasu" wim gari abyo, abei lo da" soid gain daja: yoo" shi" zigi nanu" se' ago".

HEBRE 13:16

Ge, da" moozoo" moo nanu" nyang: cang" nyang: pang" thoug goo" wa da" khyoo: ri ato" myhed pyam goo. Khasu" wim gari houg: yhang: te" da" xoin" gi Mangsoo vho: ngei nyid xoin" nghoid.

Pang Shug 1:9

Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.