PHILIPI 2:15 - Lacid Common Language Bible

¹⁵ Houg: su" koid nyid lang" nanu" gi akyang" alai byo, yoin" lho: yooboo yoo" bang: ga: goo" wa. He: mougmyid tho' moo ce" yooboo we' adab loo: za: nheigloem: gyeungshang: da" Mangso nya: zoo: yi yhang: ti"- bue" loo: goo" wa zi nghoid-Hougsu" nanu" gi kangso dei da" mungdang: ri kho" kyo" nyid zoore" moug: khung: goin" ziri thoin" pang byid: da" bidbang gung du: yi yhang: ti"- nyangnu" da" mo, phung: gung moo thoin" pang byid: nyid boem, ca" wa nghoid.

PHILIPI 2:15 교차 참조

COUNG" NGHEI 122:5

He: voomoo" gi Israela khokham yi nyang: da" byumyu" yiri tarha" dang: phyed wa shid re" khoo" zhoung: da" joyoo nghoid.

THU' LO" MOUGSOUG" 34:35

Nya: myonhoo: bang nyid zi nyangnu" yo" myang. Hau: thang: nyang: gi Aseing yo' dang: doem goo" wa shid re" dalheing: doem yhe: ayo, ju" sho' myo, nghoeb za: pain" yo' nghoeb ci: da:.

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

DANG: ZHOEM 8:8

Ngoo tid nyid da" khyoo: dangain: gi deingmain" zi nghoid wigi ashoid avhang: ziyo' khyoo: shu" vhang: lo" zi aboo.

ESAIA 60:1

Yerusalem we" too' we' bidbang yhang: ti" bang we'. Aseing da" phung" yoeb gi re" adang moo bang nyid da:.

DANIELA 6:4

Houg: lang" hau: gootu: moo" pyoo: bang: yo' mung" zoug: yigi Daniela mung" vhoeb moo" zei: jang" mo yooboo shoid zi daja: ja: shoug" sho' zheing: sho: nyid boem ago". Nghoid loug we' Daniela gi loem ge" ziyo' shoid zi anghoid lang" adeing amain" zi daja: we' akoid yoomo yooboo amyang boem nghoid ago".

MATHE 10:16

«Zeigne phung: moo nhang: kaid da" yang joem yhangti"- nanu" ri ngoo nhang: kaid. Houg: yoomo nanu" gi lhang: myu yhangti" nheig boo ung: gyeing: lho: pheing" kyoug" yhangti" nu" nham nyid ge'.

MATHE 17:17

Aseing Yesu gi «nanu" gi loem" jeung" nheigloem: abo zi yo" shoid vhang: nyid boem nhung: lha". Ngoo gi nanu" yo' dage" kha: myhang ju" sho' nyid ca" la". kha: myhang ju" sho nanu" ri kham: zheung: nyid wa. Hau: zooshang: ri nga" jhang khe: shu" ri" ge'» ga: tid.

MATHE 5:45

Houg: su" nghoid ri za: Mougkhung: tho' moo nyid da" phoo Mangso da" nya: myid: nya: zoo: yi gi nanu" yo" bui" wa zi nghoid. Khasu" wim gari agi mo, yo" gi mo, da" tho' moo nya: bid ri thu' nhang: nyid wigi deung byeung" mo, yo" adeung byeung" mo, da" tho' moo moug: ri voo byid: nyid.

MATHE 5:48

Houg: su" wigi Mougkhung: tho' moo nanu" da" nya: phoo gi joeb byeung" nyid ziyo' dakhyoo" ti"- nanu" we' joeb byeung" nyid ge'.

LUKA 1:6

Nya: eig yug goin" - Mangso da" shid' khoin" moo deing: byeung" su: eig yug nghoid. Mangso da" mungdang: bain sho' yo"- Mangsoo pyeing: to" da" dang: dakhoin" we' ashoid loo: cang byeung" su: tang: nghoid.

LUKA 6:35

Nanu" gi gyivoo yi ri jheddab ge' Jeju" koid: ge' daja: ja: khyalhang" doem yo" yu abe ein: amyid nyid loo:- jhid" byid: nghoo" byid: ge'. Houg: su" koid: nghoid rigi Nanu" gyi: thang da" jhungshug ri yo" yu wigi myhang: thang da" Mangso da" nya: zoo: yi nghoid boem wa. Hau: Aseing: gi jeju" ase' boin: mo, yo"- akhyeing" ashoeb mo, ri jeju" koid: nyid.

YOHAN 5:35

Yohan gi myiyham: dab lho: bang nyid da" myibung: yhangti" nghoid nyid yoomo nanu" gi nya: da" bidbang khoug: moo daso' za: te: pyoo: nau boem.

ACTS 2:40

Houg: lang" Petru gi gootu: dang: khyoo" myoo" sho' yo' nyangnu" ri tid poin" tid kyeing" byid: zoore- nanu" gi he: akhyeing" ashoeb da" byu yi tho' moo ju" lo nyid da- yoobo dam mo loid byoin loo: ge'- ga: tid poin" da.

ACTS 20:30

Nanu" da" phung: mo nyang- byu dayham" gi mhau' fain" da" dang: tid lho: loem" jeing" bang: ri nyangnu" da" thang: khyoo: mhau' shu" vhang: lo" da" bidnyid ju" loo wa zi nghoid.

Roma 16:19

Nanu' gi ge da ngei bu: lu dang: ri khayhi' ju" sho' loem" jeung" geing: teing ci: da" khyoo: ri byu dangain" mo nyang: shau" gyo: ci: boem bye: - houg: yoomo ngoo gi nanu" da' shid' re" gye gau yi nyid. Nanu" gi ge da" moo" kha: ja: nghoid da" zi ri se' da" phajhi" boo mo nghoid lho: wigi aco' ajhoid' da" moo" yo" sen: lho: wigi ce: yooboo adab mo bue" loo nhang: nau.

1Korinthians 1:8

Ngoonu" da" Aseing Yesu Khristu doem ju" re" wigi- Tarha" dang: phyed' lo da" bidnyid moo- yooboo foin: cang aboo loo: sho'- nyang: gi nanu" ri lo" thang moo: ju" sho'- geung: teung jo, nhang: wa zi nghoid.

2~KORINTHU 6:17

Houg: su" nghoid yoo mo Aseing: gi Nanu" gi nyangnu" ri to" pyam' kho' wa ziyo' nyangnu" mo nanu: da" gungdu: ri goo" zu: xen' gam, gang: goo" loo: ge'. Anyhoin: athoug" zi ce" ja: ri we' azang" thung" go". Houg: lang:" she, ngoonanu" ri lhoem: kham: yu wa zi nghoid.

Ephesu 5:27

Hougsu" nyang: gi hau" phung: ri yung" lho' gyeungshang: nhang: ziyo' ca" yo da" khyoo: ci" we' aboo- atug atuang akoin: ajoeb, zi anghoid loo: za: joeb byeung" ce" yoo, aboo loo: sho' nya: shid re" ced" young" kyeung shang: yu da" khyoo: nghoid.

TARHA" TID POIN" 32:5

Nghoid loug we' nanu" gi jhug azug- nya: byumyu" bui" wa amoin: yi" nghoid ago". Yooboo yo" ziyo' mhoug fain" da" byu damyu" nghoid ago".

PHILIPI 1:10

Houg: lang" she' nanu" gi Khristu doem ju" re" da" bidnyid moo ayung" alhoo, aco' ajhoid khyoo: mo loid lo" lho: - yooboo adab bang: bue" wa zi nghoid.

PHILIPI 3:6

Myid' loin" yoem: kaid' khyoo: ri da tid shang ga: rigi ngoo gi phung ri shen" yhen loo su: nghoid- tarha" cang byeung" shoid, khyo" deing byeung" khyoo: ri tid shang ein: rigi ngoo moo ce" yooboo we' adab-

1THESALONI 5:23

Nyhang" ri ngei pyo: myen, jham" khyoo: byid: nyid da" Mangsoo gi nanu" ri khyoo: khaid gu: khang" moo" moo ced" yung" ced" shang: lho: wigi ngoonu" da" Aseing Yesu Khristu doem ju" re" da" uri nanu" da" venyi nheigloem: yo' gung du: goin" ziri yooboo adab loo: sho' zung" lhug goin, coung" byid: baja".

1 TIMOTHI 3:10

Nyang: nu" gi xang: shed" ri ca: kyeung yu" zi shau" boem lho: yooboo ri yo" oung: loid loo" mo, nghoid boem rigi phungtau, moo" ri voin nyid goo" baja".

1 TIMOTHI 3:2

Phung moo vhu" jhung: koid su: dayug gi yooboo adab su- myi: dayug za: yoo' su- se' zed" lhid' nyid su- nyang: nya: da" gung du: ri yo" khang" su- akhyoo" joo joo kang: so' se' dei nyid su- nya: yhoem: moo tungbau being" voo ri doo' zhoo" doo" jhug noug su- se' jhoug" se' mhoo, byid: su: nghoid ca.

1 TIMOTHI 5:14

Houg: yoomo gyivoo yi gi ngoonu" da" khyoo: ri age khyo" tid wa joyoo ajo, loo: sho' apyaid' ngi shi" da" cougmoo" myhi, yi gi lo, doem xo' lho: zookhu: du, yau ziyo' nyangnu" da" e" koin, ikoin deungkhu: ri-yu" nyheung goin, coung: nyid wa ziri ngoo je" vho: nyid.

1 TIMOTHI 5:20

Byu gooji yu" gyoug goo" baja"- yooboo koid bang: dangain" ri shava byu yi dangain" mo, shid khoin" moo yau, jhoug" byid: ge'.

1 TIMOTHI 5:7

Nyang: nu" ri hang" wigi we' yooboo foin: jang: ajo, baja"- hid: tid to" dang: yo' nyangnu" ri tid poin" tid kyeung" nyid we'.

TITU 1:6

Hau: phung: ludaid phoo gi ce: yooboo aboo su- myi: dayug za: yoo" su- nghoid ca". Nya: zooyi we' loem" jeing" bang: nghoid ca". Kyang: da" aved asam" yo' dang: atam" gyo: da" khyoo: moo myeing thu da" zooyi age nghoid.

TITU 2:10

Khoug" soo" lanyham" daja: we' akoid loo: za: houg: su" koid wa gung khoo: gi nyangnu" gi khanham we' ge reung: kyed koeb ziyo' dang: zung" bang: nghoid khyoo: ri toin" shid nyid boem ca". He: da" akhyoo" azoo" khyo" wigi nyangnu" gi nyang tu: nyang: zei: ca" da" moozoo" jo, moojo, ri Yhada" khyoid khyi: yu Aseing: Mangso da" bidbang ri yo" thoin" pang shug boem wa zi nghoid.

TITU 2:15

Nang gi he: da" khyoo: joem ri kho" kyo" jhoug" byid: nyid we'. Nang yoem: byid: tid kyeing" tid poin" jhoug" byid: nyid da" uri - nang yo" da" amyeing" akhang" dangain" ri ci: we'. Hang" nghoid loug we' nang ri aphoug" akhyoid, ayu' nge pyam baja".

HEBRE 7:26

Hougsu" wigi Aseing Yesu gi ngoonu" moo bue" nyid da" ca" vho: khyoo: joem ri pang" byid: thug byid: wa ngoonu" shid re" gye" yhoug: gyen: da" khainjung agyi moo" nyang nghoid bye. Nyang: gi gyeungshang: su: nghoid nyid wigi-nyang: moo shoid vhang: zi youg: noo yooboo ci" we' aboo. Nyang: gi yooboo yoo" mo, phung: moo aboo- gooki" led' da" moug: khung: moug di moo ju" sho' coung" nghei tu: to' kaid zi shau" su: nghoid.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

2PETRU 3:14

Hougsu" nghoid yoomo nga" byen, cang" yi we' nanu" hau: bidnyid ri lang" nyid da: ayo, moo Mangso shid moo nanu" da" nheigloem: yung" lho' lho: wigi yooboo adab boem baja"- nyang: moo ngei pyo: myenjham" nyid boem wa shid re" yoem: goin' sho' shakoid yoem: kaid nyid ge'.

Pang Shug 2:5

Nang khayhi' byed gyoo" loo" bye: ziri se' we' re" da" yooboo mo nheigloem: thed' lo lho: xang: shed" ri cang loo bye: yhang: ti" bdem cang we'. houg: su" nheigloem: athed, loo lo: nghoid rigi re" jhang khyoo: ngoo re" wigi re" da" myibung: ri hau: joyoo mo ngoo yu pyam' byid: wa.

Pang Shug 3:9

Yu" ge'. nyang: nya: da" gung du: ri yuda byu nghoid ga: mhau' tid yen" mo, satan da" phung: moo boo mo, ri re" da" khyid: yang: moo lo goeb pid' nhang: wa houg: lang" nang ri ngoo jheddab khyoo: nyangnu" se' lo boem wa.