PHILIPI 1:28 - Lacid Common Language Bible

²⁸ Nanu" gi hau da" gyi voo joem ri agyug nyid goo" khanham we' yoem: zeing so' zeing bo nyid ge'- hougsu" koid da" yhe, khyoo; gi nyangnu" soem" joem: lo" lho: nanu" gi oung: doid lo" da" alhoo: sagsi: bue" nyid wa khasu" wim ga: ri nanu" ri oung: doid lo" da" khyoo: byid: su: gi Mangsoo nyang: nghoid nyid.

PHILIPI 1:28 교차 참조

APOEM AYANG: 49:18

Aseing we"- ngoo gi re" da" khyoid yu khyoo: ri lang" nyid.

COUNG" NGHEI 50:23

Jeju" boin: so" khyoo: joem gi ngoo ri phoug" tab, ngi: shab xoin" nghoid. Nga" da" dang: tam" gyoo: bang: dangain" mo, ri ngoo gi gyeing" gyeing" nyang: khyoid yu wa zi nghoid.

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

ESAIA 51:12

Aseing tid zigi «Nang ri yoem: boo nhang: su: gi ngoo nghoid. Myo, gam tho' mo jain" sho' ayo" zeing: kham da" Shid: se' da" byu ri ciwim gyoug la".

ESAIA 51:7

Jo ziri se' da" bang: nga" jhau" shid khyoo: ri nanu" nheigloem: khoug: moo kaid too" bye: bang: nanu" we"- nga" dang: ri tam" gyoo: ge'. Byu yi nanu" ri juang" lho: rue" boem uri agyug goo".

MATHE 10:28

Hau: lho: daja: gi gung shoo" ri za: te: yo" said' pyam' lho: nheigloem: Venyi: ri ayo" said' pyam' mo, ri agyug goo"- gung du: yo" Venyi: ri dalheing: dam- ngarai" mung" moo yo" shoin pyam' su: Mangsoo ri je gyoug nyid ge'.

MARKU 3:3

Hougsu" wi Yesu hau: yug ri hid: shid vhu" khyoo: re" yab we' ga: tid.

LUKA 3:6

Byu xangsu: dangain" mo, gi Mangso da" khyoid yu jeju" ri shau" myang boem wa. ga: wigi-dain" pyoid yoo moo byu dayug nyho: nyid ga: Esaia jhoem: dang: moo bo ziyo' dakhyoo ti" bue" loo bye.

YOHAN 16:8

Hau: da" yug ju" gyoo" loo lang" gi moug myid byu yi ri yoobo da" khyoo: we' deung main" da" khyoo: ri we' Mangso tarha" dang: phyed' wa da" khyoo: ri we' shoid vhang: khyoo: ri bang bang nyang: phang shug loo wam bye.

ACTS 28:28

Houg: lang" Polu gi dang: thang khyo" (Dang: thang khyo" Polu gi) Hau: Mangso da" khyoid khyi: yu da" mungdang: ri tungbau byumyu" yi khyoo: byid: pyam' lho: wigi nyangnu" gi hau: da" mungdang: ri tam" gyo: yu lo" boem wa khyoo: ri nanu" se' too" ge" -ga: tid kaid' bye.

Roma 8:17

Ngoonu" gi Mangso: da" nya: zoo yi nghoid yoomo nya: da" byumyu" shid' re" nyheing to" da" mainkaid jeju joem ri ngoonu" shau" kham: zo: boem wa. Khristu da shid' re" Mangsoo: nyheing to" zi ri we' bo shau" kham: zo: boem wa. Khasu" wim ga: ri ngoonu" gi Khristu yo" dage" yaukhe" kyi" khyeug noo bo kham: nghoid ri - nyang: yo" dage" nya: myo nhoo: phung" yoeb bo shau" vang kham: zoo: wa nghoid.

1THESALONI 2:2

Ngoonu" gi nanu" nyid da" Thesaloni voogung khyoo: ari" shi" uri Philipi voo gung moo ngoonu" ri khayhi' shen" yhen da" khyoo: yo' juang" yi shau" ziri nanu" se' nyid bye- houg: yhang: ti" adu aveing" go" da" thoutheung khyoo: myoo" sho' boo nghoid loug we' nanu" ri Mangso jang" mo ngeibu: lu dang: yo" tid kyoo" wa shid re" ngoonu" da" Mangsoo gi ngoonu" ri asho' agyug da" yoem: moo" byid: too" bye.

HEBRE 13:6

Houg: su" nghoid nyid yoomo " Hau" Aseing: gi ngoori pang" thoug su: nghoid, ngoo ce" ja" ri we' gyoug aca"- ngoori hang" ciyo" koid wa lha". ein: wigi nheigloem: kyung: kyung: ngoonu" tid nyid boem shang.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.