PHILIPI 1:20 - Lacid Common Language Bible

²⁰ Ngoo gi khanham we' ngoo nya: yoovoin moo sho' athu sho' ayo, khang" moo" moo nghoid loug we' je" wigi akhid" uri nghoid loug we' agyug avoem da" yoem: vhoo" azeing yo' byeung" jo, zoore"- ngoo gi dei nyid loug shid: loo" loug we' nga" da" kangso' gyung: khyoo: bain sho' moo Khristu da" myonhoo: phung" yoeb, ri bang thu loo nhang: wa da" khyoo: gi nga" da" vho: ngei thang ziyo' nheig byu khyoo: nghoid.

PHILIPI 1:20 교차 참조

COUNG" NGHEI 119:116

Re" da" dang soo" khoin" yo' dakhyoo" ti" ngoo ri yoem: foin byid: we'. Houg: lang" ngoo gi kangso' yo" dei nyid wa nghoid. Nga" nheig byu joyoo moo nheigloem: byo, yoin" loo" wa khyoo: abue" loo nhang:.

COUNG" NGHEI 119:80

Ngoo gi: re" da" Dang: theing khoin" joem ri ciyoo aboo loo: sho' tam" gyo: cang nyid bye: yoomo sho' thu gyoug thu ziyo' soem" lo" zi ngoo moo: athoung" shoug" baja".

COUNG" NGHEI 25:2

Nga" da" Mangso- ngoo gi nang ri za: loem khau: nyid. Joem: lo" lho: sho' thu da" khyoo: mo ngoo ri khyoid yu we'. Nga" gyivoo joem gi ngoo ri ayu" juang" nyid nhang:.

COUNG" NGHEI 62:5

Ngoo gi Mangsoo moo: za: nghe: khau: nyid. Ngoo gi nyang: riza: nheug byu nyid.

DANG: ZHOEM 10:28

Byugi yi da" nheig byu nyid khyoo: gi nyangnu" ri ngei pyoo: nhang: nyid nghoid loug we' akhyeing" ashoeb mo, koem gi ciyo" yu wa ga: lang" nyid cang aboo loo.

DANG: ZHOEM 23:18

Hougsu" nghoid rigi re" da" shid vhu" mo khyoo: gi gye" younglho' nyid wa zi nghoid.

ESAIA 45:17

Nghoid loug we' Israela ri Aseing wigi khyoid yu zi shau" da:. Israela da" oung: doid zigi apyaid atoo: moo deing jo, wa. Israela byumyu" yigi khanham we' ngi: yoem' zi ashoug" wa.

ESAIA 50:7

Nghoid loug we' yoem: moo" bo Aseing wigi ngoo ri pang" thoug byid: yoomo nyangnu" rue" zigi ngoo ri dam ayo" tab nghoid da:. Ngoo hau: joem ri yo" zeing: kham: wa ngoo nya: gung ngoo nyang: zeing: ci: da:. Ngoo ngi: ayoem" wa ziri ngoo se'.

ESAIA 54:4

Agyug- nang ngi: yoem" zi doem shoug" wa zi anghoid. Nang nyhoem: khyo' pyam zi shoug" wa zi anghoid. Apyaid nge da" yhoem: seing: myhi' yo' dakhyoo" ti" re" da" jhug azug ziri yo' Cougmoo" myhi' yhang: ti" re" da" nheig kyoo" nheig nge bue" ziyo' nheigloem: gyau: ziri nang to" myhid pyam wa.

YOHAN 21:19

(Hid: su" ga: tid jang" moo Petru gi ci: te" da" shid gyoin yo"- Mangso da" myonhoo: phung" Yoeb thoin" pang byid: wa da" khyoo:- Yesu tid shed' zi nghoid.) Hid: su" ga: bain tid lang" Petru ri nga" thang: moo cang we' ga: Yesu tid.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

ACTS 21:13

Nghoid loug we' polu gi nanu" cenoem wim wigi hid: su" ngau, lho: ngoori shoo" byo, nhang: go" lha". Ngoo gi Aseing Yesu gang mo Yerusalem voomoo" moo tei" zi shau" wa shid re" za: we' anghoid- shid: wa zi lang" gi jen" jen" nghoid bye"- ga: phoug tu.

ACTS 4:31

Nyang: nu" akyu" mho' lang" gi nyangnu" nyid da" jo yoo gi lei: nain" lo lho: nyangnu" dangain" bang: gi gyeungshang: da" Venyi yo' byeung" lo wigi Mangso mungdang: ri agyug avoem, loo: za: yo" tid fu" lo" ago".

Roma 12:1

Hougsu" nghoid yoomo Mang: nhung" yi we" - Mangsoo: gi ngoonu" ri gye jheddab nheig khyeug yoomo Mangso: moo" bo voin zi yo" dei nyid da" xoin" du: yhang: ti" bue" wa shid' re" nanu" da" gungdoem: ri xoin" to" ab noung" pyam' ge'. Houg lang" she' nanu" gi Aseing: ri deingbyeing" khyo" yo" noku boem wa.

Roma 5:5

Hidsu" nheig deig nheig byu khyoo: gi - ngoonu" ri neig loem: byo yoin" nhang: wa zi anghoid - Khasu" wim ga ri Mangsoo: gi ngoonu" ri nyang: byid: da jeju" gyeungshang: venyi: dang khyo" nyang khayhi' jheddab khyoo: ri toin" shid' too" yoomo nghoid.

Roma 6:13

Nanu" da gungdu akung: ako'' joem ri we' Khanham we' yooboo akoid' nhang: loogoo. Houg: yooboo koid wa tho' rigi nanu" gi shid: jang" mo doem dei loo mo agyeing" khyo" we' deingbyeing" moozoo" dagung goin" ci: yhung: nyid khyo" we' nyang: tu: nyang: gung ri Mangso: jang" moo xoin" to' pyam' ge'.

Roma 6:19

(Nanu" gi gungsho" nheigloem: khyo" ase' gyoo: yoomo lei da" dang: khyo" tid nyid). Goonham' gi age akhyeing da khyoo: aja: ja: ri zei: wa shid' re" - nanu" nya: da" gungdoem: ri - anyhoin: athoung" aco' ajhoid' khoug: moo join khyo" bain sho' ab pyam' boem bye. Houg: yo' dakhyoo" ti" - akhid" nanu" gi - gyeungshang: ge thang da" moo" ri zei: wa shid' re" nyang: tu: nya: da" gung doem ri - deingbyeing" da" khoug: moo join gyeing" khyo" nanu" gung ri ab pyam' ge'.

Roma 8:19

Moug: myid goin" mo phain" too" shau" su: gi Mangsoo: nya: zoo: yi ri thu' myang loo nhang: wa da" moozoo" joem ri gye nheig byu myid lang" nyid boem.

Roma 9:33

Jhoem: mungdang: moo- Tam" gyoo: ge' - byu yi thoung" thoe: leung loo" nhang: wa shid' re" lug daloem: ri Zion boem tho' moo ngoo zhug too" wa. Byu yi gi hau: lug loem: ri thoung" lho: leung: loo" goo" wa. Nghoidloug we' hau: lug loem: ein: da Khristu ri nheigloem: ung: khoug: bain" sho' loem" jeing" su: gi - Khanham we' nheigloem: byo loo" wa zi anghoid.- ga: wigi bo jo da.

1Korinthians 15:31

Mang: nhung" yi we"- ngoo gi nyid" khang" moo" shid: gyoin' noogyoin' za: dathoung" shau" nyid. Yha" da" Aseing Yesu Khristu moo: daloem: dadeing: za: nghoid da- yha" da" kangso moo: nanu" da" atho' moo: phau: khuang myonhoo: shoo: yoomo- ngoo hidsu" yo" tid zi nghoid.

1Korinthians 6:20

Hau: Aseing gi nanu" ri aphoug" phyed' lho: qei yu too" mo, nghoid- Hougsu" nghoid yoomo- nanu" da" gung doem: yo' Mangso da" myonhoo: phung" yoeb, ri thu ri" nhang: wa shid re" ci: yhoung: nyid ge'.

1Korinthians 7:34

Houg: yoomo nyang: gi nheigloem: eig gang gyo" jo,- ikoin deungkhu: avang shi" myiyi: anghoid lang"- zoomyi: agyeing" gi Aseing ri nyang: nya: gung doem: gyeungshang: Venyi: yo' nyid baja" ga- ab nung" xoin" to' byid: noug yoomo- Aseing da" mo" zoo" ri yo" myid loin" ziyo'- seing" kho" nyid. Nghoid loug we' yhoem" seing: phoo, yoo" bye: da" myiyi: gi nya: yhoem: seing: phoo, vho: ngei da" khyo" bui" byid: ca" yoomo- moug: myid yo' sen: khyoo: moo: za: myid myo: seing" kho" nyid.

2~KORINTHU 10:8

Ngoo gi Mangsoo byid: da" akhang" aya yo' sen: lho: ladu lid sho' to' phau: khuang nghoid loug we' hau: akhang" aya gi nanu" ri lhu: phyo' pyam wa shid re" anghoid. Nanu" ri so' koid tu: to' kaid wa shid re" danghoid.

2~KORINTHU 3:12

Ngoonu" gi houg: yhang: te" da" nheig byu joyoo yo" boem yoomo ngoonu" yoem: zug nyid boem. Myonhoo: mo phung" yoeb bei: lo" byug bye: ziri Israela byu yi amyang boem baja" ga: nya: myonhoo: ri myonhoo: nghoeb, yo' nghoeb ci: da.

2~KORINTHU 4:10

Aseing Yesu gi ngoonu" da" gungdu: moo dei loeb kangso' kaid byid: nyid ziri bang bang se' loo wa shid mo ngoonu" da" shid: se' da" gungdu: joem gi Yesu kham zo: lid loo bye: da- shid: gyoin noogyoin, kyi" khyeug jam jau khyoo: ri khanham we' kham zo: nyid boem.

2~KORINTHU 5:15

Kangso' dei nyid mo, we' nyangnu" da" akyu" shid' re" kangso' adei loo za: nyangnu" shid re" shid: kham: lho: doem dei to'' loo su: shid re" za" dei nyid goo" baja" nyang gi dangain' bang : da" shid mo shid: kham: bye.

2~KORINTHU 7:14

Ngoo gi Titu ri nanu" da" khyoo: phau: kyoo" bye. Hougsu" phau: khuang kyo" ziyo' dakhyoo" ti"- deungmain" nyid khyoo: ri nanu" bain toin" shid' bye: wigi ngoori nheigloem: gyoug: nhang: zi anghoid. Ngoonu" gi nanu" ri khanham we' deungmain" khyo" za: tid nyid ziyo' dakhyoo" ti"- Titu ri nanu" khyoo: phau: khuang kyo" zi we' deungmain" nyid ziri yo" si' bye.

2~KORINTHU 7:4

Ngoo gi nanu" ri ahto' tid loo: sho' myid loem nyid. Nanu" da" shid' mo ngoo gye" phau: khuang nyid. yau: khe" jam jau shid: gyoin, noogyoin aja: ja: thoung" shau" nghoid loug we' ngoo moo yoem: so' yoem: vhoo" byeung" jo, ziyo' ngoo moo gau yi ngeipyo: khyoo: gi dabyeung" shoin: lo".

PHILIPI 1:14

Hau: tho' moo gootu: ngoo thung: lung" yoomo mang: nhung" yi myoo: loo boug gi Hau: Aseing: moo loem" jeung" nheug loem: je, to' lo wigi Mangso mungdang: ri agyug avoem loo: za: tid kyoo" wa da" khyoo: je" wigi voem lo ago".

PHILIPI 2:17

Ngoori said' pyam zi to shau" nghoid rigi nanu" da" loem" jeung" phoin: tho' moo nga" da" suid" rixoin" to' gyid: ca" nghoid loug- ngoo gi gau yi nyid nanu" dangain" bang: yo' we' gau yi nyid.

KOLOSE 1:24

akhid" koem gi nanu" da" shid re" ngoo thoung" shau" da" shid: gyoin, noogyoin, moo gau yi ngei pyo: nyid Khristu gi nya: gung du: ein: da" phoung: shid re" kyi" khyeug khyoo: thoung" shau" ziyo' dakhyoo" ti"- ngoo gi ngoo nya: gung du: shid re" kyi" khyeug kham, khyo" wigi Khristu gi nya: gung doem: ein: da" hau" phoung: shid re" kham, da" kyi" khyeung khyoo: moo ca" nyid shi" da" kyi" khyeug khyoo: ri nga" da" gung moo kham, zo: nyid da" kyi" khyeug khyoo: yo' joeb byeung" byid: nyid.

1THESALONI 5:23

Nyhang" ri ngei pyo: myen, jham" khyoo: byid: nyid da" Mangsoo gi nanu" ri khyoo: khaid gu: khang" moo" moo ced" yung" ced" shang: lho: wigi ngoonu" da" Aseing Yesu Khristu doem ju" re" da" uri nanu" da" venyi nheigloem: yo' gung du: goin" ziri yooboo adab loo: sho' zung" lhug goin, coung" byid: baja".

1PETERU 4:16

Nghoid loug we'-Khristain byu dayug nghoid yoomo shen" yhen zi shau" nyid nghoid rigi ce: sho' cang aboo. Khristu da" myeing voin, su: yo" bui' yoomo Mangsoo ri jeju" boin: nyid ge'.

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.