PHAJHI" DANG: 9:7 - Lacid Common Language Bible

⁷ Shidkhyoo: xo' yhe: we' re" zoo: noem ri zo: lho: ngei pyo: nyid we' re" zabyid yhid: ri shug lho: pyo: nyid we' Hau: zi dangain" gi Mangsoo yo' nghoid da:.

PHAJHI" DANG: 9:7 교차 참조

APOEM AYANG: 12:19

Ce: gang mo nyang: ri re" nhammoo" nghoid ein: nang tid lho: nyang: ri nga" yhoem: seing: myhi' khyo" ngoo ri yu nhang: lha". Hid: the' re" yhoem: seing: myhi'- nyang: ri shu" ci: lho: thu loo" re» ga: tid.

1 KHOKHAM 8:66

Shed nyid" nyid" ri Sholumon gi byumyu" yiri yhoem: khyoo: nhang: kaid bye:. Nyangnu" dangain" we' nya: deizoo: David yo' nya: byumyu" Israela ri Aseing mainkaid byid: yoomo nyang: ri coung" lho: yhoem: khyoo: ngei pyo: tung" lo" boem bye:.

PHAJHI" DANG: 10:19

Zoo: shug pui" koid zigi nang ri pyoo: nhang: lho: zabyid yhid: gi nang ri myid pyoo: nhang: da:. Nghoid loug we' ngei ayo" ri hau: eig ja: goin" nang ayo" yu nghoid da:.

PHAJHI" DANG: 11:8

Nang dei nyid da" zain nyid khang" mo" shid re" jeju" boin: soo" we'. Nang gi khamyhang nyid myang" loug we' aca". Hau: tho' je myang" sho' nang shid: jo, wa ein: ziri myid boin: we'. Shid khyo myid lang" wa zi ce: daja: we' ajo,.

PHAJHI" DANG: 5:18

He: ziri ngoo shoug" myang yu byu dayug shid re" ge thang khyoo: yo" koid zigi Mangso wigi nyang: ri byid: to' da" apyaid aleing" kyeing" da" ayo, moo ayo" ziri zo: lho: shug lho: pyoo: pyoo: yo" nyid zigi nghoid abye:. He: zigi byu xangsu: da" vhu" pi: lo, kyo' nghoid da:.

PHAJHI" DANG: 7:14

Re" shid re" ja: noem joeb gi gi za: nghoid lo nyid ri ngei bu we'. Houg: lho: yau: khi" ju" re" da" uri we' ngei bu: khyoo: yo' yau: khe" khyoo: eig ja: goin" ziri Mangso wigi nhang: kaid byid: zi nghoid ga: ziri we' thang: moo ci: xo' pui" wa ein: ziri nang khanham we ayo" si' ein: ziri myid boin: we'.

PHAJHI" DANG: 8:15

Houg: yoomo ngoo gi byu dayug gi nyang: nya: gung ri pyoo: sho' nyid ca" da:. Ciwim ga: ri he kangso' gyung: khyoo: moo nyang: shoug" yu da" pyo: ja: ein: wa zigi zo: shug lho: nyang: nya: gung ri pyoo: pyoo: nyid zi za: nghoid da ein: goolhoo: za: shau" myid loem bye:. Nyang: ri Mangso wigi he: mougmyid dang moo byid: to" da" kangso' gyung: khyoo: gu moo moo" zei: myung: nyid uri neing: thang he: ziri yo" koid wa nghoid da:.

GYUNG: SOO" 6:20

Hau: thang: khainjung phoo gi Aseing ri shugbyid: da" gooki" lid jhungshug khyo" hau: joem ri shugbyid: wa zi nghoid. Tarha" khyo" wigi khainjung seing: da" yang lo: yanggang shoo" yo' bungsain: joem gi khainjung shid re" younglho' da" xoin" joem nghoid nyid. Hau: thang: ri Naziri koid yug gi zabyid yhid: ge shug da:.

MARKU 7:29

Yesu gi myiyi: myhi, ri nang hougsu" tid yoomo yhoem: khyoo: tau" loo" re'- hau: yu gi re" zoo: mo phang: thu' lo" ziri nang myang lha"- ga: tid.

LUKA 11:41

Houg: su" nghoid loug we' Nanu" da" bain khu, moo bo ziri sho" jhen: mo ri byid: pyam ge'. Houg: lang" zi dangain" gi Nanu" shid' re" dangain" gyeungshang: loo wa.

YOHAN 4:50

Yesu gi ‹‹loo" we' re" zoo: gi kangso' dei nyid wa›› ga: tid. Hau: yug gi Yesu tid da" dang: ri loem" jeing" ziyo' tau" loo" bye.

ACTS 10:35

Ce: noem byumyu" nghoid sho" loug we' Nyang: ri coung" nghei lho: deingmain" da" khyoo: moo cang loo su: rigi Mangsoo lhoem: kham: yu nyid.

TARHA" TID POIN" 12:12

Nanu" nya: zooshang: yi yo' nanu" da" dei zoo: yi yo' nanu" voogung moo nyid boem da" Levi byumyu" yi yo' dage" nya: shidkhoin" moo ngei bu: ge'. Levi byu yigi nyangnu" seing: da" mougmyid ajo, ein: ziri boin: nyid ge'.

TARHA" TID POIN" 12:7

Houg: moo nanu" ri mainkaid byid: su: nghoid da" nanu" Aseing Mangso shidkhoin" moo nanu" yo' nanu" yhoem: byu yigi zo: wigi nanu" koid bye: da" ge moo" zoo" joem shid re" ngei bu boem goo" wa.

RUTHA 3:7

Akhid" Bua gi bain zoo: bain shug lang" myid pyo: zoo" ri yoono, boem nam moo yhe: yhoeb jo,. Houg: lang" Rutha gi zheig zoo: yu: yhe: lho: nya: khyid: moo nghoeb to" da" mi ri tu: lho: khyid: yang: moo yhe: bo yhoeb jo,.