PHAJHI" DANG: 9:3 - Lacid Common Language Bible

³ Dangain" bang: jang" moo vhu" pi: lo, kyo' daja: za: ju" re" da:. Houg: lho: he: ziri mougmyid dang moo bue" da" ja: khang" moo" yo' dakhyo" shoid nyid da:. Byu joem dadei nyid nyid gi nyangnu" da" myid gi akhyeing" ashoeb ziyo ko" zi byeung" jo, ago". Houg: lho: nyangnu" gi nyeigdain tung" za: shid: lo" ago".

PHAJHI" DANG: 9:3 교차 참조

APOEM AYANG: 6:5

Mougmyid tho' mo byu yugkhang" moo" gi khanham we' gye" akhyeing" da" ziyo' gye" ashoeb da" nyangnu" myid soin: khyoo: ri Aseing myang uri

APOEM AYANG: 8:21

Ngei" to' byid: da" nam pyo: xoin" shoem: ri Aseing gi nheugshid: ziyo' nya: gung nyang: «Xangsu: byu yi da" shoid vhang: khyoo: gang mo ngoo gi mougmyid ri nheing" khoin" khanham we' shoug" nhang: loo wa zi anghoid. Nyang: gi ngi shi" mo nyang: nya: da" myid soin' khyoo: gi nheig akhyeing" ziri ngoo si' bye:. Ngoo gi akhid" lheing: koid yhang: te" da" dei moodei ri said mhoin' pyam khyoo: ri khanham we' ngoo doem koid loo wa anghoid.

YOBA 15:16

Houg: lho: ngoonu" gi akhyeing" ziri gyid yhang: ti" shug nyid da:. Nghoid- byu gi byo, yoin" da:. Byu gi ce: aphoug" nyang: adab nghoid da:.

YOBA 21:26

Nghoid loug we' dangain" gi shid: lo" wigi myhoeb pyam zi shau" da:. Nyangnu" dangain" bang: ri lugdung: joem wigi boem" pyam da:.

COUNG" NGHEI 51:5

Ngoo khu: re" da" bidnyid mo wigi ngoo gi akhyeing" ashoeb ziyo' nga" myhi' ung: khoug: mo nyang:- ngoo moo: yooboo dab, gu nghoid bye:.

COUNG" NGHEI 64:7

Nghoid loug we' Mangsoo gi nya: myoo: yo' nyangnu" ri beug kaid wigi nyeigdain tung" dam, dab, boem abye:.

DANG: ZHOEM 14:32

Athoug" akhyoug: da" byu yigi nyangnu" da" akhyeung" moo" zoo" joem khyo" wigi nyangnu" nya: da" joem: lo" khyoo: ri koid nyid ago". Byugi yi koem gi nyangnu" deing: byeung" moo" zoo" wigi nyangnu" ri goem loem byid: zi shoug" nyid ago".

PHAJHI" DANG: 1:17

Ngoo gi lasi phajhi" yo nheig agyeing: da" agyoo: mo phajhi" juyhi: yo' ko" da" agyoo: mo adu da" ziri myid kho' jhau" yu wa ein: myid phyed bye:. Nghoid loug we' ngoo shau" myang yu zigi lid ri cang khaid myheig zi danghoid nhung:.

PHAJHI" DANG: 12:7

Ngoonu" gung du: gi mougmyid mo myid phei" khyoo: doem tau" lo" wigi kangso' gi ngoonu" ri byid: da" Mangso jhang khyoo: doem tau" loo" wa.

PHAJHI" DANG: 2:14

Phajhi" juyhi: boo bang: gi nyangnu" kha khyoo: yhe: lo" nyid ziri se'. Nheig agyeing: bang: gi asi' nghoid ago". Nghoid loug we' dangain" bang: shid re" daja: kyeing" da" vhu" pi: lo, kyo' gi ngoonu" dangain" ri lang" nyid ziri ngoo se' da:.

PHAJHI" DANG: 7:2

Pyoo: pui" zoo: shug nyid da" yhoem: khyoo: yhe: wa tho' kougshu: nyid boem da" yhoem: khyoo: yhe: ri je ge da:. Ciwim gi: ri dei nyid bang: ngoonu" dangain" bang: ri shid: ze wigi lang" nyid ziri khanham we myid boin: nyid ca" da:.

PHAJHI" DANG: 7:25

Nghoid loug we' ngoo gi lasi phajhi" yo' jhau" zhang: yu wa shid re" ngoo nya: gung ri ab byid: pyam bye:. Ngoo gi phajhi" juyhi: yo' nga" dang: myid: joem da" dang: phuid: joem ri shoug" sho' sho: wa shid re" yo' nheig agyeing: zigi khayhi' akhyeing" ashoeb ziyo' koopyoid moo" nghoid ziri jhau" yu wa shid re" myid phyed too" bye:.

PHAJHI" DANG: 8:11

Byu yigi ciwim yoomo yooboo sho: moo" ri lei lei za: koid thu boem loug la". Ciwim gari yooboo moo" ri yooboo dam myab abyid: boem yoomo nghoid da:.

PHAJHI" DANG: 9:11

Ngoo boin: so" zi gootu: daloem gi he: mougmyid dang moo gye" yo" tang" bang: ajang" oung nyid wa zi anghoid. Gyi khaid sarhi' yi za: ajang" gyipui" oung: nyid wa zi anghoid ago". Phajhi" boo mo, ajang" we yoo" zoo: yoo" shug nyid wa zi anghoid. Yeig bang: ajang" jonu" yo" nyid wa zi anghoid. Ajang" we' aya: agyi:- age da" zhafa: gi yugkhang" moo" jang" moo se ju" da:.

PHAJHI" DANG: 9:2

Houg: moo adu go" zi ci: aboo nghoid da:. Deungmain" bang: yo' akhyeing" bang: jhang- gi bang: yo' agi bang: jhang- laloem lakhoug: boo bang: yo' aboo bang: jhang- xoin" ngei" byid: bang: yo' xoin" angei" byid: bang: jhang vhu" pi: lo, khyo' daja: kyeing" ju" loo wa. Byugi dayug gi yooboo yo" su: tho' aje gi. Jham' tang: dang: theing too" yug gi atoo" yug tho' je ge zi anghoid.

PHAJHI" DANG: 9:4

Nghoid loug we' mougmyid tho moo dei nyid yug hang" nghoid loug we' myid byu wa zi daja: ja: yo" da:. Kangso' dei nyid da" lakhuid" gi shid: jo, da" khang: khyi: tho' je ge da:.

YEREMIA 16:12

Nghoid loug we' nanu" gi nanu" phoug" phyid" yi tho' je dam xo: khyo" koid abye: go". Nanu" dangain" bang: gi nheigloem: thain: ziyo' akhyeing" boem wigi ngoo ri aphoug" cang nghoid ago".

YEREMIA 17:10

Ngoo Aseing gi byu da" myid ri pei: shoo: su: yo' nheigloem: ri jham" yu" su: nghoid da:. Ngoo gi yugkhang" moo" ri nya: kangso' dei ziyo'. Nyang: koid da" moo" ri cang wigi koid byid: wa.

YEREMIA 17:9

«Xangsu: byu yi da" nheigloem: ri hang" yo" tho' si wa la" Houg: yhi' mhoug fain" zigi gootu: ci: ajo, nghoid da:. Byang" gi wa shid re" age bui" loo: sho' no zi sung xo: byug bye:.

LUKA 15:17

Lo" thang moo nyang: myid boin: kaid lho: tid da" zigi nga" pho, vhoo" kung: joem nyang: gi gyi: gyi: shau" zo: nyid goo" aja:- ngoo koem gi he: da" joyoo moo zooyoid phu" zo: nyid bye: nhung!

LUKA 6:11

Pharishe yi gi nheig gye" yu" yo: lho: Yesu ri khasu" koid: myheug pyam wa lha"» ga: sham: go" nyid boem.

ACTS 12:23

Herod khokham" gi Mangso myonhoo: ri atu: to' byid: yoomo houg: jang: nyang: Aseung: da" moug: lagyoo: gi nyang: ri yoobo dam kaid' byid: wigi zain' joem wigi zo: said' pyam.

ACTS 26:11

Yuda tarha" jung joem moo we'=nyangnu" ri myoo" sho' lheing: yoobo dam, kaid' wigi nyangnu" da" loem" jeung" khyoo: ri ngeug pyam' boem wa shid re" ngoo gi gye" yoem: kaid' loo bye. Ngoo gi nyangnu" ri nheig soung yoo: noug yoomo gootu: da" mungdain mo voogung joem khyoo: lang" ju" yhe: wigi nyangnu" ri shen" yhen yu" bye.

ACTS 26:24

Polu gi hid: su" nya: gung ri tid ve, yu nyid uri Phestu gi Polu we" «Nang ko" abye:. Nang gi phajhi" sung jhau" ci: wigi ko" lo" byug bye: nhung:» ga: nyho: tid kaid.

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

2PETRU 2:16

Nyang: gi nyang: zei: da" yooboo yoomo yooboo foin: zi shug bye. Nya: da" loozei: gi byu thui: khyo" dang: tid lo wigi Lapi: pho, da" ko" agyeung" moo" ri no: pyam' nhang: bye.